السلام عليكم خواتي انا بنتي عمرها 8 شهور وقبل اسبوع طاحت على راسها على الارض فديتها وديتها المستشفى سوولها اشاعه لراسها قالوا فيها شعر يعني كسر بسيط وقالوا خليها هو يتعالج من نفسه بس انا حيل خايفه عليها لأن راسها منتفخ شوي على جنب وهذي التفخه لينه جنه فيها ماي او دم وكنت بسويلها اشعه مقطعيه بس ما سويتها لأن الدكتور خوفني منها يقول ان لها مضار واجد مثل السرطان الله يحفظنا وياكم الله يخلييييييييييييييييييكم طمنوني والله قلبي معورني عليها لدرجه ما تصورونها تكفون اللي مرت عليها مثل هالحاله والجاهل صار زين تعلمني وماراح انساها بالدعاء ان شاء الله
حبيبتي لا تحاتين وما تشوف شر ان شاءالله انا بنتي كان عمرها 6 شهور حذفها ولد خالتها بمسدس الماي وانتفخت وبعد اسبوع ماراح الانتفاخ وجنه داخله ماي وديتها للشفاء اخذوا اشعه علي راسها قال الدكتور فيها شرخ ودم داخل بين الجلد والجمجمه وقعدت ابجي خفت بس طمني قال الشرخ راح يروح ويجبر من نفسه والدم اذا ماحسيتي ان طبعها تغير خلال الايام اللي فاتت او الجايه مثل تكرمين ترجيع او ما تاكل او تنام اكثر من عوايدها او تبجي بزياده معناه ما كو شئ واذا تغيرت يعني فيها شئ وجيبيها لنا والحمدلله ما فيها الا العافيه وكاهي عمرها سنتن وسبعة شهور والحمدلله تتكلم وتمشي وما أثر عليها وان شاءالله بنتج ما يصير فيها شئ وسلاماتها والله يخليها لج ويفرحج فيها عروس تطمني حبيبتي
الله يشافيها لج ان شالله 00 وانا هم رفيجتى ولدها عمره سنتين طلح من الدور الثانى على الدرج وصار فيه شلخ فى الجمجمه وقال الدكتور عادى وبعد فتره ما فيه الا العافيه
لاتخافين حبيبتي الدكتوور ادرى بس خلي بالج عليها وان شا ء الله تصير احسن.....دعواتج لها دعوة الام ومستجابه ولا تنسيني عاد
لبا عينها اسم الله عليها ما تشوف شر ان شاءالله ماكو الا العافيه ياماللللللللللللللللللللللللللللللللها من الطيحات السن هذا البزر تلقينه صعارير من كل صوب يمشي ويطيح عااااااااااااااااااااااااااااادي ولد بنت عمتي طاح وصار له نفس بنتش انتفخ راسه وصار رخو كان فيه ماي والحين سلم مافيه الا العافيه لاااااااااااااااااااااااتحاتين وانا اختش:smile:
هاي حبيبتي لا تخافين انا عندي ولدي من كان عمره ست شهور واهو يطيح على راسه وتطاعله صعروره براسه عادي بعد فترة بتروح اهم شي لاحضي اذا رجعت او نامت بعد الطيحه مباشر وديها لطبيب وبنتي عمره عشر اشهر قلبها اخوة من الدراجه وطاحت على راسه ما فيه اي شي الحمدالله اهم شي لا توسوسين بالشي عشان ما يصير
الله ياشافيها ياااارب انا بنتي لما كان عمرها شهرين اخوها يبي يمسك بطل الببسي والا يطيح على راسها وتخرعت عليها بس ماشفت فيها شي ماوديتها الطبيب بعدها بشهرين اغمى عليها لما وديتها طلع دم متجمع بالراس والحمدلله بالعلااج صارت من احسن مايكون والحين كاهي سكنيه محد يقدر عليها وعمرها اربع سنين بس قالي الدكتور اذا صار راسها تحسنه كبير والا حسيتي فيها شي غريب بتصرفاتها على طوول جيبيها وترى الاشعه يبين فيها كل شي يعني لاتحاتيتن واذا انتي ودج تاخذين مقطعيه عشان اتطمنين ترى عادي باذن الله ماتضر بنتي سوولها الاشعه المقطعيه بخلال سنه تقريبا ياثلاث مرات يااربع ماني متذكره. وانا اقولج لاتخافين ولا شي لان الاطبه صدقيني لو حالتها تتوجب الاشعه المقطعيه جان سوها لها بس اكيد هي مو بحاجه لها وانتي احرصي عليها والله يخليها لج وتفرحين فيها عرووس وتشوفين عيالها بعد . وسلامتج وتعيشين :teeth_smile:
