السلام عليكم ورحمة الله وبركاته شخباركم خواتي ان شالله بخير خواتي انا عضوة جديدة بينكم والله يجزيكم خير على مجهودكم الكبير وعلى حل مشاكل غيركم والله يجعلها في موازين حسناتكم ,,, كان ودي اكتب مشكلتي من زمان حتى القي رد الي يريحني واليوم ياخواتي حابه اطرح مشكلتي وابي حل سريع تكفون وانا مابي اطول عليكم بحاول اختصرها قدر امكان مشكلتي هي ان زوجي سافر وية حرمته ثانية من ثاني يوم العيد ,, أأأأأأأأأأأأأأأأأأأأه بموت قهر اول ماوصل اتصل بي وسألته ادا هو مستانس ولا لأ فارد علي بأنه مادري ليش يوم يكون عندي يحس بالوقت بسرعة يمر ويوم يكون عندها يحس بالوقت طويل آآآآآآآآآآآآه يالقهر,,, لآن الاجازة مدتها 10 ايام فخبرني انه بيقضي معاها اسبوع كامل انا هني عصبت وغلطت عليه وتميت ازن عليه ,,, فزعل مني وسكر علي الخط من ثاني يوم العيد مافكر يسأل عنا والله لا وريكم انا عمري 22 بموت من القهر دخيلكم خواتي لا تبخلون علي فديتكم اباه يرد بسرعة وابغي اطرش له مسج ولا ني عارفة شو اكتب له خواتي ترى مالي غيركم من بعد الله
حبيبتي يعني عنده زوجه ثانيه و انتي عندج خبر صح حياتي سمعيني العصبية و النرفزه مو الحل لازم تعرفين شلون و بشطاره تكسبين زوجج نصيحه حبيبتي لازم تقعدين مع نفسج و تشوفين شنو ناقصج الي خلاه يكون مستانس معاها لازم تراجعين و تشوفين شنو الي خلاه يقول لج ليش الوقت يمر معاج بسرعه و معاها لا الشطاره انج شلون تخلين الوقت معاج ما يمر بسرعه حاولي تكسبين ود زوجج حياتي مثل ما قلت هذي فرصه قبل لا يرجع راجعي نفسج و شوفي شنو اهو يبي حياتي انا ما اعرف شنو وضعج بالضبط بس جاوبت بلي اقدر عليه اساعدج و بعدين لا تعصبين و تتهاوشين بالعكس جذي بيقول عنج نكديه و يعطي اعذار بالعكس خلج شاطره وكووول دزي مسج حلو و من الحين خلج شاطره بالتعامل معاه
حبيبتي انا رايي من راي اختي عيميه 77 لا تتهاوشين معاه عشان لاتطلعين انتي بالشينه وهي بالزينه يعني انتي النكديه وهي الوناسه والدلع الخ الخ فهمتي دزيله مسج في دلع وحب وشويه من الاعتذار احسن قبل لايرجع عشان يرجعلج بشوق ووله تقبلي مروري
تسلموا حبيباتي الله لايحرمني منكم جميعا خصوصا اختي عيميه77 كلامج وايد ريحني الله يريحج والله يعيني على التعامل معاه ,,,, خواتي انا مو مقصرة معاه بأي شي والحمد لله مافي شي ناقصني,,وهو يدري بهدا شي ودوم يعترف لي انه يرتاح معاي اكثر مايرتاح معاها هي مع انها هي اولى وبنت عمه وكان يبي يطلقها بس ابوه رفض لان في مشاكل دوم وياهم طبعا والله ثم والله اني ماأدخل في مشاكلهم حبيايبي قبل شهر سافرت انا وزوجي ماليزيا قعدنا مدة 25 يوم فقبل العيد من كم من يوم ردينا البلاد وكانت هي وايد زعلانه باأخص يوم العيد لأنه عيد عندي وخبرني بانه بيوديهم ثاني يوم المزرعة بعيدة عن بوظبي بساعتين فقلت في نفسي مالاداعي اكون انانية قلت له ماعليه ياعيوني روح ودي العيال يستانسوا خواتي مانكر اني انا الغلطانه بس لاأنه اتصل بي لين ساعة 11 بالليل فقلت له كلمتين وزعل مني لين يومنا هدا ماتصل بي ولا سأل عنا وانا بعد ماتصلت فيه ابدا بس عشان تدري يوم هو عندها ماأسوي لهم ازعاج وعاد الله لايوريكم اشكثر اغار عليه والغيره هاي شكلها بتخرب بيتي بنات دخيلكم ابيه يرجع بسرعة وموقادرة اتحمل دخيلكم ساعدوني شو اطرش له مسج
اذا الوقت يمر بسرعه معناته ان مستانس وياج مو انتي اذا استانستي بقعده حريم مثلا او طلعه تشوفين الوقت تقولين اوووف الوقت متاخر ماحسيت بالوقت بسرعه مر لانج مستانسه فيمكن اهوا كان يبي يوصلج هالفكره بس انتي مافهمتي قصده ويمكن مايكون صج بيقعد اسبوع بس بيشوفج شتسوين الحين ماينفع الحجي انتي دقي عليه واعتذري منه وقوليله احبك واغار عليك حتى من امك اشلون ماتبيني ازعل واعصب وانتي تقولي بتقعد اسبوع ومن هالحجي الحلو عاد ماوصيج وبعدين الريال ماقصر وياج سفرج بالاول والحين قاعد يعدل بينكم وهالشي مايزعل وقولي الحمدلله انه متزوج يعني بالحلال مو مثل اغلب الرياييل اللي يخونون وعاااادي عندهم .. ادري انه الغيره تذبح بس لازم تتعودين على هالشي وتلهين نفسج باي شي لما يكون ريلج عند مرته الثانيه علشان تستمر حياتكم وترى الريال عااااادي يحب ثنتين بنفس الوقت ونفس الاحساس مو مثل المرا تحب من كل قلبها عادي ياقلبي تعودي والله يصبرج ويعينج ويسخر زوجج لج ياااارب :smile:
