السلام عليكم ورحمة الله وبركاته احترت بأي قسم احط هالموضوع اتمنى انه بالقسم الصحيح ابي الكل يشاركني ويعطيني حل او اقتراح لانه اختي نفسيتها تعبانه مرررررررره اختي دائما على خلاف مع زوجها والسبب الرئيسي وزنها الزايد طولها 154 ووزنها 74 بأي مشكله تصير بينهم لازم يدخل سالفة النحافه والطلاق دائما يقول لها اضعفي وإلا بطلقك بطلقك بطلقك ليما وصلت حالتها النفسيه بالقاع يعني الرجال يحب زوجة رشيقه ماعليه لكن لازم يراعي لنفسيتها واهي حاولت وحاولت بس ماقدرت تنزل وزنها واهي اصلا من النوع اللي وزنها ينزل بصعوووبه سوت رجيم الروب والتمر وتمشي ساعتين باليوم ينزل وزنها 3 او 4 كيلوو بصعوبه جدا بصراحه انا افكر اقترح عليها تترك له البيت وتجي عندنا بيت ابوها عشان يعرف قدرها وماتصير كلمة الطلاق سهله بلسانه وكل شوي يقول لها بطلقك انتم وش رايكم؟
اول شي عيب عالريال الي يهدد زوجته بالطلاق بسبب السمنه او المتن يعني بدال لا يشجعها علشان تخفف وزنها بكلمة حب يقول لها جذي برايي الي يحب زوجته يحبها في كل الحالات بدون لا يهدد او بس يخلون شي شماعه بس علشان يفتكون من المسئولية قولي حق اختج لاتضيق خلقها خل اول شي تراجع دكتور مختص يعطيها برنامج غذائي بعد ما يسووي لها تحاليل و تمشي عليه احسن من ان تمشي على برنامج عشوائيه بدون متخصص و وزنها مو وايد زايد و تقدر تنزلها ان شاءالله بعدين لا تطلع من بيتها علشان لا تعطي حق زوجها مستمسك بانها طلعت من البيت ربي يسهل امورها ************ الي يبط الجبد في رياييل ما يشوفون روحهم جنهم تناكر و يهددون حريمهم اللهم يا كافي
شوفي حبيبتي قولي حق أختج لايهمها كلامه ولا تترك البيت وتخلي لزوجها فرصه أذا براسه شئ يسويه ..وتسوي رجيم وفي حبوب بالصيدليه فضيعه أنا بنفسي مجربتها تسد الشهيه وتشرب علي الصبح كمون وليمون يشيل الكرش والغازات وبعد كل وجبه تشرب جنزبيل مع دارسين ..وتمشي ..والله أنا مسويته ولله الحمد أستفدت ولحد ألحين مستمره عليه.. أمانه أذا أختج أستفادت أدعيلي براحه البال والله ينصرني علي طليقي وأمه ..
