طيب ما فيها شي اذا غسلت وصار جماع مع زوجي يوم واحد وبعدها اتبخر بس المشكلة انه موجود مش مسافر ولنا ما اريد اخبره عادي اذا استخدمته سواء نزلت الدورة او ما نزلت وكم الكمية اللي اتبخر بها عادي لبتون ولا لازم الشاي الاخضر افيديني بليزززز
ام شوج حبيبتي الاعشاب هذي مو نفس طريقة الليبتون او الشاي الاخضر اللي بالجمعيه تاخذينها من العطار وتتبخرين فيها بس اللي اعرفه ان ما يصير يكون جماع عشان هالاعشاب تنزل الوصخ اللي بالرحم وبالبطن لان هذا الوصخ احتمال يضر زوجج يا قلبي بعد ما تخلصين استخدام هالاعشاب عادي احسن تكون معاشره بينكم عشان يلقط المني معاج يا قلبي عرفتي والله يرزقكم الذريه الصالحه يارب
مس زوغه يا قلبي يستحسن بعد الثلاث ايام اهني اتصير معاشره يعني اليوم الرابع عرفتي عشان يكون احسن لج وحق زوجج بعد وعشان يلقط معاج المني بسرعه والله يرزقكم بالذريه الصالحه انشالله
اشكرك على الرد بس المشكلة انه كذا مرة يصادف انه زوجي عندي بعد ما اخلص من الدورة اي مايصدج اخلص متى راح استخدم العلاج او الطريقة شوفي انا خلصت تاريخ 21/21 عادي اسوي الحين لانه زوجي ماراح يكون هنا الا بعد اسبوع
حبيبتي ام شوج استغلي الوقت اللي يكون ريلج مو موجود وسوي الطريقه اللي قلتلج عنها لان ما ينفع اتسوينها وبعدها يصير جماع على طول بعد ما اتسوينها وتنظفين اهني عادي يصير جماع بينكم عشان يلقط بسرعه بس اذا قاعده اتسوين الطريقه ويصير جماع ماكو فايده جذي اتضرين زوجج بس صدقيني لان راح يكون يطلع منج وصخ حرام ينضر استغلي الوقت اللي يكون مو موجود وسويها واذا سألج قوليليه انا لحد الحين ما نظفت لو مو مصدق اوريك وفعلا انتي ما جذبتي قاعد تتنظفين بعد الدوره قوليله هالمره طولت الدوره او طلعي لج اي عذر وصدقيني هالطريقه واااايد اتينن وزينه
ام شوج يا قلبي فحص تحليل البول يبين عادي مو شرط اسبوع انا تتأخر يوم واحلل يبين معاي عاد مادري معاج شلون بيصير كل وحده غير انا اختي ما يبين معاها بالبول الا بالدم مو شرط يعني عرفتي يا قلبي وانشالله تكونين حامل واتبشرينا يارب آمين يسلمووووو فتونه ع مرورج يالغلا
تسلمين يا قلبي انشالله بجرب اتبخر بالشاي الاخضر بس ودي افهم شنو الحكمة منه وليش الشاي الاخضر بالذات ووين اقدر احصله الطازج وممكن استخدم الي يكون بعلبة الصيني
يسلمووووو ع مروركم حياتي فراولونه على ما اعتقد موجود عند العطار وشنو الحكمه من الشاي الاخضر والله ما ادري بس اللي اعرفه ان رفيجتي جربت هالشاي وعندي كذا وحده غيرها ما يحملون جربوا واحملوا جربيه اذا ما فادج ما راح يضرج وانشالله اييب نتيجه معاج يا قلبي وبشرينا عنج فديتج
