هلا بالجوهرة ...الله يعينج ويصبرج على زوجج....ليش ما تحاولين تقعدين معاه قعده حلوة هادية وتسالينه عن سبب التغير المفاجئ..يمكن صارت له ظروف مب حاب يدخلج فيها...بعدين يا عمري حاولي تغيرين من شكلج ومن البيت غيري اماكن الاثاث في الصالة وفي غرفة النوم خليه يحس بالتجديد وانه في شيئ متغير بالبيت يمكن يجذبه يقعد...قوليله عن الي في خاطرج ولا تضايقين نفسج ترى اغلبية الازواج نفس الطبع..انا الي قاعدة اكلمج..كل يوم اتضارب مع زوجي اعور قلبي وهو ولا مهتم..شغل البيت ودراسة العيال وحاجياتهم من ملابس وغيره وروحتهم وجيتهم للمدارس كلها علي واذا تناقشت معاه ..يقولي شنو فايدة السايق انا جايبة عشان ارتاااااح منكم...تعودت عالموضوع وسكت لاني عارفة ماراح يتغير..اليوم اترجااااااه اني اطلع معاه والله ما رضى..لكن لو مع احد من ربعه بيروووووح ركض.. والحمدلله على كل شيئ...
هلا حبيبتي . . . الله يفرجها عليج يارب . . . شوفي هل كان زوجج وياج جذي من زمان وإلا صارله فترة بس متغير ؟ حاولي بطرقج الخاصة تدخلين لعقله بجلسه هادية نفس ما قالت اختى اماراتية متغربة وفري له الهدوء والاطفال يكونون نايمين وقوليله شلي مكدر خاطرك ومضايقك ؟ هذا مو طبعك انت متضايق من شي ؟ وشاغل فكرك ومكرهك بأقرب الناس لك وهي عائلتك وعيالك . . . يعني خليج على موال انه متضايق من شي غيرج وانتي مالج شغل فيه . . . واصبري ثم اصبري ثم اصبري ثم اصبري وانتي قاعدة وياه لانج لو انفجرتي وصارختي وزعلتي ماراح تستفيدين شي صبري وحاولي توصلين للي تبينه بهدوء . . . وطمنينا عليج بعد ذيج الجلسة بانتظارج
مشكوره حبيبتي على الرد بس والله غيرت بشكلي ومانفع غيرت ببيتي أكثر من مرة وهم ماكو فايده وتكلمت معاه ياأما أنه يتهرب أو يحط الغلط علي تصدقين نفسيتي تعبت منه وفوق هذا شكاك بعد تصدقين قمت أفكر آخذ أجازه سنه بدون راتب أبيه يحس أني مومستفيده من معاشي كله يسألني وين معاشج وين وديتيه وكله يروح على البيت والجهال وعليه بعد تصدقين ياأخذ أكثر من أنه يعطي ماأدري شنو أسوي معاه أخاف أروح لبيت أهلي وبعدين أندم لأنه عنيد مايجي بالغصب وهم ما يجي بالأقناع ماأدري صراحه أحترت معاه
مشكوره أم عبدالله على الرد حبيبتي زوجي ماتغير الا من 3شهور بس وتصدقين أن بيتي هادي من بعد الساعه 8ونص لأن عيالي منظمه نومهم يعني مافيه أزعاج خليني أقولج نظامنا كل يوم عيالي يقعدون بالعطله من الساعه 8 الصبح يتريقون وينزلون عند عند عماتهم تحت يعني الصبح مافيه أزعاج علشان يكره البيت الظهر يتغدون بدارهم ويسكرون عليهم ليما المغرب ينزلون تحت مرة ثانيه بعد الصلاة وينامون الساعه 8 يعني بيتي هادي وأهو شنو جدوله بما أنه باجازه طويله كل يوم يسهر مع ربعه ليما الظهر يرد البيت يتغدى عند أهله موعندي مع أن غداه فوق ينادي الخدامه تنزله يتغدى يخلص يقعد شوي تحت لأني آنا فوق يصعد دايخ يحط راسه وينام يقوم بالليل يطلع مره ثانيه شنو رايج أم عبدالله
هلا حبيبتي . . . أنزين اقري هالموضوع وحاولي بدقة تحددين نوعية زوجج وبناء عليه عالجي المشكلة . . . مارا احلف لج إن هالطريقة ناجحة لكن حاولي تجاوبين عن الاسئلة بوجهة نظر زوجج وحاولي تكونين دقيقة جدا وانتي تختارين الاجابات http://www.kuwaiteya.com/vb/t94203.html
الله يكون بعونش حبيبتي هذي اغلب مانعانيه من ازوااااااااااااااااااجنا بس انت مشكلتك شوي عويصه بس راح تلقين حل عند واااااااااااااااااااحد انت استنجدتي فينا وخليتيه وهو الله ياغناتي جربي تدعين بالثلث الاخير من الليل وشوفي وكثري من الاستغفار يابعد عيني وطنشي هالموضوع وصدقيني راح تشوفين حياتش راح تتغير للاحسن بس مب تدعين شوي وتقولين ربي مااستجاب لي داومي والله بيعير حياتش للاحسن والله يوفقش
السلام عليكم ... انا من وجهة نظري ان الرياجيل لابد ان تجيهم فتره يتغير روتينهم وبيني بينكم انا من الناس اللي اكره ان زوجي ياخذ اجازه من دوامه لان الله لا يوريكم يتغير علي ولا يكلمني ولا يطالع بخلقتي راح تقولون يمكن مسوية شي راح اقولكم هذا طبع فيه تجيه فتره ينفس علي والاكثر اذا اخذ اجازه تطول مده التنفيسة مالته الى اسبوع ما يكلمني اقسملكم بلله بدون ما اسويله شي وبعدها كنت اجية واكلمة واحاول احايلة واراضية بس للاسف تزيد المده اكثر عاد يوم من الايام كنت اشتكي لرفيجتي منه واهي اكثر مني خبره بالزواج تدرون شنو قالت لي؟؟؟؟قالتلي عسا ربي يهون عليها اذا شفتية طنقر خليه بحاله والغرفة اللي هو فيها لا تقعدين فيها روحي غسلي او سوي اوتي او رتبي او اقري كتاب او اشبكي الخ...... المهم ضيعي وقتج واذا جت فتره الليل ونام قومي صلي وادعي للامانه هالشي مجرب وفعلا احسنت الظن بربي وتوكلت علية وفعلا فعلا فعلا القى تغيير مو طبيعي ولله الحمد
ماعليه حبيبتي الجوهره ترى هذي فتره لازم تمر ع الريال انتي حاولي تتحملين واهو اذا شافج متحمله كل هذا راح يشوفج اه انتي متحمله منه ويتغير بس ل تروحين بيت اهلج انتي عندج عيال وشوفي بلاوي الناس تهون عليج بلوتج والله يثبرج يارب ويهونها عليج
مشكوره حبيبتي على الرد ماقصرتي أنتي والخوات اللي ردوا علي الحمدلله أزمه وعدت ماقصرتوا آنا فعلا كنت محتاجه أتكلم مع أحد الله يكثر من أمثالكم
