تجربتي مع حب الشباب القوي استمر العلاج سنتين

السلام عليكم ورحمة الله
انا حبيت اعرض تجربني
لان في بنات
وايد يطلع فيهم حب حيل وقوي ودمامل قويه حتى بالراس تعور
ولا يعرفون يتصرفون
وحب الشباب القوي اذا تركتيه
والله العظيم يخرب البشره ولا يروح الا قاظي عليها
خير شر

ببتدي اقول قصتي
انا مريت بظروف نفسيه وطلع فيني حب شباب قوي
كنت لما تطلع الحبه
اروح اغسل واغسل واغسل واحط سنفره
هالسنفره كانت تفجر الحبه والصديد الاصفر اللي داخلها ينتشر ع الوجه
والصديد عباره عن بكتيريا
انا غلطت بطريقتي هذي ونشرتها للخد كله
وقب احمر وكله حبوب قويه مو اي حبوب
يعني حتى لو احط كريم اساس ما يروح
شريت اغلى الكريمات ما مسح الحبوب
نصيحتي
اللي فيها حب شباب لو صغير
بعدي عن التقشير وعن السنفره
لا يصير فيج الي صار فيني
التقشير للوجه الملتهب اللي فيه حبوب حمره ما ينفع
يزيد المشكله
والله حب الشباب
حرمني اتمتع بجمالي كل صوري تخرع
من عمري 18 اى 20 وانا اعاني من حب الشباب الحاد
اللي عمره ما طلع لي قبل
رحت الطبيب المستوصف شاف وجهي اخترع قال مستحيل يكون حب شباب حولني فوري ع الجلديه بالحكومه
راح عطاني فيوسيدين علبتين رئيس عيادة الجلديه
وحولني لمراجعه على طول اراجع وفتح ملف بالجلديه مستوصف العيون الجهرا
عند الدكتور حسين الله يجزاه
حطيت فيوسيدين
طبقة سميكه غطت على وجهي كله بدون مسح بس حط وظليت 3 الى 4 ايام
والله كنت ما اقدر اغسل وجهي لان اذا غسلته طلع دم من الحبوب
يا بنات هالكريم ممتاز وكنز
والله
وهذي صورته


وطبعا هالكريم خلص من عندي بس نفع بشرتي
استخدمت بعده تتراسيكلين
اللي علبته خضرا ومن داخل اصفر
مو لاقيه صوره له بالنت بس كنت استخدمه ع الدمامل يعني حبه كبيره جنها كيس دهن وكان يذوبها
حطه ع الحبه وانطر 6 ساعات او اكثر
وامسح بالكلينكس
والقاها ذابت بس في مكانها جرح صغير دم لان ذوبها واروح احط هم طبقه ثانيه فوق مكان الحبه
وبعد جم ساعه امسح القى الجرح راح
بس عيبه
يروح الحبه صح
بس الاثر يبقى كنت استخدمه عند الحبه القويه حيل
بعدين الدكتور لما هدى وجهي شوي
هطاني اكرتين استخدمه مع الفاكورت اخلطهم مع بعض باصبعي واحط لان الاكرتين شوي قوي ويقشر
ويخلي وجهج بيئه ما ينمو فيها البكتيريا حب الشباب يوقف نموها
وهذي صورته


وهذا ممتاز استمريت عليه 8 شهور
بس عيبه
انه يقشر ويقشر حتى اثار الحبوب
يعني قشرلي اثار الحبوب عدل
بس المشكله لحد الان يطلع حب
وانا ما قدرت استمر عليه اكثر لان حطيته بالشتا وصرنا قربنا على شهر 8
وحر
وهم لازم تحطين واقي شمس لما تطلعين
وتحطين الاكرتين بالليل مثل ما ذكرت مع الفاكورت عشان يهدي شوي حرارته ولان يهيج لان يقشر
بعدها اخذت حبوب
Roaccutane


استمريت 5 شهور مع الكريمات اللي عطاني الطبيب اول شهر
هيج كل بشرتي وطلع كل الحبوب اللي تحت الجلد وصار وجهي احمر حيل اختررررررررعت
رحت الصيدليه
عطوني جل روك
ب8 دنانير
حطيت على وجهي كله مدة 3 ايام وراح كل الحب لحد يومكم هذا

