السلام عليكم بنات ابي اقولكم مشكلتي وابي كل وحده تقولي شتسوي لو كانت بمكاني انا متزوجه على حب كنا نحب بعض ثلاث سنين وتزوجنا وعندي بنت عمرها سنه ونص وايد صارت مشاكل بيني وبين زوجي خيانات ويمد ايده ويرد سكران ومايصرف كللش كلشي علي وعلى اهلي طبعا عقب هذي المشاكل اللي صارت هدينا بعض 8 شهور بدون ما اشتكي على نفقه او شي وماكان يصرف ولا يسال عن بنته وسامحته لاني احبه وابو بنتي لما رجعنا حق بعض اكتشفت انه يطالع الخدامه وبرمضان واحنا صايمين الخدامه كانت تكرمون بالحمام تسبح بنتي ورافعه ملابسها والبيت فيه اكثر من حمام لما دش شافها مارد طلع لا قعد ويسولف ولا جني موجوده طلع قلت له انا مو قلت لك لاتدش الحمام المره قاعده تسبح البنت ومو متستره عيب قام طقني وطردني انا وبنتي بدون لا ملابس ولا حليب ولا اي شي لها ورحت بيت اهلي وعقب شهر اكتشفت اني حامل والله ليهالوقت ما سال عن بنته ولا اهله سالو شصاير بينكم ولا شلون البنت دزيتلهم مسج اني حامل ولا ردو حتى بمبروك ابي اعرف شنو اسوي انا عمري 22 وبعدني احبه وموقادره اعيش بدونه تتوقعون راح يزورني ليولدت ويحس ويتحسف على اللي سواه ولا انساه واعيش حياتي مو عارفه شسوي والله:emoticon_U:
يا الباربي انتي مولهالدرجه رخيصه ماخليتي عيب ما قلتيه فيه-يسكر-مايصرف عليج-يطق-يتحرش بالخدامه حيل جايده-مايحترمج- مايسال عنج-ولايهتم ببنته-ولايفرح لحملتي-ولا بالعربي الفصيح يمج داير على شعر حله اقعاد العذرا عند اهلها افضل من رجال الفضايح تطلقي احسن مامنه فايده ربي بنتج واللي ببطنج على التفاهم والاحترام احسن من تعقدينهم بمشاكله وانتي بعيده عنه ادعيله الهدايه لج ولاولادج ديري بالج لايطقج ويسوي فيج اعاقه دائمه لان انتي مستحيل اتحملينه بعدين لما يكثرون الاعيال وراح تنضغطين نفسيا واتحسفين على العمر اللي عشتيه معاه ادبيه بالمحكمه وخذي حقج منه وخليه يعرف قيمتج والا مثل ماحبيتيه راح تكرهينه من كثر مشاكله ديريبالج على نفسج وشوفي مستقبلج ترى ماراح يتسنع الا لما يطلع عينج اخذيه مني عن تجربه الله يحفظج انشاءالله من كل مكروه
يا حياتي والله مشكله اختي شوفي وانا لو بمكانج ادق عليه واقوله تعال نتفاهم والخدامه ما اخليها اقوله ما ابي خدم يختي دام انه يسكر لا تحمل منه خدامتج واذا كنتي تشتغلين كل يوم اودي بنتي بيت اهلي اتحمل ولا هل مشاكل وارجعله عشان بنتي ولي بطني مو عشانه وعلى المشاكل انا والله اني ما اروح البيت اهلي عشان اثار الطق الي بويهي مرات اقولهم بسافر جم يوم معاه عشان ابوي ما يدق ويقول وينج ليش ما جيتي بس على السكر انا زوجي كان جذي بس بعد محاولات مني ومن اهله ساعدناه وبطل واهو صار في حادث وتعب وايد يمكن بالمستشفى شهرين وهو مرض وصار ما يجيب عيال بس الحمد لله عندنا فايز بس قالوله حتمال بعد ست