1- جواله دايم عليه قفل والموضه الجديده جوالين بقفل 2- كل ما تدقين عليه عنده ويتنق - انتظار وسبحان الله في البيت جواله مايرن ابد وغالبا لانه سايلنت -صامت 3- اذا نسى جواله وهو نازل بقاله ولا صيدليه يجيك مداهمه مثل الصاروخ علشان ياخذه 4- اذا راح ينام يقفل جواله مش علشان سواد عيونك لا بس خويته تغار عليه وما تبيه يغازل غيرها 5- عنده ردود استباقيه ... يعني اذا دق جواله يقول لك هذا واحد صغير عيل مابي ارد عليه بدوووووون ما تسالينه مين !!ا 6- يكون عنده ارتباط شرطي بين المسجات او الرنه ... و الطلعه من البيت!! ما ادري شو العلاقه بس يتعذر بعدهم باي شي علشان يطلع 7- يكلم في مواقع غريبه مجلس - حمام - مطبخ المهم يصصصصصصد منك 8- فيه اسماء غريبه في جواله على سبيل المثال ابو غاده = غاده عنتر = عبير محل التحليه = الي مرقمها بشارع محل الحلويات فتمين سين وي = برضو بالصيدلية مرقمها انور = نوره ابو صالح = باميلا اندرسون 9- لو كنتوا على خط ونزل بقاله ولا حمام يطول اكثر من اللازم !!!ا 10- فجاءه يصير حبيب معك بدون سبب-عقدة الاحساس بالذنب 11- ما يمنعك من الروحه لاي مكان ... لانه يبي الفكه منك دايم يقولك روحي وسعي صدرك 12- ما يقول- لعيالكم - عيالي يقوول عيالك 13- اذا رحتي بيت اهلك دق وقالك اذا مبسوطه مع خواتك نامي اليوم عندهم 14- يسولف ويتفلسف في الامور الحريميه حمل ولاده مكياج حواجب اظافر وتستغربين من وين عنده هالكم من المعلومات ؟؟ من عندها يا ......... 15- يحاول يتخانق معاك لين صار عنده مناعة عشان يكون طبيعي انه مايرد عليك 16- اذاوصل البيت يجلس بالسياره ساعه قبل مايدخل تعرفون احلى المكالمه آخرها .. 17- كل كلامه مع اصحابه يكون بالالغاز لان كل مواضيعهم عن بنات
مصيبه صابتهم جليلين الحيا يعني انا استغرب من المتزوج ليش يغازل يبطون جبدي الرياييل اللي جذي الله يهديهم يارب مشكورة خيتي على الموضوع عافاج الله
بعضهم والله معقدين وبعضهم يتفيخر عند ربعة يعنى عندى بنت اكلمها مالت عليهم هههههه يعنى الزوج ما يفكر فى وحدة مسكينة ناطرتة احر من الجمر ؟ ما يفكر فى العيال ؟ ما يفكر شنو ورة المصايب اللى يكلم بنت غير زوجتة ؟ اهم شى عندهم الوناسة والخسارة و تلقينة ما يصرف على بيتة ولا على عيالة الله يستر على الجميع مشكورة حبيبتى على ردج العطر
بس موشرط يعني يمكن يكون يسوي حركه من هلحركات بس طاهر وعلا نياته على العموم لاااااااااااتدققوووووووووووون عشان ماتتعبووووووووووووون وبس
الشرهه مو عليه علي البنات الي اذا شافو واحد يمشي مع مرتة اذبوحه خز وتضحك الله يهدي رياجيلنا ويبعد:sad_smile: عنهم بنات الحرام