هذا روعه
وانصحكم فيه حتى بالحبوب المفاجئه
ميزته يشيل الحبه واثرها مع بعض ولونه شفاف
وظليت بعد هالفتره
خلصت علاج الروكيوتان وخلصت ال5 شهور
صاب بشرتي جفاف فظيع
سوى حفر بوجهي
استخدمت كذا كريم ترطيب
بس استمريت على واحد روح الجفاف هالجفاف خلى لون خدودي اغمج من وجهي لان كان الحبوب مركزه ع الخدود
من ماركة roc
واستخدمت نتروجينا القناع والغسول 1 في 2
طبعا لحد الان اعاني من الحفر
بس خفوووووووو حيل
من الطين اللي اخذته من مركز بيوتي اند هيلث ماسك طين البحر الميت
اللي مستحيل استغني عنه ماركة Beauty secrets
روووووووووعه والحين اخذذ عندهم جلسات
وحيل فرقت معاي بشرتي
هذا ملخص تجربتي
بس والله كان وجهي يخرع من الحب
اللي شافني قبل ما يعرفني الحين
كان والله وجهي مثل الوحش
الحين الحمدلله
اي سؤال بنات انا حاضره
لان في كثير شغلات استخدمتها ما نفعت

اهلين حبيبتي ...أنا أعاني من نفس المشكله (حب الشباب) بس الاثار بعدها باقيه يعني ويهي فيه بقع بنيه غير عن باقي الويه ومن شهرين تقريبا استخدم (رتين ايه) للتقشير بس نتيجته بطيئه...شو كريم التقشير الي تستخدميه؟؟

يسلموووووووووووووووووووووووووووووو

انا تعالجت 6 شهور وخذيت حبوب Roaccutane واختفت الحبوب بنسبة 90 % بس..
بس البقع والحفر للحين بويهي ومن فتره لفتره تطلع لي حبوب بس مو وايد كبار

ابا كريم تقشير يكون مفيد ونتايجه مضمونه لاني استخدمت رتن A وما ياب نتيجه

يا بنات انا هقولكم على حاجة طبيعية سحر والله العظيم
واحدة قريبتنا جربتها و كان وشها مشوة من حب الشباب و اثارة و بالذات الخدود
شفتها بعد كدة استغربت من اللى حصلها
وشها بسم الله ما شاء الله زى المرمر و صافى جدا و مفيش فية لا حب شباب ولا اثارة ولا حتى الحفر اللى كانت فيها
و قلت الطريقة دى لواحدة جارتنا عملت معاها نفس المفعول
و الفرق بان من اول مرة
المهم مطولش عليكم
اللى جارتنا استخدمته هى بذرة اتونة
بتجيبيها من عند العطار و تحطى معلقة منها فى حوالى نص فنجان مية و تغليها شوية على النار
مش قوى علشان هتنشف منك
هتلاقيها عاملة زى الجل
تستنى لما تدفى شوية و حطيها على وشك
سيبيها حوالى 5 ساعات و ممكن اقل طبعا زى ما انتى عايزة
و اغسلى وشك بمية دافية
و اتفرجى على وشك بقى
روووووووووووووعة
حتى لو مش عندك حب شباب هى اساسا بتروق البشرة و تبيضها
بس والله يا بنات زى السحر
جربوها و هتدعولى

نسيت اقولكم حاجة
ممكن اى حد يقولكم انها بتتنقع فى المية يوم و بعدين تحطيه على بشرتك
اوعوا تعملوا كدة
اللى عملوها كدة بشرتهم التهبت و بقت حمرا
اغلوها فى المية مش تنقعوها

مشكوووووووره وما قصرتي وفي ميزان حسناتج يارب ........

حلووووو كثير الكريمات حتى انا استخدمها جد مفيدة خاصة اكاترين ثانكس يا قلبي

مشكووورة قلبي :smile:

يعطيكم ألف عافيه

يسلمووووووووووووووووو حبيبتي ما قصرتي ..

ارجوالنصيحه الله لايهينكم

الف شكر عاالموضوع أنافيه واحدصديق لي عزيزعلي واجدعنده حب شباب وراحةمنه مشكلته عنده آثارها باقيه حفر ونفسيته واجدتعبانه ماقعد علاج ماأستخدمه وفيه واحد يقول له سوعملية تقشير وراح عند مركز في الرياض اسمه مركز ادمه
وقالوبنسويها وبنسبة 30في المائه تروح أفيدوني رجائن
وألف شكر عاالموضوع

مشكورة ياحياتي بس انا بقى فيني الاثر ماراح صج الحبوب راحت بس للحين وجهي احمر من الاثر

السلام عليكم ورحمة الله انا حبيت انقل لكم تجربتي مع الأثار والحبوب الداخلية
المهم بختصار رحت عند الدكتورة ووصفت لي الريتين مع الدوكين 4 استعملهم يوميا المساء عند النوم والله العظيم كلها اسبوعين وراحت كل الأثار والحبوب الداخلية
يعني حبيت اقول للي ستخدمت الريتين اخلطي معه الدوكين 4
لأن هذولا الأثنين لازم يكونو مع بعض علشان يعطون نتايج حلوه ومرضية انشالله