اشلونكم يا حلوين اشتقت لكم موووووت اليوم حابه افتح معاكم موضوع وابي اخذ رايكم فيه لاني وايد تعجبني ارائكم الصريحه والعاقله ابي اعرف هل نومت المره المتزوجه عند اهلهاااااااااااااااا تخرب الزوج بذات اذا كانت بشكل اسبوعي ولمده ثلاث ايام يعني الويك اند كله وهل بهطريقه يتعود على غياب زوجته ويقوم مايحس فيهااااا ولا يفقدهااا ابي اعرف منو منكم تنام عند اهلهااااا كل اسبوع ولمدة جم يوم وهل تحس بتغير زوجهاااا عليهاااااا اتمنى تتحفوني بتجاربكم وبااارائكم الحلووووه
انا والله انام قبل كنت خميس ورد السبت الحين غيرت اجيهم الخميس والجمعه ارووح ويووم الاثنيين اروح لهم بعد جذي احسن
سبحان الله كأنك تعرفين أني بروح بكره عند أهلي:teeth_smile: ماشوف فيها شي أبد زي ماهو يحب يروح يقعد عند أهله بعد أنا أحب أروح وبالعكس ما أحس أن زوجي تغير بالعكس يشتاق في وجهه طول الاسبوع :emoticon_U: مايخالف لو غبت يومين:wink_smile:
انا ضد ان البنت تنام عند اهلها ليلتين لان راح تكون مقسمه اسبوعها نصين 3 ايام عند اهلهاو4 ايام عند زوجهاو اهله , بصراحه احس انها راح تزهق وتحس انها اذا راحت لبيتها مع وزوجها بتحس انه مو بيتهام يوم وترد بيت اهلها فراح تعد الايام علشان ترد بيت اهلها وهم اذا راحت بيت اهلها ماراح تشتاق لزوجها لان تدري انها بترد بهاليومين وراح بس تقارن بين قعدتها مع اهله وقعدتها مع اهلها , عشان جذي افضل ان البنت اذا تزوجت تنام عند اهلها ليله وحده ومو كل اسبوع
الصراحه في بدايه زواجنا كنت اشتاق انام عند اهلي بس اهو كان يرفض بشده وكان يقولي بقولج كلمه وخليها في بالج الرجل اذا عافت الزوجه فراشه وابعدت عنه بسرعه يملها تصدقون الحين صارلي سنه متزوجه اهو يقولي نامي عند اهلج وانا اقوله ما اقدر ماعرف انام بغير فراشي والله لدرجه خواتي يطلبونه انام عندهم واهو يقول والله انا عادي بس اهي ماترضى لانها راعيه بيت وكبيره بعيني فديته مشكوره ياقلبي على الموضوع
اول زووواج الكل يقووول لا نامي عندي لاتنامين عند اهلج وبعد سنه اهو الي يقووول ماتبين تنامي عند اهلج بس انا انصح ان ماتنام عند اهلها الا لسبب مثل بنام بالبر او دوام عشان مايتعود على فراقج بالنسبه لي اوسس اذا بالبيت بروووحه
سبحان الله يا حلوين كلكم نفسي انا اول ايام كان يترجاني اني ما انام عند اهلي الحين كل اسبوع يقطني ويقولي اجيلج بعد يومين اتفقنا لا تقعدين دقدقين وكل ما امرض يقولي روحي ريحي عند اهلج لمه قمت اشك فيه ووسوس اقول شسالفته؟؟؟؟؟؟
هاي انا عن نفسي كان يقول لي لاتنامين عند اهلج بجي اخذج بالليل انا اقول له لا بنام مشتاقه لهم احسه ينجرح من هالكلام يقول اللي يريحج وانزل واذل جا الليل يدق يقول ها مااشتقتلي اقول اي يقول بجي اقعد اصيح لالالا هو هني ينصدم قوليقول باي ويسكر والحين هو متعود انه يخلي انام عند اهلي وصراحه تحسفت حيل:mskket:
بصراحة اكبر غلط المراة اللي تنام عند اهلها وحتى لو اهو اللي طلب منها تنام ارفض ومافيعا شي لا نمتي من كل فترة لا فترة كراحة لج انتي بس كل اسبوع ما احبها انا
انا خير شر مانام عنداهلي عودت ريلي انه مايقدر ينام بالفراش الا اذا انا فيه تخيلو لو قلت بنام بنص الليل يجيني ياخذني انا وبناتي حتى بالاربعين امي تنام عندي
انا مطره انام عند اهلي لان ريلي دوامه شفتات واخاف انام بروحي بالبيت لا خدامه ولا يهال توني يعني شغله اطراريه
:smile:أنا ما اايد فكرة أن الزوجة تنام في بيت أهلها إلا إذا كانو بعاد عنها...مثلا هي بديرة وهم بديرة.. لكن إذا كانوا بنفس المكان والديرة يفضل لو تروح تزورهم وترجع في نهاية الليل لزوجها...لا تخلين الزوج يتعود على غيابج والنوم بالفراش بنفسه.(إذا مافي سبب مقنع)..تقدر الزوجة بنظري تنام عند أهلها مرة كل شهر أو شهرين لليلة وحدة مش أكثر ولما ترجع عند زوجها ترجعله بطلة جديدة حلوة (نيو لوووووووووك) أنا متزوجة في قطر وأهلي في الامارا ت ما اروح لهم إلا في العطل المدرسية بالمووووووت يخليني أقعد معاهم 20 يوم بالكثيير شهر:sad_smile::wink_smile: الله يحفظه ويخليييه حقي