القهر يأكل قلبي يالله........يالله قلبي يعورني ........يعورني بالقوه حبيباتي اعتقد ان زوجي بيرد اليوم ابي اعاتبه .... رغما اني انا الغلطانه بس هدا مايحق له انه مايسأل عنا مدة 4 ايام دخيلكم خواتي انصحوني شو اقوله اول مايرجع كيف اقابله لا تبخلون خواتي
حبيبتي اصبري واذا رد الا انتي محضره نفسج ومظبطه شقتج يعني اذا دش عليج بعد غيبه يرتاح نفسيا وقولي له انا غلطت بس مااستاهل انك تحقرني هالفتره كلها بعتب بسيط من غير هواش وانا والله ماالومج بس انتي تدرين انه متزوج يعني تتحملين العواقب .. ثانيا : تدرين اكبر حراام اللي انتي تسوينه لان لازم زوجج يعدل بينكم يعني انتي سافرتي وياه وقعدتو 25يوم وهي لما سافرت وياه اسبوع نكدتي عليه ترى والله مايصير . حب لاخيك ماتحبه لنفسك مثل ما انتي زوجته هي بعد زوجته صح والا لا وانتي قبل تاخذينه تدرين بهالشي يعني ماغشج فالمفروض العدل ثم العدل ثم العدل والله ترى الدنيا ماتسوى تفاهاتنا ولا غيرتنا يعني اهم شي ترضين ربج عشان الله يرضى عنج ويحقق لج كل اللي تبينه وانتي بجذي تغضبين ربج وتخلينه بسبة غيرتج مايعدل بينكم لاتصيرين انتي السبب واذا شفتي منه انه مايعدل بينكم المفروض تنصحينه لانه اجر لج وله وهذي نصيحتي لج .. وثالثا بقولج قصه والله واحد من الجماعه تزوج على زوجته وبقولج اياه من الاول لين الاخير عشان تاخذين العظه منها : جا الرجال وقال لزوجته الاوولى بتزوج عليج اكيد اول شي ماواقفت بعدها رضت باالامر الواقع والعرس تم في بيتها وهي اللي بخرته ولبسته بشته وعطته صباحيت عروسته والحريم خلوها ترقص في عرسه ,, المهم مع الايام كل ماجا عند الثانيه ها شنو سوت لك شنو حطت لك واهو طبعا مو فاصل البيت المطبخ واحد والصاله وحده بس لكل وحده غرفه وحمام خاص فيها والا البيت يعتبر للثنتين وعلى هالمنوال كل ماجاها غثته بأسلتها وغيرتها واذا جا للاولى امر يابوفلان والعشا زاهب والا الغدا وغرفته دايم مكان الراحه لاتجيب له طاري الثانيه ولا شي اكيد من داخلها تحتر بس اصبرت , احملت الثانيه لما حملت زادت بغيرتها وتسلطها لدرجة قالت له ابيك تفصل البيت وابي مطبخ خاص فيني قالها مافي شي خاص البيت مشترك بينكم وقامت تعانده وتزيد بغيرتها اخر شي طلقها قال من اخذت ماشفت الراحه يعني غرفتها النوم صارت للمشاكل والهم والغم وغرف الاولى للراحه والهدوء . اتمنى اني فدتج وتتقبلين كلامي بصدر رحب وتستقبلين زوجج بهدوء عشان تسير الامور بسلاام
مشكورة حبيبتي q8-3soola ع مرورج حياتي انا معاج في كل كلمه قلتي لي اياها,,,, حبيبتي حبيت اوصلج معلومة قبل مايتزوج بنت عمه كان يبي يتزوجني انا لان كان امبينا علاقة حب بس ابوه الله يسامحه كان رافض انه يتزوج وحدة غير بنت اخوه ,,, فبعد توسل الا ابوه وافق بس ع شرط انه يتزوج بنت اخوه اول عقب يتزوجني انا فأنا بأول كنت رافضه عقب أختبرت عمري هل انا اقدر اعيش من دونه او بعيدة عنه او اقدر انساه طبعا انا هني اكتشفت اني ماقدر اعيش من دونه وبعد توسل الدي بدر من اتجاههالي قلت ماعليه الا أوكل امري للرب العالمين فاوفقت اني اكون انا الحرمه ثانية ,,,,,, خواتي والله ثم والله عمري ماجبت طاريه ع لساني ,,,,,, طبعا الحزن والغيرة شعور طبيعي لكل امرأة مثلي والغيرة والقهر أحيانا تسيطر علينا ومانقدر نقومها ومافي شي بيدينا والله يعينا
حبيبتي هذا نصيبج وخلاص الله يصبرج ونصيحتي اول ماتشوفينه لاتتهاوشين انسي الموضوع وتوكلي على ربج صدقيني راح يذكرها لج بس هم لاتنسين عاتبيه عتاب يحسسه بتأنيب الضمير اهني عاد يطلع كيد النساا هههههههههههههه والله يسخره لج ياارب ولايحرمكم من بعض ويهديكم الى ماهو خير ..