سنين في امل واحد بالميه واهو الحين 39 وانا 19 شوفي الفرق بس احبه وانا قبل ما اتزوجه حبيته وحباني سنه ونص وتزوجته بس الحين الحمد لله زوجي ملتزم وخلا اللحيه وقصر هل الدشداشه ومن التزم كان وده يصير امام مسجد قبل ينادونه يالسكير الحين يا شيخ وفي شهر الخير صار ايمام مسجد كان اول مره ياذن وكبر بس الزوجه الشاطره اهي الي تقدر تساعد زوجها وخليج شاطره انا كان يطق ويقطعني بس كنت استمر واتحمل وما اقدر اقول لهلي زوجي يسكر حرام واللحين اهلي ما يدرون انه كا يسكر الحمد لله بس حلفلي بالقران انه ما جاء ولا بنت من تزوجني وكل ما اقوله ابي خدامه بقول لا ما وراهم الا المشاكل وشلون ادخل وحده غريبه عندنا حت اهله عندهم خدم طردهم من التزم وقال الخواته انتو شتغلو والله اني حسيت براحه من بعدها بس يالله حلو الشغل
مشكوره اختي على مشاركتج والله يتمم عليج ويهديلج زوجج انا ماودي بالطلاق ولا المشاكل متحمله وساكته بس اهو طردني بره بالشارع بلبس البيت انا وبنتي بدون اغراض وتخيلي انا اللي ماثثه الشقه ما خلاني اخذ اغراضي واثاثي الا بمخافر والحين اشتكيت عليه علشان نفقتي ونفقة بنتي لاني ما اشتغل بس تمشيلي دعم العماله والخدامه اهو اللي يابها ولا انا ما احب الخدم وكنت دايما اقوله سفرها ويطنش
هلا اختي حبيبتي زوجج يبي من يوقف عند حده رب العالمين قادر على هالشي ادعيه وقومي الليل وادعيه يهديه وان ما يهداه يقلعه وسالفة اهله يمكن اهم عارررفين خماجيل ولدهم وسوالفه يمكن اول خطوة اتصلي فيه وقوليله ابي مصرف لبنتي لاني مو قادرة على مصاريفها وان رفض قوليله يا بو فلانة ليش تضيق وتعقد الامور ترى الامور بسيطة وسهالة ليش ماتفكر ببنتك ترى الزاني يزنى به ولو بعد حين فكر في بنتك . . . وقوليله مو مشكلة ديرتنا الكويت ضمنت لي حقي وانا بإذن الله باخذه عن طريق محكمة وعندي شهود انك سكير وراعي خرابيط يعني تبي الفضااايح جدام القاضي والمحامي ؟!! وإلا الستر وتصرف شهريا علينا ؟ ووقوليله انا ناطره ترد لي خبر بعد ساعة لو بمسج عن قرارك وقوليله مع السلامة وانتظري ساعة بالضبط وان ما تحرك ولا تحجى من باااجر اختي رفعي عليه قضية نفقة وخلافه صدقيني هالاشكال اللي ما تحشم ولاتقدر بنات الناااس ماتستحق الاحترام وانتي ادرى الناااس في سوالفه
حبيبتي شاكرتلج مشاركتج ونصيحتج انا خلاص رفعت قضية نفقه لي ولبنتي ولمراجعة الطبيب لاني حامل والله كريم انشاء الله
والله يا اختي الله يعينج الصراحه مالج الا الصبر والدعاءوقيام اخر الليل والله يصبر قلبج ويمسح على قلبج
انتي من صجج شهالحب الخايس هذا والله قولوني بينفجر والله زين يخونج وتحبينه ويسكر ويطالع الخدامه كفوه اقول تطلقي منه وطردكم من البيت انتي وبنتج وتقولين احبه والله ودي ادعي عليه بس ماقدر تحبينه هههههه خوش جزا جازاج شافج على قولتهم حبيبه خلج جذي ارضي بالخيانه وبكل وصاخته عشا انج تحبينه الظاهر تبين هذا الجواب
