قوه بنات انا ابي حل لامشكله صايره لاختي زوجها يخونها ومو اول مره تطيح عليه حتى من يوم الملجه طاحت عليه يكلم وحده وقبل شهر طتحت عليه عنده تلفون بالسياره خاشه لا لما شافته ولقت التلفون لقت فيه فوق 10بنات لا واعمارهم مختلفه الكبيره والصغيره واللي من عمره العلم انه عنده بنت وولد من اختي ومو عشان اختي بقول هالحكي لا والله بس اختي مافي مثلها تعرف الله ومهتمه ببيتها وعيالها ومو مقصره بشي بالعكس مقصره بعمرها وصحتها وكل هذا مو عاجبه وهم رغم قذارته هم تعطيه حقه الشرعي والحين طاحت عليه مره ثالثه انه يكلم نف البنات على الرقم الي جابه جديد ولا يبي يرحم ولا يخلي يرحمة الله تنزل ... ابي اسال اذا طلبت الطلاق هل من حقها حضانة اليهال وعلى العلم اهي كلمت البنات اللي يكلمهم وسجلت لهم وقالو اشياء تشيب الراس عنه بعرف الحق معاها والا شنو؟ واذا اطلقت من حقها انها تحضن اليهال ؟ وهل راح يتكفل بمصاريفهم ؟ وتقدر انها تعيش بشقتها اهي وعيالها وهو يطلع اذا ما تبيه ؟ وتقدر تشتكي عليه اذا تهجم عليها وتسلمون \ اتمنى انكم ما تهملون مشكلتي
حبيبتي انا من ناحيتي ماودي انها تستعيل بالطلاق لانه لاتنسين عندها عيال منه وشنوو ذنب هاليهال ,,, انا انصحها تقعد معاه وتشوف شنو السبب الي خلاه يطالع غيرها وشنو شافه بالبنات وماشافه فيها ,, واذا حست انه ماكوو فايده تشووف شنو الحل الي يناسبها ام تقعد عنده او تتطلق ... اما عن طريق الطلاق انا الي اعرفه انه تصير الحضانه عندها واذا مو موظفة تستلم معاش من الشؤون ويعطيها نفقة الاطفال ,, وهذا الي اعرفه وسامحيني على الاطالة وان شاء الله اكون فدتج بشي ,, تقبلي مروري ,,,
الله يعينهاااااااااااااااااااا الطلاق عمره ما كان الحل الحرمه عليها الصبر علشان بيتها وعيالها وهذي نزوه وانشاء الله يهديه بس خليهااااااااا تشيل فكرة الطلاق من راسهاااااااااااااااااا نهائيااا
طلاق لأ نهائيا ترى الدنيا ما ترحم المطلقه لا وأزيدج من الشعر بيت تطلع اهي الغلطانه واهو ريال شايل عيبه .. تحملي وخلي عيالج ببالج دايما ولا تحرمينهم من أبوهم والريال مهما كان خربوطي وسربوتي اسمحولي على هالكلام مرده لزوجته وعياله مهما قصر الزمن أو طال .. تقبلوا مروري
الله .. الله .. بالدعــــاء بآخر الليل وبين الآذان والإقامة تدعي له بالهداية وإن الله يصرفة عن المعاصي والذنوب والفتن ولاتنسي تذكرينها بكثرة الإستغفار والتسبيح والتهليل وخليها تحرص إنها تكون على طهار دائماً بالدعاء وماضاااااقت إلا تنفرج بإذن الله لكن الطلاق( لا ) الله يفرج همها وهم نساء المسلمين أجمعين
خليها تطبق هالكلام ... وتكثر الاستغفار و " لا حول ولا قوة الا بالله " و " لا اله الا انت سبحانك اني كنت من الظالمين " وتكون ثقتها بالله كبيرة .. اكبر من اي شيء ... ولا تستعجل ...