الله يصبر اختك ويعينها صدقيني اذا الرجال يبي زوجته ويحبها ما يهم الوزن لان المعامله الاهم اعرف حريم كثيره زايد وزنها بس متهنين لا يحط الوزن حجه على اختك الله يهديهم على بالهم كل الحريم هيفا واليسا
حسبي الله عليه,,,,, في اسلوب وفي طرق كثيرة يقدر يتعامل فيهااا مع زوجته احسن من التهديد بالطلاق اهو بس يحب نفسه ومتعته الشخصية والمراه اكيد تبي الاسلوب الحسن عشان تعطي من صدق والكلمة الطيبة احلى شي بين الزوجين بس مااقول الا الله يعين اختج عليه,,,,, وهم تحاول تحقق اللي تبيه اهيه اذااا صج كاان في نيتهااا تضعف ومااتااخذ بكلاامه او تهديده بالطلاق,,,,,,, والله يوفقهااااا
رايي من راي خواتي اللي مايقدر مشاعرها تنطشه خل تضعف عشان راحتها وصحتها قبل كل شي صج كلامه يبط الجبد بس اللي ودي يوصله او تقوله ،،، بعد ماتنحف ان شاالله .. .. كنت بتخسر شي لو قلتها لي بـ اسلوب .. اسلوبك كان شجعني اكثر هو يحسب هالاسلوب بيخليها تنحف .. اللي تبي تنحف .. واللي تبي تمتن .. اول شي واهم شي النـــــــــفـــــــــــــــــســــــــــــــــــــيــــــــــــــــــــــــــــــــه قبل كل شي الله يعينها عليه اكره شي عندي .. الريال اللي مايحترم مشاعر زوجته .. ولا يقدر ظروفها
الله يعينها البنات ماقصرواا بس انتواا شجعووها وخليها تضعف وتتغلا عليه يارب يوفقها ويسعدهاا ويهدي رجلها لها
حبيبتي قطي الحجي كلا ورة ظهرج وفكري في نفسج اصلا الرشاقة حلوة و الرياييل جليب ما يعجبه شي كثر ما تسوي المرة هم ماكو فايدة لكن حبيبتي روحي حق دكتور دشتي وهو اللي ينظم وزنج وينظملج الاكل وانشاءاللة راح اتصيرين سمبتيك وخلي ريلج يحتر من رشاقتج وابهريه بوزنج واللة يوفقج وخلييييييييييييي الريياييييييييييل يربون كروش جنهم حمل ومايشوفون روحهم وهم يمشون ههههههههههههههههههههه:teeth_smile:
ترى ريلهاا مو صاحيي شكوو بطلقج عشاان متيينه الحمدالله والشكر الله يشفييه فيي حاله نفسييه شكله كان متيين ويطلع الحره باختج ولا تطلع من البييت عشاان نايخذهاا حجه حياتيي وانشالله كل الخيرر
الله يكون بعونها لا تترك البيت ولا شئ تقعد علي قلبه وتكسر عينه وتضعف قوليلها الصبح تتريق فواكه والغدي سلطه أو شئ مشوي والعشا الساعه 7 بلكثير اي شئ خفيف بس كل شئ خالي الدسم وعليها من الانناس الطازج موجود في الستي سنتر وجاي الاعشاب الاخضر وتكثف الرياضه خليها4 ساعات بليوم بين مشي ورياضه وتلبس حزام شورة التخسيس الي يوصل لي تحت الصدر هذي أهم شئ لحزام الحراري أو كورسيه عادي وتشترك بنادي يامساج تخسيس أو برافين بس ها تواضب علي هل مواضيع وتكسر عينه وإذا تقدر تشترك بلي إيبون وجبات الرجيم للبيت هم أحسن
أختي العزيزة السلام عليكم ورحمة الله قرأت رسالتك عن أختك ودعيت ربي يوفقها ويهدي زوجها ويسعدها أتفق مع الأخوات في انها تنسى انها تترك البيت عشان هذا الخلاف صحيح مو سهل على المرأة انها تسمع كلمه تجرحها لكن الأولى انها تدافع عن نفسها وحياتها نصيحتي راح تكون عملية وان شاءالله يا رب تلاقي الخير أو شي اختج أو اي انسانة اذا حبت تغير الغير تبدا بنفسها تنسى الكلام اللي قاعدة تسمعه لأني متأكدة انها بخاطرها تضعف وتوصل للوزن الصحي تحتاج تواجه نفسها وتكون صريحة وتنسى رغبة زةوجها بالضعف وتركز على نفسها تقعد مع حالها وبورقة وقلم تجاوب او ممكن تكونين معاها تعينينها على انها تساعد نفسها مو تهدم حياتها هل انا راضية عن وزني ؟ ما هو الهدف الذي ارغب في تحقيقه ؟ لماذا اريد ان احقق هذا الهدف ؟ ( 5 اهداف على الأقل تخصها هي وحدها وليس الزوج مثال: لأني استحق ان أتمتع بصحة جيدة والوزن الزائد مرض لأن الله اعطاني نفسي أمانة وانا استحق ان اصون ذاتي لأني أستحق ان أكون اكثر ثقة بنفسي لأني استحق ان أتمتع بمظهر جميل وشاب ...... يعني الأجوبة تكتبها الى نفسها ماذا تستحق كيف يمكن أن أحقق هذا الهدف ( الوزن الصحي - خسارة 30 كيلو مثلا ؟ ) وتضع هنا كل الإمكانات والحلول لخسارة هذا الوزن والتي تستطيع ان تبذلها مثلا : عمل التحاليل الطبية ومراجعة اخصائي تغذية او دكتورة العائلة للمتابعة عمل جدول رياضة حسب الامكانات نادي او جهاز في البيت او مشي ان تكون لها مجموعة تدعمها نفسيا مثل ختها او ديقات بشرط ان يكن ايجابيات ودائما يعطونها الجانب المشرق ان تتخلص من المأكولات التي تزيد الوزن بوتستبدلها بصحية من الضروري ان تقسم الهدف وتكون و اقعية بمعنى اذا كانت تبي تخسر 30 مثلا تضع هدف انها تبي تخسر 2 كيلو كل اسبوع لمدة 15 اسبوع او كيلو كل اسبوع لأنها بذلك تساعد نفسها نفسيا تشعر انه من السهل تحقيق خسارة 2 كيلو كل اسبوع لكن 30 مرة وحدة عبئها كبير نفسيا تضع لنفسها صورة اما لنفسها وهي اكثر نحافة او لممثلة تعتقد اذا نحفت ستشبهها وتتاملها دايما وهي مبتسمة وواثقة انها راح توصل لها مهم جدا قبل ان تبدأ وفي كل وقت ان تستعين بالله وبعد الصلاة وقبل ان تقوم من على السجادة تتنفس بعمق وتغمض عينها وتحمد الله انه وهبها ذاتها التي تعاهد الله ونفسها انها تحافظ عليها وانها كفيله بأن تختار كل وسيلة لأن تحب ذاتها وتقدرها و تحافظ على صحتها وانها تستحق ان تعيش بسلام مع ذاتها بغض النظر عن الظروف الخارجية . أذا هي لم تقدر ذاتها وتحبها وتحافظ عليها وهي اقرب الناس الى نفسها فلا تنزعج اذا احد من حولها لم يقدرها ايضا العزيمة العزيمة في ان تحافظ على عهدها لذاتها وان تكافىء نفسها كلما حققت هدف او حتى جزء منه ، اذا لخبطت او تعبت لا تأنب ذاتها وعفا الله عما سلف وتبدا من جديد وتستمر الأهم انها تبعد عن التأنيب وتذكر نفسها ددايما بأسباب هدفها بالنسبة للزوج اكيد غلطان وهذي ليست وسيلة تشجيع وليس دفاعا عنه لكن بعض الأحيان الناس تعتقد انها اذا واجهت الآخرين بنواقصها وجرحتها بيكون دافع لأن تغير نفسها وهذا غلط منتشر للاسف لكن الجانب المضيىء اللي اراه ان لو يبي يطلقها كان طلقها من زمان وقد استخدم اسلوب جارح للتشجيع نصيحتي لأختك في لحظة صفا ولحظة تكون استجمعت فيها نفسها ومتزينه لذاتها وتستشعر كل جميل فيها من طيبة واخلاق وملامح جميلة وكل ثقة بالنفس تكلمة بكل طيب وحب وتفهمه انها بحاجه الى مساعدته بان يعينها على نفسها وانه لها صديق وحبيب وان اسلوبه بالنسبة لها جارح ... واذا ما لقت منه طيب تبتسم بكل هدوء وتخبره بالرغم من كل شي تحب ذاتها وتقدرها وحقيقة وبينها وبين نفسها تنسى امره شوي الى ان تلملم شتات نفسها وتعاهد ذاتها بان تفتح فيها صفحة جديدة