حملي يايمه زاده الوقت حملين

يمه علامك وش بلا مـا ترديـن

حسك فقدته مدري اليـوم وينـه

يمه صغيرك ما سلا عنك للحين

حاير ودمعه جرح اهداب عينـه

يمه تعالي ملكتي بعـد يوميـن

شوفي جنينك دبلته فـي يمينـه

رشيت عطرك يمه اللي تحبيـن

ليتك يايمـه تقربـي تنتشينـه

ما ظن يمه انك اليـوم توحيـن

صوتي ولو صدري تعالي ونينه

رحتي وكلك بالشرايين تجريـن

غلاك في قلبـي بنالـه مدينـه

حطوك في قبرك وغطوك بالطين

تجمعت حولك قلوب (ن) حزينـه

رحتي وقلبي صابه اليوم رمحين

رمح الفراق ورمح ظلم الوزينـه

حملي يايمه زاده الوقت حمليـن

شوفي عشيرك شل وقته يدينـه

رفيق دربك صابته صدمة البيـن

واصبح طريح للفـراش وانينـه

يابوي قلي وين ابلقـى مداويـن

وتبع خطاهم لو يبون الخزينـه

لو يطلبون الروح تفداك يالعيـن

روحي وقلبي تحت كفك رهينـه

ودي اشوفك واقف(ن)فوق رجلين

تجري كما خيل جموح(ن)ثمينـه

مالي سواك اليوم بعد الله الحين

اقفت ملاك الروح نـور المدينـه

لو احكي يمه عن جمايلكم سنين

مااوفاكم المخطي ولو ربع دينـه ​

روووووووووووووووعه ابدعتي يا قلبي :smile:

كـلمات رائـعـه عـن الأم
تــســلــمــيــن

الله يسلمكم هذا من ذوقكم​

مأروع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بحب وسعاده ..

الله رووووووعه

سلمت اناملك ابدعتي ياقلبي
لاخلا ولاعدم

مشكورين وماقصرتوا هذا من ذوقكم الرفيع​

صح لسانج وسلمت يداااااااج

ولاهنتي ع القصيده الرووعه

اللي بروعتج واللي مو غريبه على ذوقج الرااااقي

ولوووو قلبي وهذا من ذوقج الرفيع يا قلبي​

قصيده محزنه .....ومعاني رائعه...مشكوره..

العفووو يا قلبي هذا من ذوقج وشاكرتج ع مرورج الراقي​