امس يابنات صديقتي راحت لدكتوره تبي تشوف جنس الجنين المهم الدكتوره اكدت لها نوع الجنين وقالت صديقتي لدكتوره انه فيه تجربة البول والملح جربتها وطلع لها انه ولد يعني نفس السونار واكدت لها الدكتوره صحت هذه التجربه طبعاَ علميا قعدت تشرح لها كيف بس ما اخذت الا الخلاصه انه التجربه اكيده بس انا خايفه لان الملح نعمه بس صديقتي تقول ليش مو احنا في الاربعين نتوضا وننقع في ماء وملح بنات ياليت اللي عارفه نوع البيبي تجرب وتقولنا مدى صحتها ايه نسيت اقولكم قالت لها الدكتوره لاتستغربين انه من البول يعرفون نوع البيبي لانه كمان فيه ماده في البول ياخذونها ويستخمونها منشطات للمبايض يعني الابر المنشطه توخذ من ماده في البول والملح فيه صوديوم يتفاعل مع الهرمون الانثوي او الذكري في البول وبعد شذا يبين اذا ولد او بنت شوه رايكم نجرب؟ وهنيه اقتباسات من ردود البنات اقتباس: شوفي حبيبتي انا جربتها في بداية الشهر الثاني وطلع لي نفس الي قالت بالسونار و في كل حمل استخدمها ويطلع نفس السونار والله على ما اقول شهيد اقتباس: انا لما كشفت بالسونار قالوالي 80% بنت بس ما اكدولي بس الحين سويت التجربه وطلعت خطوط بيضاء يعني شكله كلامهم صحيح اقتباس: انا سويت الطريقه ذي في شهوري الاولى ورحت اتأكد بالسونار وطلع صح نفس النتيجه في طريقة البول وراح اتأكد لما اشوفه بين يديني ادعوا لي بتيسير ولادتي باقيلي كم يوم واخلص التاسع00 اقتباس: انا سويتها كم مره ويعطيني ولد والسونار يعطيني بنت والله احترت اقتباس: انا طلع لي في التجربه بنت والسونار يقول ولد الطريقه اذا قمتي الصبح من النوم وانتي مكمله 40 يوم من الحمل يعني في شهورج الاولى اذا قمتي من النوم ايبي كاس زجاج نظيف وحطي فيه ملعقتين ملح غطي الارضيه الكاس ثم ضعي عليها بولك اعزكم الله وانتظري شويي يعني عشر دقايق او اكثر( (وحده قالت خلته 4ساعات ايكون افضل ))اذا تعكر لون البول وصار فوقه زي الرغوه او مثل السحابه يكون الجنين ولد واذا صافي من فوق يكون بنت والله اعلم منقووووووووووووووووووووووووول
هاه وينكن خلونا نجرب انا جربتها طلعلي ولد بس بعدني ماعرفت نوع الجنين ان شاء الله يكون ولد وجربتها على اختي وطلع نفس كلام السونار يعني صح
ان شاءالله اقول لاختي تجربها لانها حامل .. وياقلبي ان شاءالله يرزقج الله بالولد الصالح .. ويعطيج الف عاافيه ..
انا جربتها وطلع ولد وجربت الجدول الصيني ونفس الشي ولد والحين انا بالشهر الثاني راح اخبركم اذا سويت سونار وبين معاي جنس البيبي ادعولي ان ربي يرزقني ولد صالح معافى ويرزق كل من تطلب الذريه من رب العالمين :redface:
انا اذا حملت انشالله ادعولي بجربها والحين بجربها باختي بالشهر السادس عادي؟؟وشلون يعني اكب الملح بارضية الحمام واحط البول عليه كرمكم الله اوشلون؟؟؟؟؟؟؟؟؟؟مافهمت:sad_smile:
قريبه لي جربته وتقول ممتااز وانا بعد جربته وصح ممتاز شفتي البياله حقت الشاي الله يسلمك اختي تحطين الملح الخشن ربع البياله وبعده تضيفين البول الله يكرمكم ارفع من الملح وتغطينه بالقصدير بس هذه الطريقه تسوينه لم تقومين الصبح ليش علشاااان البول نقي والبول يكون الون واااضح المهم .. انتي لم تقصدرينه وتغطينه عن الهواء تجلسين 24 ساااعه يعني يوم كاااامل بعده تفتحينه وتوفين النتيجه الي اهي .. اذا شفتي فقعااات على الملح وتحسين انه فيه تجزء هذا (( ولد )) امااذا شفتي الملح تشرب البول هذي (( بنوته )) .................................
