السلام عليكم يمكن تقولون تافهة عني او ماعنها سالفة بس انا جد احتاج اغبر جوو لان ولدت وشفت الويل وسهر والبيبي تعب والمستشفى شفنا الويل الحمدالله على كل حال الحين وايد احسن الوضع بس جد انا احس اني بحاجة اني انفه عن روحي لكن ؟؟؟؟؟؟؟ظ زوجي لا يحب .؟؟؟؟ مالحل يقولي مابي اروح اوكي لو نبي نروح اروح متة مارحنا لا تلزميني وماكو فايدة سويت سبرايز ومارحنا شالحل شسوي شي يقهر صح
لا تقولون بيتهم واهلة مومتعودين اختة ماشالله 7 سنين مزوجة 4 اطفال عادي بسبب او بدون سبب تروح وتخلي اعيالها انا ماني صايرة مثلها كل شهرين ديرة واترك الاطفال لا اني ابي سفرة صغيييرة او فندق ليلة بس مايرضة
اول شيئ الف مبرووووووك عالبيبي...والشيئ الثاني كلنل مرينا بهذا الوضع الولادة والسهر والتعب..واذا زوجج ماكان حاب يطلع لا تضغطين عليه..مب شرط تطلعين عالفندق او تسافرين عشان تغيرينجو تقدرين تغيرين جو مع زوجج وانت بالغرفة...:wink_smile:روحي الصالون وتعدلي وكشخي وسوي نو لوووووووك..وفاجئي زوجج بليلة رومانسية حلوة..زيني الغرفة بالشمووووع والورود..نثري الورد عالسرير والارضية...بخري الغرفة..ويكون احسن اذا غيرتي مكان السرير..وعيشي ليلة حلوة مع زوجج..يمكن بعدها يطلعج.. والله يوفقج..هلا حبيبتي..
والله اذا مو حاب لاتضغطين عليه وعن نفسي مااحب فنادق الكويت مو نقص فيهم لا حشى فنادقنا حلوه وتهبل بس نفس الديره يعني نفس الجوو انا عن نفسي احب اسافر لو يوم واحد .. اذا تبين تغير جو ازرقو البحرين او الخبر ليله او ليلتين منها تعتبر سفره ومنها تغير جوو صح مو بنفس الديره احس مالها داعي . عندج الخبر والبحرين المسافه قريبه يعني تقريبا من ثلاث لي اربع ساعات ووناسه وتغير جوو وفنادقهم حلووه .. وهم قطر انا ماجيتها بس اختي دايم فيها تقول تهبل وهم خمس ساعات بالسياره .. واتمنى اني فدتج ..
الف مبروك على البيبي .. بس حبيبتي لا تضغطين عليه يمكن موقادر... او يمكن مايقدر ياخذ اجازة او ضغط بالشغل او شي روحو شاليه او اي مكان جذيه بالويك اند
حمدلله ع السلامه ومبروك ع البيبي... حبيبتي زوجج ليش مايرضى يروح رافض فكرة الفندق والا مايبي يطلع وبس؟؟!! اذا بس ع الفندق روحوا اي مكان ثاني ومو ضروري انكم نغيرون مكان نومكم ما احسه شي حلو وايد وتغير جو ممكن تطلعون طلعه حلوه وبعدها تسوي جو وليله رومنسيه بتغيري جو ولا احلى الله يوفقج يارب
شكرا مايحب هالاشياء مادري ليش نطلع بس الوحدة ودها تغير يعي سوق مطعم وانا اسوي نيو لوك وكل شي اوكي مشكورين وايد عادي مو لازم يوديني وصلت لهلقناعة بس في رياييل جذي مايحبون طاري السفرة كلش عادي انا اقتنعت بهالشي الله كريم
لا يا حبيبتي قوليله .. وشرحيله وضعج إنج محتاجه تغيير جو بعد الولاده خو كلها يوم واحد وسعي صدرج و أنا أختج ... وأذا نويتي اتكلمينه قولي هذا الدعاء ((( الللهم أكفني هيم بما شئت ))) 3 مرات و الله بفضل الله مفعوله عجيب ربي يسخرلج قلبه سبحان الله
عندي لج طريقة يمكن تفيد معاة .......... اخذي مبلغ وحطية بعلبة كشخة واهديها لة واذا استغرب من اللي فيها ....قولي فكرت اجيب شي يسعدك بس مالقيت قلت احسن حل هالمبلغ ندور فية على شي يوسع صدورنا بطلعة او بليلة بفندق ......شوفية شقول يمكن تنفع معاة هالطريقة...........والله يسعدج ...........تحياتي لج.......
بعد عمري مشكلتج نفسي زوجي مايطيق طاري السفر بالمرة ولا فنادق عجزت فية كل مااقولة يتعذر صار لنا مدة طويلة وانا اتمنى حالي حال غير ماشاءللة كل شوي سفرات وفنادق وانا ولا عمري طلعت مع زوجي ولا سفر ولاحتى مكان لاتضيقين خلقج مو انتى بروحج زوجها جذي انا نفسج مادري ازواجنا شفيهم على السفر وكا مرة اطلع من الاربعين يواعدني بس كلام ويوم طلعتى انصدم وارد للبيت وانا نفسيتي زفت الله العالم واظغط على نفسي واسوي روح مستانسة وانا حدي مللللللليت من الروتين انا نفسج والله حاسه فيج مالنا الا الدعاء انهم يحبون يطلعون ونسافر كل شهر قولي امين
ما أقول إلا الله يهداه وإذا طبعة جذية طلعي انتي معا احد غيره مثل خواتج او حمواتج يمكن ينقهر على كثر طلعاتج وبعدين لافتح الموضوع انتي ابدي اشتكي عن وضعة ويمكن تنحل المشكلة
انا اقول الظغط على الزوج بيكرهج اكثر وكل ماظغطتي مو من صالحج خلاص اذا مو حاب هالشغله خليج بالبيت وتكشخي احسن من باجر لايصير مشاكل بينكم واتمنى لكم التوفيج يارب
الله يعينج انتي نفس حالتي بعد النفا س ترجيته اوديني منتجع كان خاطر منتجع سليل الجهرا ماوداني ولا مكان حتى ماعشاني بعد شن سوي بحظنا المعفن الازم نصبر عليه حتى هديه ماعطاني لاتعبين عمرج معاه
مبروك على البيبي وبالنسبة للفندق ما له داعي اذا موراضي ممكن تحجزون شاليه احلى واحسن وجنج مسافرة اوتطلعين طلعة حلوة ترى ما كو احلى من الديرة بس المهم الواحد يونس عمره واذا كلش ممكن تروحين البحرين يحلوها ويحلو اهلها وفيها اماكن وكفيهات بالعدلية والبديع وتكونين غيرتي اشوي بس ما انصحج بالخبر مافيها الا السوق واحنا عندنا السوق حتى القعدة بستار بكس اتغمت القلب استانسي اهني مع الريل احسن روحوا شاليهات سيشل عندنا اشحلوها
