السلام عليكم ورحمه الله وبركاته بنات امانه انا بقولكم قصتي بس بليز اللي بتنصح باسلوب محترم تتفضل واللي بتجرح الله يخليها انا مو ناقصه انا في البدايه بعطيكم لمحه شخصيه عن حياتي عشان تعرفون قصتي وتنصحوني عدل مدل انا بالبدايه من صغرتي تعرضت لمرض اهو مو خطير ولا معدي بس متعب ومنه انا سويت عمليتين وبصراحه جايدين مو بيع برد وبهالطريقه منو يبي يتزوج وحده مريضه ومشققه ؟ بس امانه يابنات منو فينا ماتحلم بزوج يحبها وتحبه وعيال يملون عليها الدنيا انا لاشفت عيال اخواني طار قلبي من الفرحه والوله عليهم شلون عيالي ؟ وانا بصراحه اكثر اهلي مهدولي طريج عدم الزواج بسوالف وييييه شتبين بالريل والله عباله البنت في بيت اهلها مريحه ومتكيه شتبي اكثر من جذي وانا رضيت وقبلت وبلعت السالفه ولا رحت عرس قلبي عورني مو حسد للعروس والله حشا اتم اذكر الله مليون مره اخاف عيني تصيبها بس مو هني المشكله المشكله اني عرفت شخص بالنت من ست سنين ويعلم الله ماتعديت حدود النت لاكن مره من المرات شافني صدفه بسوق ومن الصدف اني تعرجبت جدامه واهو ضحك واحنا الاثنين ماندري عن بعضنا واساسا انا وقتها كنت ناقده عليه شيبي داخل محل هدوم حريم وبس شبكنا اهو سولفلي وانا سولفتله واكتشفنا انه شايفين بعض بدون ماندري والله يعلم الله ماخربطت ولاكلمته تلفون بس حسيت انه كان يبيني وانا كنت اقوله عيب مو سوالفي مو معناته ظفتك مسنجر اكون فالته وانا مصارحته بكل شي مرضي وتعبي يعني اهو عارف كل شي عني وانا صدمني انه يبيني بالحلال بس انا مافكر فيه كحبيب بس حاسه انه اهو الفرصه الوحيده اللي بتيلي وفي مشكله ثانيه اسمحولي يا البدويات مو قصور فيكم بس اهو بدوي وانا حضريه والاطباع تختلف ساعدوني شنو اسوي انا محتاره والله :sad_smile:
حبيبتي ... أول شي أبي اعرف جم عمرج ؟؟؟ وثاني شي مسألة البدو و الحضر هذه متعبتني أنا بعد ... الله يسهل كل أمورج و يحققلج مرادج ان شاء الله
بس 24 هم مو كبيرة .. تبين نصيحتي صبري بس اذا كنتي تبين الزواج بسرعة قبل لا يتقدم لج خلي اهلج يسألون عنه النبي عليه الصلاة والسلام قال : اذا جاءكم من ترضون دينه وخلقه فزوجوه.. واذا انتي مرتاحة منه مافي مشكلة ولا تعتبرين البدو والحضر مشكلة لانها شي تافه مقابل حياة جميلة ممكن تعيشينها ((بس اهم شي سألو عنه بدوامه وعند ربعه))
مشكوره حبيبتي عالرد واكيد اكيد لو تقدم ان شاءالله نشخلهم بالسؤال وانا اهلي نوعهم لو صادوا زله صغيره مايزوجون يعني شي مو ظروري بقاموسهم الزواج ادعوولي الله يوفقني لطريج الخير والصواب
عزيزتي مافي فرق بين الحضر و البدو و السنه و الشيعة ... كلنا كويتيين و عرب و مسلمين ... و ان شاء الله ربي يعطييج الي فيه الخير لج ... انتي صبري ... و الصبر مفتاح الفرج ... و بعدين 24 توج عنونه الحياة جدامج طويلة و جميلة بإذن الله ... فا أنا اقول صبري و ادعي ربج انه يسهل كل أمورج و يعطيج الي تتمنينه .