شوفي حبوبه قولي حق إختج اذا متينه تضعف اذا ضعيفه تشيب راسه بلي يشوفه من لبس وأناقه عليها لاتهمل نفسها علشان حضرته خل تكسر عينه موبس انها تعطيه حقه الشرعي وخلاص ختشوف شنو الي ناقصها عن القذاره عزكم الله الي يلاحقهم لبس تلبس وإسمحولي علي هل كلمه سيكسيات تصير أجيد منهم بسوالفها ونعومتها وحركاتها شوفي في كتاب شنو الزوجه تسووي حق زوجهامن مفاجأه أيبلج إسمه وكتاب أسرار الحريم وايد حلو خليها تغير شعرها وشكلها وتسوي ستايل يديد يديد تروح الصالون حمام مغربي وبديكير منكير وتصبغ شعرها وتقصه أحدث قصه وتخلي عيالها 3 أيام عندج:teeth_smile:عاد تحملي وتحجز فندق وتفاجئه ب3 أيام بس من غيييييييييييييييرتلفونه ويفضل بلويك أند وبهل3 ايام توريه الي ماشافه من هل حشرات الي يعرفهم من لبس وحركات وخل إدش علي قوقل وتشوق الحركات الي تغري الريال وتيننه ليش إتطلق وتخليه علي راحته تقعد علي قلبه إهو الطالع وإهي الداشه واذا تبي اي أفكار تقولي مينونه الي تفكر تهد زوجها علشان يعرف بنات وقوليلي شصير ناطره الرد صصصصصصج الحين يايه عطلة راس السنه خل تستغلها بحجز الفندق في عضوه بلمنتدي إسمها نونه المزيونه اذا تبي رقمها للمسجات عندي عندها قمصان نوم موصج صج إتخليها تثوله عدل ومايطالع غيرهاوسعره علي 13 ونازل يعني رخيص بشريني وانا تبين شئ قوليلي
الله يهداج اذا زوجي يغازل اتطلق ؟؟ واختج من صجها تبي تقدم زوجها حق هالخايسات من طبق من ذهب ؟؟ اختج اصلا لونها ذكيه مادققت بهالسوالف واذا شافت شي تحاول تلهي عمرها وتسوي نفسها ماشافت لان الرجال مايصير تواجهينه خل تطنش وكلها مرحله وتعدي وتتعيش طول عمرها بسعاده وراحه مو اخرتها مطلقه انتي فكري شوي المرا بدون رجال ولا شي ماتسوي ولا شي ولا تقولين ابوي او اخوي محد بينفعج فكري للمدي البعيد باجر الكل بيروح بحياته وبتقعدين بروحج وفكري بعيالج الللي مالهم ذنب انا عن نفسي اذا زوجي يغازل اسوي نفسي ما ادري واذا شفت عنده تلفون اقوله هذا مال رفيجك لازم الوحده تسوي نفسها غبيه عشان تعيش صح الله يهديه
اختك عذرا ماعندهاسالفه اجل تدري عنه من الملكه وساكته ليش مانفصلت عنه من البدايه لان ابو طبيع مايخلي طبعه
وروده أم كشه ونواره عطوج المختصر المفيد + زيدي عليهم الأهم خليها تقوّي علاقتها بربها من أذكار وتحصين لها وله واستغفــــــــــــــــــــــــــــــــــار والله يوفقهم ويكافيهم شر الحرام
والله مالها الا الدعاء والطلاق مو حل أبد خل بعينها عيالها مهما يصير هاذا ابوهم ومافي شي بيعوضهم عن ابوهم وبنفس الوقت خل تنتبه على نفسها والله الدنيا تخوف باجر يمسك وحده فيها مرض ولاشي الله لايقوله هاذي نزوه وتدعي ومده بيمل ويرجع لبيته والله يهديهم انشا الله
صح كلام البنات الطلاق دمااااااااااااااااااااار لها ولعيالها وبشرينا عن اختج اذا صار مستجدات زينة اللة يوفقهم
الله يهدي سريرتهم والله يعينها خل اتكلم ابوج يشغلة يمكن يستحي ويطخ واو اتكلم ابو الولد حرام عندها عيال اما من ناحية الحضانة يحقلها الحضانة ونفقة والنفقة هم مو بس للعيال معاش للخدامة واجرة مسكن وجنة سيارة اذا ماعندها او ماتسوق والها نص البيت وية قانونا الله يخلي حكومتنا اتشجع علي الطلاق تشرشح الرياجيل