اختي q8-3soola عندي استفسار وارجو منج المساعدة ليش يوم افتح صفحة المنتدى مايظهر عندي اخر مشاركه والمشاركه والمشاهدة المرجو رد
انا بعد يطلع عندي نفس الشي انا اطلع من الصفحه وارد عليها ومرات اضغط فوق على منتدى الكويت علشان اشوف الردود الجديده وع فكره اغلب المنتديات جذي مدري الخلل من اجهزتنا والا هذا شي عادي
حبيباتي خلاص ماعاد فيني صبر يعني شو الي منعنه ومخليه مايسأل عني مهما كنت غلطانه المفروض يتصل ويطمن ع اقل والله اني بموووووووووووووووووووووووت قهر واحس بنار الغيرة تأكل من لحمي دخيلكم خواتي ابغي منكم مسج اعاتبه ابي اخليه يتحسف ويتصل ويرجع ويعتدر لي دخيلكم لا تبخلون علي ترى مافي حد غيركم اشتكي له ,,,
انا عندي كم مسج ان شاء الله يعجبونج ..................... وراك ناسيني عسى الشر ينسااك :$ وش مشغلك عن قولت ؟؟ كيف الاحوال .. ........................ وش حيلتي ( لاعشت ) ساعه بلياا ؟ في غيبتك عفت الليالي و ( بكيتك ( .. حلفت ماانساك وانسى **بقاياك** لين القبر يعلن اني جفيتك ..! اما حياة بوصلها دووم **لقياك** والا **ممات** يثبت اني هويتك ..!! ................................. يا وحشــة غيابكـ!! ويا شين فرقاكـ!! وياكبر ذنبك : ::: اذا **حسبت** اني سيتكــ:: .................................. الي قسو نترك غلاهم بقسوه. بس انت لوتقسا ترى القلب يغليك. لك هيبة الفارس وطيبه ونخوه. ياحبيبي لوتطلب الروح تفديك. صحيح لي بين الناس غالين واخوه. بس انت بين الناس محد يساويك ............................. اكبرعيوبي مااتحمل غيـــــــــــــااابك لاغبت عني كل هــــــم قصدني عطني جواب الله يخلي شبابك قلي وش اللي فيك غصب جذبني؟ انت سؤال (الحب) واناجوابك انا كتبتك والغلا لك كتبني؟ من فيونه و فجوره انحبج موووت ................................. في خاطري وش خاطري خاطري ضاق،،، الكون كله ضاق ماهو بقدي،،، ^_^ ....................... لاقلت لك خلني تكفه تخليني _ النفس ضاقت وتعرف من مضيقها ماني بحاجة علومك لوتسليني_بعد عن العين وأحسن لوتفارقها لوضقت أنا حتى روحي ماتدانيني_واليا هدا البال غربها وشرقها لوكان غيرك حرام أنا يحاكيني_لوكان كل الدروب البيض يطرقها تدري وش اللي ذبحني والبلا فيني_تعرف عروق الغلا وشلون تسرقها يمكن تكون الخيانه من شرايني_وإلاحضوضك يجوز الله موفقها ماقلت لحد سوا امي يابعد عيني_وشلون خليتني لعيونك أنطقها ياروح روحي ياقلبي يابساتيني_يابسمة العين ليه العين ترهقها ماتدري أني شريتك يوم تشريني_عشان حبك أبيع الخلق واحرقها أرجوك لاشفتني ضايق خليني_واليا هدا البال شرقها وغربها .......................................... محتاجلك حيل والله يقطع الحاجه_ هدتني وجيت أداري دمعة عيوني_ باين علي التعب والضيق وانتاجه_ منهار لوني متغير ماهو بلوني_ لقيتك اللي يصد معقد حجاجه_ وأنت أقرب الناس والغالي ومظنوني_ لكن على الله بيديه يعجل أفراجه_ وإلا أنت الله معك خابت بك ظنوني_ من صد عني ترى ماني بمحتاجه_ من دونه أعيش دامه عاش من دوني_