وانها بخير وبتهتم بنفسها لنفسها وتحمد الله الذي وهبها كل النعم ويصير لها جدول عناية ودلع لها من مساج وحمام دافي بزيوت عطرية وورد وملابس جديدة وطلعة حلوة او جمعة مع صديقات لتبادل امور جديدة وليس الشكاويييي لأنها هدامة للنفس باختصار الحل بيدها ويبدأ من داخلها عندما تتصالح مع ذاتها وتحبها وتبدأ بالعناية بها ليس لأي أحد ولكن تقديرا للوهاب الذي اعطاها هذي النفس الطيبه بإذن الله والله المستعان والله يوفقها والله يعينها ويوفقها
الله يصبرها على زوجها ومابعد الصبر الا الفرج ويقول المثل كما تدين تدان وراح يجي يوم ويحس بقيمة زوجته وعن السمنه الي هابين فيها الحين والله ماعرفناهم اذا سمينة قال اننتي سمينة واذا ضعيفة قال انتي ضعيفة اما هم الرجال على راسهم ريشة بس عليه ان يحاسب زوجته بس لما تكلمينة بموضوع يحسب نفسه ملاك ومافي ولا خطأ سواه في حياته على العموم حبيبتي تمسكي في بيتج وزوجج ولا تعطينة فرصة يخليج انتي الغلطانةوفي طريقة سوتها وحدة من الأهل بعد ثلاث ولادات لها وعشان تخفف السمنة كانت كل يوم بعد كل وجبة تشرب شاي الزعتر وتحاول تقلل من السكر فيه بصراحة جسمها الحين روعة بالتوفيق يا الغالية ودعواتكم اذا جربت وجابت نتيجة
اسمحيلي بس هذا انسان معقد ومتخلف طلاااق بسبب انه وزنها زاايد يعني مو منطقي يهدم بيت عشان جسم مرته مو عاجبه شالتخلف المفروض اهوا اللي يشجعها على الرجيم او انها تروح دكتور او تدش نادي وبالكلمه الحلوه يقدر يخلي عندها اراده ... الله يسامحه اكييد انجرحت منه
اي والله هالرجال عبالهم الستات كله هيفا و نانسي خربو علينا الله لا يوفقهم أنا مو متيينة حيل جسمي عادي لولا هالكرشة بس مو كبيرة كثيير و مووو عااجبه بالله شسوي حاولت و حاولت بس من بعد اللادة طلعتلي و مو راضية ترووح و هو كل ما يشوفني يعطيني كلمة تعقدني خصوصا ادا لابساله شي حلو يماااا كرهني فحالي والله بس ما يجيب سيرة الطلاق الله يعين أختك والله و ان شاء الله بتضعف و يصير جسمها و لا أحل بإدن الله مع الإرادة كل شي ممكن و ما في شي صعب عند الله شوفي برنامج الرابح الأكبر شفتي بيكونو قديش و يصيرو شلون
اختي كميليه زوج اختك مابدو اختك وبراسو يطلقها وبيحط موضوع الوزن حجه لانو مافي رجال بطلق مرتو عشان وزنها انا زوجي دايما يحكيلي اذا مابتضعفي بتزوج عليكي ومابهتم اذا بدو يتزوج عشان وزني خلي واللي مو شاريكي لاتشتري انتي اعملي اللي عليكي وطيعي بما امر الله والوزن هشي مو بايدك والله يهدي ويكبر عقلو ويهدي ويهدي بالها ويوفقها يارب اللهم ارزق بناتنا ازواج صاااااااااااالحين اللهم امين
لا لا لا انا ما اتفق مع الاخت جرح الفزاله في كلامها(انه زوح اختك مابدوا اختك) انا اتفق مع الاخت اللي اسمها بالانقليزي(اعتقد تلب شول) في كلامها الموزون واللي عجبني وهو:ان الجانب المضيىء الذي تراه ان لو يبي يطلقها كان طلقها من زمان وقد استخدم اسلوب جارح للتشجيع وبالكويتي غالبا الرجال مايعرفون يصفون الكلام لانه جنسهم خشن متعودين على الكلمه الخشنه ..............يالغاليه تكفين قولي لختك انها تضعف بس عشان ترجع ثقتها بنفسها وتجط ابالها انها كملت من وجهة نظر زوجها لانه اللي كان ينقصها الضعف والحين هي كامله
