دياي مع جبن الكرفت (سهلة وسريعة)

حبيباتي عندى لكم طبق حلو وسريع حق اللي يحبون الدياي مثلي:teeth_smile:

اول شي المكونات:

صدور دياي حسب عددكم
كوب جبن كرفت حجم كبير
جبن موزوريلا (مبشور)
بهارات الدياي (ولو مو موجود بهاراتج العادية)
قليل ما الفلفل الاسود
مكعب ماجي (حسب الرغبة)
ملح(حسب الرغبة)
بطاط
بصل
طريقة العمل:

اول شي تفوحين الدجاج
وتقصين البصل صغار حيل
على مايخلص الدجاج قشري البطاط وقصي دوائر وقلي بس مو وايد ليما يكون نص سوى بلغتنا طبعا:teeth_smile:
لما يخلص الدجاج نتفية وبجدر حطي علية شوية زيت اوزبدة كيفج حطية عالنار وحمسي البصل ليما تحسين ان اصفر لونة شوي حطي الدجاج وقلبية وحطي الفلفل الاسود والبهارات والماجي كوب من ماي الدجاج قلبية ليما تفوح ريحتة شوي وشيلية من عالنار ييبي بايركس او صحن للفرن حطي الدجاج وحطي فوقة جبن الكرفت(اللقلاصات) وزعية عدل راح ابط جبدج بس ميخالف:52_52:
بعدها صفي فوقة البطاط المقلي وصبي شوي من ماي الدجاج فوقهم ورشي جبن الموزوريلا (المبشور) ودخلية الفرن ليما يحمر شوي بس ديري بالج ترى بسرعة يحمر مو تنسينة ويفحم :teeth_smile:
وبالهنا والشفا وادعولي لو اعجبتكم
وبليييز كل وحدة تدخل وتقرا ان اعجبج الموضوع ردو علي هالله هالله بالردود ترى شادة الظهر فيكم مو تعطوني سكب:smile:
بااااااي ومشكورين على انكم عطيتوني من وقتكم الحلو

مشكووووووووره ...........

مشكورة وانا بعد احب الدياى عشان جذى بسوى الطبق .

الله يعطيج العافيه خوووووووش طبق جاري التطبيق .......

يعطيج العافية

شكله يهبل

تسلم الأيادي
وانشالله بجربها

مشكوره على الطريقه..:teeth_smile:

ماقصرتي ويعطيج العافية

تسلمين يالغلا

يسلموووووووووووووووو
يعطيج العافيه اختي
قواااج الله​

مشكوره يا قلبي
تسلمين على الاكله الرووووووووووووووووعه
يعطيج العافيه

يعطيج العاآفيه عالــ وصفه

ماتقصرين على الاكل الحلو ودمتي بخير

تسسسسسسسسسلم ايدج

يمى يمى يمى يسلموااااااااااااااااااااااااااااااااااااااااااااااااااا:wink_smile::wink_smile:

والله شكله لذيذ أنشاءالله بجربه مشكوره

مشكووووووووووووووووووره

شكرا لكم وعليكم بالعافيه

يم يم يم يم تسلم ايدج وايد حلوه وسهلة

يعطيك العاااااافيه