دعووووووووووووووووه للضحك لابد وحده فينا صار لها مواقف مع زوجها كنتي كاشخه له وعلق على شكلج؟ قلتي كلمه غشمره انتقدها معزومه وتتكشخين وتمصخر عليج بهاللحظه ودج تذبحينه ادري............ كل وحده تعطينا موووقف
انا اذكر مره كنت عند اهل زوجي وعلق علي قالي ليش كل هالكشخه وكل هالاناقه ترا اهلي عارفينك يقولها وهو يضحك تدرون شصار فيني ودي ااذبحه مقهووووووره اتمنى نكون لحالنا ساعتها.............؟؟؟ بعدين انتبه لي من نظرتي قعد يلطف الجو ومسوي حاله يمزح هههههه بنات امنو على توقيعي ان الله يسخر لي زوجي ويوفقني معاه
ماشالله عليج سلطانه زماني مواضيعج وايد حلوه وخاصه الذبحات اكثر مره كنت كاشختله وجايه من اقصاي وقعت اتدلع عنده ابيه يعلق ويمدح شكلي مع اني كنت روعه رايحه للصالون مسويه شعري وتعبانه بتاثيث الغرفه واخر شي يقولي حلوه بس انا تعبان ونام وحط راسه واحتريت وقعت اسولف عنده جان يقولي ابي انام تعبان صكت فيني الدنيا وفكيت حرتي كنت ودي اذبحه وتهاوشت معاه واخر شي رحت اتسبح وارح الزين مع الفلوس بلاش خساره لمن قعد حس اني متضايقه وعوضني ثاني يوم بسفر للدمام اخذت 3 ايام الله لايحرمني منه امييييييييييييييين
من جد موضوعك على الجرح شوفي ياحلوه ولايهونوا الخوات انا قالي مره لاتحطين المكياج يقصد الثقيل حق السهرات :cry_smile: يقول يطلع شكلنا زي اليابانيات الوجه ابيض كنهم مقطسينه بدقيق خخخخخخخخخخخخخخخخخخخخخ ومن بعدها ماصرت اوريه وجهي لما بروح سهره عموما هو يحبني على طبيعتي اكثر :wink_smile: بس مازلت اعانده واحط لو خفيف :shades_smile:
الموقف اللي صار لي ويا زوجي كنت عند اهلي وقلت لهم انا اليوم بطلع لسوق وبعدين بنروح انا وزوجي نغير جو ورحت لبست وكشخت وبعدين قال روحي نامي بتابع المباراه اهئ اهئ
وااايد الصراحة...مرة كنت لابسة لبس القطوة اللي يكون توب قصير حيل ومسكر من تحت مع اذاني وشريطة على الرقبة وايد حلو ورحتله مات علي من الضحك وانا لا تشوفين شكلي والله احس ويهي طاح بالارض :sad_smile:يعني بسوي حركة...وياما البس واكشخ ويحط راسه وينام...الموقف الاول كنا تونا متزوجين تخيلي صج بغيت اشنقه مو بس اذبحه
انا ريلي يكره القطاااااوه بشكل موطبيعي .. اول اسبوع من زواجنا كنت نايمه بسااااابع نومه وريلي نايم يمي شوي ولا يسحب شعري حييييل وينتفه ويقله جنه ماسك شي وانا اصارخ هدني هدني ولا فجأه قعد من النوم يقولي اشفيج اشصاير طلع حلمان انه ناطه عليه قطوه سوده ويبي يشيلها ومسك شعري عبالي القطوه
هههههههههههه سالفة اللبس التنكري مو اي ريال يتقبلها ... بعضهم ياخذونها ضحك وفي بعضهم يستانسون ... عموما .. بقول لكم سالفة رفيجتي ... اول ماصار انفلونزا الخنازير صخنت المسكينه و اهي ماعندها عيال ,, يعني بس اهي وريلها بالبيت مصخنه و طايحه عالفراش بردانه .. اهو خايف منها يقول لها ادق على امج اتيي تاخذج توديج الطبيب ؟ اهي تطالعه مو مصدقه هذا اشفيه ؟ ليش مايوديني .. جان تقول له انت ودني قال هاااه لا انا بروح مواعد واحد و خلي امج توديج و خل يفحصونج عن الخنازير ويحاجيها من بعيد حسبي الله عليه تقول طنقرت و حسيته اناني و بط جبدي قعدت عند اهلها اسبوعين من الحره هههههههههههههههههههه
موضوعج توووحفه ياسلطانه لو بيدي ذبحته بدون موقف لو ع المواقف لاتعد ولا تحصى اتذكر ولي ردهان شا الله :teeth_smile:
أذكر مرة يوم كنا في تايلند فلستة بالمرة ما خليت شي بالسوق ماشريتة لي حتى التافه اخذتة حقد علي ولا قادر يتكلم ولما كنا نتمشى بالشارع لفت نظري محل اغراضة غريبة قعد اخزة من بعيد وانا امشي خلص الشارع ولا حفرة جدامي طحت فيها وزوجي قعد يلتف يمين يسار مو لاقيني المهم يوم درى أنا بالحفرة مات من الضحك واللي بالشارع ماتوا من الضحك كاني قدمت مشهد مضحك على المسرح والجمهور قعد يضحك مت ابي اطلع من الحفرة واقتلة بس قعد ابجي من العوار
