مرجع لأحسن صالونات للمكياج

احلى مكياج حطيته وصج غير شكلي بالمركز الايطالي عند غنوة بصراحة يستاهل اكثر من 20 دينار

وحلو بعد بريجيت اللي بالمنقف بس فيه عيب واحد ان بالصور تطلعين جنج وحدة من الفنانات بس على الطبيعه كريم الاساس مقشر وبسرعه يسيح

احلى كريم اساس حطيته ب قول ديور ماشاء الله البشرة صافيه ولي اخر الحفله ثابت وحتى مكياجهم حلو عند فاطمة الايرانية بس المركز الايطالي يغيرون شكلج مرة وحدة تطلعين بستايل يديد

انا احط مكياجي بصالون جنجز بالرقعي عند مدام ابتسام والله خلتني نسسسسسسسسسخه هيفا ء وهبي مكياجها مو صج اهي بكستانيه:smile:

انا احط مكياجي عند خبيرة التجميل بدور الكويتية

مكياجها روعة وتحط بفن وشغل نظيف فندقي راقي جدا

تعرف تسوي حسب الطلب اوفر وسط خفيف

ماعندها استيل واحد تبدع فيج تسويج بكل مرة غير

يعني تحسينها ماتقلد او تمشي على نمط واحد

كانت عند حنان دشتي واطلعت

والحين عندها صالون بحولي مقابل مجمع المهلب

تلفونهم 22620448

ونصيحة شوفو بعيونكم شغلها

لاتعتمدون على الصور اللي كلها فاتوشوب وفلاتر

وبالتوفيق للجميع

وخاصة صاحبة هالموضوع

والله يابنات انا عن جد انصحكم تروحوووون تجربون مكياج ابتسام اللي كانت بصالون الصباحيه وراحت فرعهم الثاني بجمعية فهد الاحمد حبوووبه وطيوووبه واهم شيء تسالك شنر اللوك اللي تبينه ومكياجها ب20 وتساريحهم 15 وفوق روعه ماراحتندمون والله هذا رقمها97904721 واللي تعرفها ترد علي وتقولي شرايها فيها ناطره ردكم موفقين

موضوع حلو ومفيد

انا الصالون الي يعجبني صالون حنان دشتي الي في سفير بستكي
مكياج عند امل و رانيا احلى ثنتين في نظري

وشعر زينب

صج ما تتحسفين اذا حطيتي

الصراحه بدوم مبالغه انا بالنسبه لي مكياج خلود روعه وتبرز الملامح وهذا رقمها 65017664
كل خطه سوتها لي رووعه

لسلام عليكم - بغيت أسال منو تحط مكياج و تسوي شعر حلو

شرايكم في مكياج اميره اللي بحنان دشتي فرع سفير بستكي؟؟

الله يعطيكم العافيه يابنات اذا تبون صالون حلو 100%ومضمون رشاشيك الى على البحر قبل دوار البدع والله انه ابداع ناعم وحلو ويطلعون الوحدة على طبيعتها انا مجربته بعرس اخوي وفى بعدصالون اسمه مس فرساي بالجابريه مقابل بنك الخلج فضييييييييييع انايوم ملجتى حطيت عندهم صج شي شي مو اي شى يطلعونج صج صج عروسه وهم سعره حلو مو بالعلالى

بنات انا سويت حفلة استقبال ولادتي قبل جم يوم ويبت وحده باالبيت اول شي صبغتلي وكل من شاف صبغتي ين عليها وبعدها بيوم يت سوت شعري وطلعتني عروووووس وطبعا مالت المكياج شغلها حلو وايد غيرت من شكلي وكل الحفله ينو على شكلي طلعت صج عروس يديده وشغلهم شغل فنادق الكل على باله رايحه فندق انصدموا لمن دروا انه بالبيت واللي تبي رقمهم طرشلي على الخاص.