انا اقووول هذي نزوه وحاولي تدقين عليه وتكلمينه وتشوفينه اهو شنو قرر وعيشي حياتج بدون خدم دام ريلج جذي
اختي العزيزة قبل التسرع باتخاذ اي قرار قد يهدم بيتك ويشتت عيالج وخصيصا انتي الحين حامل لي طلب عندج واعتبريني (( اختج الكبيره )) الرجوع لهذا الرابط .... حكمه نسائيه لتامين عش الزوجيه - منتديات مكسات وقراءة هذه القصه بس لا تتمللين من طولهااا بعدين اخذي قرارج بس اتمني الرجوع للرابط قبل اتخاذ اي قرار انا كلي ثقه فيج انج ما ترديني والله يهدي زوجك ويجمع شملكم ويصلحه (( وهذاااا دعاء لج من اختج الكبيره )) اللهم يا فارج الهم يا كاشف الغم ياربنا ورب كل شيء ومليكه سبحانك تباركت وتعاليت ... اللهم انى عبدك و ابن عبدك و ابن أمتك , ناصيتى بيدك , ماض فى حكمك عدل فى قضائك أسألك بكل اسم هو لك سميت به نفسك , أو أنزلته فى كتابك , أو علمته أحدا من خلقك , أو استأثرت به فى علم الغيب عندك , أن تجعل القرآن العظيم ربيع قلبى , و نور بصرى , و جلاء حزنى , و ذهاب همى..اللهم وفق بيني وبين زوجي واجمع بيننا على خير ..اللهم اجعلني قرة عين لزوجي واجعله قرة عين لي واسعدنا مع بعضنا واجمع بيننا على خير ..اللهم اجعلني لزوجي كما يحب واجعله لي كما احب واجعلنا لك كما تحب وارزقنا الذريه الصالحه كما نحب وكما تحب .. اللهم اهدني واهدي زوجي واجعلنا من عبادك الصالحين.... اللهم اقر عيني بهداية زوجي وصلاحه وتقواه..اللهم اقر عيني بالذريه الصالحه التي تدخل السعاده الى قلوبنا وارزقنا برها........... اللهم اهدي زوجي للايمان وثبته عليه اللهم اجعله من عبادك الصالحين الملتزمين بطاعتك واتباع سنة نبيك محمد صلى الله عليه وسلم اللهم ابعده عن المعاصي والفتن ما ظهر منها وما بطن اللهم اقنع قلبه من الدنيا وحب المال وارزقه بالرزق الحلال اللهم جملني في عينه وجمله في عيني اللهم اجعله لي كما احب واجعلني له كما يحب واجعلنا لك كما تحب
الله يهديه يااااااااااارب ويسخره لج ويسعفج بلطفه ويحميج انتي وذريتج ويسر امرج ويبعد عنكم اولاد الحرام يارب نصيحه اختي والله من ذهب واسأل مجرب ولا تسأل مخرب شغلي اية البقره ببيتج بيت اهلج باي مكان بالسياره حطي مشاري العفاسي صراحه ارتاح له اكثير لان بعض مشايخنا صوتهم يخوف وبكاهم يهزني فمشاري العفاسي بصوته سكينه وحطيه وشغليه حزة المغرب هذي نفس والعياذ بالله وعسى ربي يسعفج بلطفه يارب ويشغله بدينه وطاعته ويبعد عنه عيال الحرام يارب
اختي بصراحه علي شينه اقوات عينه سكير وما يصرف ومهمل لا بعد يتحرش في الخدامات بصراحه الطلاق حل لابد منه ما تدرين شنو راح يسبب لج من عقده وامراض وضغط حتي اعيالج بيتعقدون وانتي براحتج واهم شي استخيري قبل ما تخذين اي قرار
