إستفسار ،،

الــســلام عليكم ،،

شلونكم ؟
شخباركم ؟

أنا طالبه كويتيه بالصف الثاني عشر ،،
يعني انا بسنة التخرج ،،

وصراحة ماي عارفه أي شي ول معلومه عن الجامعه والكليات والمعاهد ،،

وإذا ماعليكم أمر ،،

ممكن تساعدوني بمعلومات عن :

كليه الأداب قسم الإعلام ،،

معهد التمريض ،،

علوم إداريه ،،

وأنا أدبي ،،

يعني أبي معلومات عن إمتحان القدرات وجم المعدل الي يقبلوني فيه و وين الدراسه تكون ،،

يعطيكم ألف عافيه خواتي ،،

أعتذر عن الإزعاج ،،

تحياتي ،،

حبيبي هذا شرحه طويل لازم يتفصل
وان شالله راح احاول على كثر ما اقدر افصلج فيه

اول شي عندي لج نصيحة من قلب دامج ادبي دشي علووووووم ادارية تخصص محاسبة
احسن شي سواء للعلمي او للأدبي

والمعدل اللي يبونه كقبول فوري للأدبي 82% وبالنسبة للعلمي 80%
يعني حتى لو السبعينات مثلا 75% يقبلون عادي
بس افضل انج تشدين حيلج وتاخذين امتياز اذا قدرتي او عالأقل 88%
لان اذا تخرجتي يحسبون لج النسبة المكافئة
النسبة المكافئة يعني يخذون نسبة الثنوية ونسبة امتحان القدرات
انا ليش اقولج شدي حيلج لان اذا ما يبتي معدل بامتحان القدرات ممكن يخفس النسبة
وايد بنات اعرفهم ماخذين 95% علمي من امتحان القدرات احسبوا النسبة المكافئة واطلعت 89%
وما انقبلت طب
وفي العكس اللي تاخذ 89% بالثنوية ممكن لو خذت درجات عالية بالقدرات تصير 91%
يعني السالفة سالفة قدرااااااااااااااااااااات
بالنسبة للامتحانات المطلوبة عليج حق علوم الإدارية فهم الرياضيات والإنجليزي
سامحيني حبيبتي عالإطالة .... واتمنى اني فدتج ..ولو في شي تبيه انا حاضرة ... وان شالله اذا تذكرت شي اقوله لج :teeth_smile:​

هلا عزيزتي ،،

اي عاد انا اليوم بروح اسجل امتحان القدرات بالضاحيه

وان شاء الله راح ادرس عدل عدل عدل حقه ،،

ومشكووووووره يا قلبي على المعلومات الحلوه و وايد وااايد وااااايد فادوني ،،

:wink_smile:

ممكن اعرف امتحان القدرات اشلون عشان اختى اخر سنه الحين ياليت تردين اختى خبله وكنكوشه ااذا عرفتوا التفاصيل مع شكر:wink_smile:

حبيبتي لازم تسجل بامتحان القدرات اختج , عشان ياخذون نسبتها المكافئة ويساعدها يدخول الكلية اللي تبيها

وبالنسبة للتسجيل للامتحان خل تسجل مبجر ,,قيمة الامتحان 5 دنانير _ وبالنسبة للمتأخرين 10 دنانير

وله قوانين وشروط وايد

وعلى حسب الكلية اللي تبيها اختج اقدر اساعدج وافصلج اكثر بالموضووع

وخل تسأل قسم التسجيل اللي بمدرستها لان اكيد يوزعوون اعلانات الجامعة حول الاختبارر