بنات انا قبل جم يوم سويت حفل استقبال ولادتي لاني بصراحه عقب 8 سنين يبت هشوم ويبت وحده صبغتلي شعري والكل ين على الصبغه شغلها نظييف وبعدها بيوم يتني تسوي شعري حق الحفله صج صج بنات طلعتني شي ثاني ومالت المكياج سوتني عروس يديده كل من شافني بالحفله ين على شكلي بصراحه علبالهم رايحه فندق شغلهم مال فنادق وانصدموا لمن عرفوا انها بالبيت صج انصحكم فيها واللي تبي رقمها راح اعطيها ياه على الخاص

أعرف صالون أسمة حنان العدواني صراحة يهبل أنا مو أي مكياج يعجبني بس يبته ثاني يوم من عرسي :teeth_smile:

ممكن رقم صالون انتر فن بالجهراء ضرووووووووووووووووور

انا دايما احط عن ماي فير ليدي(ساس سابقا) مكياجهم ررروعه عند نائله

في صالونات وايد حلوة وتعاملها راقي حيل بس اا تعاملت مع صالون اسم خالدة بيل اللي بالجابريةالمصيبة اني ركبت اكستنشن وحطيت مكياج 160 دينار سعر خيالي ( طبعا انا مو عروس ) بس والله طلعت من الصالون اخرع مو حلو

والله يابناااات ترا الماكياج حظ مراااات تطيحين على وحده مو شي والكل يسب فيها ويطلع شغلها عليج حلوو ومرااات تجين عند وحده الكل يمدح فيها ويطلع بالاخير شغلها وووع
جربت المركز الايطالي عند ام لورانس شغلها حلوووو

انا حطيت مكياجي عند صالون مس فرساي اللي بالجابرية بصراحه كان رررررررررررررروعة وبعد الشرقيه حلوو مكياجها وفي صالون بخيطان اسمه عجبه مكياجها حلوو وناعم وجربت حنان دشتي بعرس اخوي كان حلو وناعم وكونتينتال اللي بالفروانيه شغله حيل حلوو بس اوفر شوى وفي صالون النرجس اللي بالفروانيه عند الفلبينيه شغلها حلوو حيل ومرتب ولاتنسون ام وليد تجي البيت ومكيجها ناعم وحلو وارخيص
وسلامتكم

مكياج ماك بالفنار

مكياج رشا العوضي بالشعب خلف معهد باينبل

رشا شيك حق عريس بالبدع

منيره الفرج

شروق رشود ردت تمكيج بعد انقطاع 7 سنين ردت بقوه
اهيا الي كانت تمكيج نوال و مسنعتها

واحلى شي مكياج اختي الي دايمن نستعين فيها

بالتوفيق حبيبتي

السلام عليكم

انا جربت ووااااااااااااااايد صالونات وبكل المناسبات ,,,, الصراحة حنان دشتي تلوع الجبد وتحسين انج وحده ثانية والله كأنج حاطه قناع على ويهج امبيييه اشدعوة الأساس جذي ولا يوم تلبسين ملابسج مبقعه من الكريم لييييييييييييييش اشصاير فينا ,,
ولا عاد لمسة فنن قطيعه كريم مخطط وطبقات هذا وانا قايلة ابي نااعم امبييه والله صرت كاسبر ,على طول غسلت وييهي وتهاوشت معاهم .
اما صالونات الجهرا نفس الطقه ووويييع ويييع يلوع الجبد هذا غير التساريح اللي الماشات تطيح وانتي تمشين على قولة زوجي صج مكياج الجهراا امبيه امبين تلطيخ بتلطيخ , وشفت مكياج مس فرساي بالجابريه على عمتي جنها حاطه في البيت واهي طالعه من الصالون 85 دينار والله حرااام

اللي صج عجبني حيييل وحده عجيب صالون موووس بالجابرية تساريح وااايد حلوه وومكياج ذرب وما يلطخ الويه ولا الهدووم والمكياج عند وحده اردنية أعتقد ان اسمها وساام اذا انا مو غلطانه عموما اهي بس وحده اللي تحط مكياج عندهم . والتسريحه عند اي وحده كلهم شغلهم حللو حتى زوجي اعجبه واايد وحسيت اني انا مو متغيرة يعني مكياج يعبر عن شخصيتج صج

ومشكووووورة وايد ياصاحبة الموضوع