السلام انا الصراحه ما اايد اي بنت تنام عند اهلها إلا اذا فخاطرها بالشهر بس مره .. لان لازم الزوج مايتعود على فراقج ونومتج بليل لازم تكون عنده حتى لو متزاعلين المهم يحس فيج قربه وخوفج لابعدني عنه الشيطان يلعب بعقله وشكرا عالمضوع الحلووو ياحلووو:angel_smile:
غلط صراحه انه المتزوجة تنام عند اهلها اوكي مرة بشهر مرتين بس مو دايم ترى زوجها يتعود على فراقها هذي نصيحه الحريم الكبار بالعمر دايم يقولون جذي
والله عن نفسي اايد النومه عند الاهل بس ماتزيد عن اليوم الواحد عن زوجي ماعمره قالي نامي عندهم والا لاتنامين بس احس امي لها حق علي واخواني بعد اشوفهم اسولف وياهم دام الغاليه عايشه الله يطول بعمرها بظل انام عند اهلي . واذا على اللي تخاف زوجها يخونها بهاليوم شدعواااااااااااا كله يووم ترى يقدر يخونج وانتي عنده :teeth_smile: الخيانه شنو يبيلها ترى بخمس دقايق يقدر يخلص عمره ويخون :wink_smile: يعني النومه عند الاهل مو شرط للخيااانه بس في بنات يغلطون انه ينامون بالاسبوع عند اهاليهم هذا اللي غلط اهلج حدج يووم وان كثرتي يومين . وسلامتج وتعيشين :shades_smile:
كل وحدة ورايها الخاص أنا عن نفسي ,, تزوجت مع حماتي بنفس الليلة وسافرت انا مع زوجي وبعد مارجعنا زوج حماتي هو اللي جابنا من المطار المهم إن بالسيارة كان يقول زوجي ان زوجتي يوم الخميس ثامنتها يعني تبات بيت أهلها ويوم الجمعة آخذها بيني وبينكم انا كنت مو متقبلة الفكرة وفوق هذا كله زوج حماتي يشوّش علي ويقول مايبيك هذا من بداية زواجك وبيقطك بيت اهلك بعدها ,, عرفت نعمةروحتي لبيت أهلي تخيلوا ,, أنا روحتي لبيت أهلي لها هدف ,, هو إني أستغل هاليومين في بر والديني وأجبر كل كسر أخطيته وأنا بنت وغير كذا أنا أبوي يداوم في منطقة ثانية ومايجينا إلا اربعا وخميس وجمعة وأبوي علاقته قوية فيني ومايستغنى والأهم إني لما أروح بيت أهلي ماأخلي زوجي في حاله بالليل ,, ألعب بدينه أرسّل له مسجااات جريئة ,, أو إني أكلمه بنبرة مشتاقة المهم مايجي يوم الجمعة الا وهو عند الباب ..بس تبون الصراحة ,, حماتي هذي اللي تزوجت معي تعبت وهي تترجى فيه انها تنام في بيت اهلها وهو مو راضي كل هذا ليش تتوقعون ؟؟ لأنه كان ملهوف في بداية الزواج عليها والحين مايبي يكسر كلمته او ينحط في موقف من زوجي لأنه كان معارض الفكرة فموزينة في حقه بعدين وليومكم وهي تبي تنام بس مو حاصل وهي من نفسها تقوووول زهقت من مقابل وجهه ابي افاجئه ابي اسوي حاجة ماني عارفه واللي ماتأيد جلستها في بيت أهلها أنا أقولك يمكن هو يبي يحضر لك حاجة أو مفاجئة وإنتي كلا في وجهه مايقدر يسوي شي وغير كذا فرصته يوم الخميس إذا كانت إجازته خليه يطلع ويوسع صدره ويرجع وقت مايبي وصدقيني يردها لك وبطريقة أحلى .. وآسفه ع الإطالة وأنا من المؤيدين بشدّدّدّدّدّدّدّة
يابنات انتوا وين عقلكم؟؟ اشلون اتخلين زوجج يتعود ينام بروحه؟! صح اللي يبي يخون يخون حتى لو انتي عنده بس ليش تعطينه وقت طويل حتى اللي مو في باله اللعب من الزهقة يلعب!! انا اعرف وحدة الله يهديها ويردها للطريج الصح كل ماسافر زوجها نادت حبيبها ينام عندها وطبعا زوجة حبيبها اتنام عند اهلها يعني مستحييييل اتحس بشي .. انا من المعارضين بشددددددددددة .. والله يهدي الجميع انشالله .
@@ عدل والله!!:48_48: ماتدري عن زوجها !!وطلع ينام عند رفيجته:47_47: حتى لو اهو سيده لازم تنتبهيييييين له واحنا يا غافلين لكم الله:48_482: انا من رايج اختي اداريه
الحمدلله والشكر هذي يااداريه هي اللي خانت زوجها وماتخاف من الله استغفر الله وربي لا تبلاانا ونصيحتي ابتعدي عنها لان هالاشكال ماتجي وراهم الا المشاكل والصاحب ساحب:smile: والله يعيننا انا عن نفسي احس خيانة الرجل اهون من خيانة المرأه يارب ارفع عنها ولاتبلااانا والله انقهر ويحترق قلبي اذا شفت نفس هالناس الضايعه وتبقى لكل واحد وجهة نظر ويشوفها هو الصح .
انا اول زواجي كلش ما انام عند اهلي مايرضا انام عندهم والحين ماتغير انام عندهم بس ليله وحده وبعد طلعت الروح الله لايغير عليتا ويخليه لي