حبيتي نصيحه توكلي على الله اشتري اللي يبيج وبيعي اللي تبينه وسالفه البدو الحضر ان شاء الله بتتاقلمين معاهم بس كل شي بالتفاهم والله يسرلج امووورج
ياقلبي انتى ما تدرين نصيبج وين وربي سبحانه علام الغيوب اكيد راح يعوضج بللي يسعد قلبج والحب مو عيب اذا كان مافيه شي مخل بالاداب ياعمري لا تفكرين ان الله سبحانه مو حاس بمعاناتج صبري ان مع الصبر يسر وسالفة بدو وحضر هذى السالفه قديمه كلنا عيال قريه لا تفكرين وايد وخلي الامور تمشي بمجراها وصلي صلاة استخاره وعسى الله يبرد على قلبج ونسمع بخبر زواجج قريب
حبيبتى اذا النصيب ي محد يوقفه المهم انك تتحرين وتسالين عن اخلافه وعن اذا في تكافؤ بينكم او لا لان اذا راح الحب شنو بتسوين بدون اخلاقه او اذا الم تتوافر التوافق الاسرى والاجتماعي والله يخيرج على الصح
تسلمون ياقلبي انتو عالردود اللي تبرد القلب بس بنات انا بصراحه ما أكنله اي مشاعر لا حب ولا كره بس حاسه انه فرصتي وريال شاريني بس سالفه انه بدوي وانا حضريه حاسه صعبه وحرام الريال قالي انا مستعد اسكن بمكان لازق بأمج عشانج والله مادري انا مابي اضلمه معاي واخاف اوافق واتم ما اكنله اي مشاعر مو حلو الزواج والارتباط بدون مشاعر والاحساس انه واجب رسمي وبس تكفون يابنات ادعولي الله يشرح قلبي ويكتبلي اللي فيه الخير انا وايد متضايقه من السالفه وحاطته بلوك وقلتله اني ما اشبك لضروف مو قادره اتكلم معاه يضيق خلقي مادري شنو السبب
اسلوبك الكتابي حلو ولا يدل انك مريضه بالعكس شخصيتك حلوه وبعدين تعالي من منا مايعاني من الاامراض او خالي من العيوب خليها على الله بس اهم شي القوه ولا نخليه يسطر علينا هذي نقطه الشي الثاني لا تقللين من شان نفسك ولا تخلين نظرت اهلك لها محل بنفسك انت اوقفي وقولي انك ماتعانين من اي شي يعيق مسالت زواج او حياه لك ومو معنى يطبقون فشلهم واستسلامهم عليك هذا خطا لان كل حياة شخص تختلف عن الثاني بتجارب وعشره ..مو من شاني اني اعلق كيف جت معرفتك بذاك الشخص بس اذا جاد بموضوع الزواج خليه يتقدم لك ومسالت انه بدوي والله انهم اهل خير وشوفي ماتاثر يوم قلتيله عن وضعك لو قايله للحضري ماعنده اسعداد يتقبلك لانه متاثر بيئته يبي وحده كاملة المواصفات ومن دون عيوب........ عذرا المقصد مو لك هذا تفكيره .......................بذكائك تقدرين تخفين كل عيب وبعدين الي يبيك حبك عشان شخصيتك واخلاقك رغم قلتيله كل الي فيك فكري انت ولا تخلين خوفك من نفسك او كلام اهلك يضيع عليك فرصت الزواج .........الله يسهلك الي فيه الخير وموفقه
24 صغيره واذا المرض مو خطير ويخليج تتزوجين وتيبين عيال اخذي اللي يحبج ولا تاخذين اللي تحبينة اذا شاريج يجيلج وما في فرق بين البدو والحضر اعرف وايد بدو ما خذين حضريات وحضر ما خذين بدويات هذاك اوول الله يوفقج وعسا الله يتمم والريال يحب البنت اللي صاينة نفسها وعزة نفسها
حبيبتي محتاره شوفي نفسج انتي الاول و صلي صلاة استخاره وادعي ربج قال تعالى : "عسى ان تكرهوا شيئا وهو خير لكم " وماافي فرق بين البدو والحضر ياقلبي انا بدويه واختي ماخذه حضري شنو يعنـي كلنا مسلمين ونعبد الله واهو ماشالله عليه متقبلج و عاجبته شخصيتج واخلاقج انتي صلي صلاة استخاره وخليه اهله يجون ويشوفونج لان اهو الي بياخذج مو اهله !! انتي بتكونين زوجته صح ولا لأ ؟ وعسى يشافيج ويبعد عنج كل الامراض ويرزق بالزوج الصالح الي يعزج ويحفظج من كل شي تقبلي مرووري
