قوه شلووونكم شخباركم والله من كثر مو انا ولهانه على ريلي ابي اسولف معاكم عنه:emoticon_U: شسوي احبه والله تعب الدنيا من غيره وليييييه اذا بكمل جذي بقعد ابجي خل ادش بالموضوع شرااااايكم كل وحده تدش تقولنا شنو الموقف الي صارلها مع زوجها سواء حلو او لأ وانشالله كل ايامكم تكون حلوه تعالو بسألكم سؤال انتو بعد نفسي ماتقدرون تفارقون رياييلكم ولا يوم انا خواتي وحمواتي يضحكون علي ريلي يدرس يكليه الشرطه عاد كل سبت لما يروح اقعد اقلبها مناحه وانطر الخميس منااااااطر علشان يطلع واذا طلع يوم الثلاثه فجأه علشان بليل يرد اسير نفس المينونه جنه عندي عرس ويوم الخمييييييس خو هذا غييييييييير ولما يشوفوني خواتي او حواماتي يقولون عني خروووفه :sad_smile: مادري ليش يعني علشان احب ريلي؟ومرات ما ابينله اني مستانسه لما يطلع الخميس فأهو يتضايق والله احترت مع هالولد اوووووو نسيت الموضوع قاعده افضفضلكم الي بداخلي :teeth_smile: بعد شسوي ماعندي غيركم اسولف معاه المهم انرد حق موضوعنا كل وحده تكتب موقف صارلها تذكره (انا يوم الثلاثه هذي طلعو ريلي وقالوله بليل رد ويرد من غير لا يقول حق احد ويدق على بيتنا ويخلي اخته تحاجيني ولا تقولي سارونه شلونج قتلها تمام انتي شلونج وخالتي شلونها المهم عقب هذا كله اسمعها تقولي سارون ترى ريلج سافر اليوم المهم انا اختكم جنه احد ذابحني ولا اقولها جذابه ولا تقولي اهوه ماقدر يدق عليج دق على ابوي وقالنا نبلغج وانا ماصدقت خبر وقعدت ابجي ولا اهو ياخذ السماعه ويضحك يقولي احبج والله اسف اسف لا تبجين يالمينونه وانا اسمع صوته واقعد اتدلع وابجي زياااااااده:emoticon_U: واسمعه يترجى فيني واقوله ليش تسوي فيني جذي واسككره ويتم يدق ومارد علي واخر شي دزيتله مسج مابي اكلمك جان يدزلي يالخايسه ماتكلمني بروحي طالع اليووووم مشتااااقلج حديييييييييييي وم_______ شرايج امرج نروح نطلع قتله مابي ولا يدزلي تغلي حياتي اذا انتي ماتغلين منو يتغلى اموااه على شفايفج انا وقتها صرت مينونه وبروحي دقيت وقعدت اكلمه والللللللللللللله احبببببببببببببببببببببببببه شسوي وانتو يالله قولو كل وحده شنو صارلها موقف تحبه وماتنساه)
زوجي ما خذ اجازه من الدوام 20 يوم عشان العرس وتوه داوم وثاني يوم استلم وانا شبعت بجي يدق علي ابجي رحت عند اهلي واهله بس ابجي اشتقتله جان يدق قولي دنون وربي دموعج عذابي بس وانا ساكته واهو تضايق لان انا بس ابجي ولا رفيجه يقول رووح وانا اضبطك انت توك معرس يا ضابط وشوي والساعه 12 دق علي يقولي اطلعي بره انا ناطرج انا انجنيت وقمت اصارخ وطلعت لقيته بره ورحنا شقتنا ..... الله لا يحرمني منه ياارب احبببببه
الله يخليلكم ريايلكم يا رب انا الموقف الي صج حدي حدي حدي استانست منه وما اقدر انساه ان بعيد ميلادي فاجاني بلمزين حدي حدي استانست الله يخليه لي يا رب :smile:
الله يخلي كلو وحده ريلها عاد انا اللحين زوجي مسافر صارله 69يوم ما شفته ومشتاقتله حدي المواقف كثييييييييييييره بس اقوى واحد كا بشهر العسل وكنت تعبانه وقال بيسفرني مع امي وقعدت اجي من قلب صارلي يومين وما كليت اي شى وقبل ما اروح المطاااااااااااااااااااار بربع ساعه قعدت بحضنه وابجي من قلب جان يقول لي انا بسافر معاج ما صدقت كان وده يفاجئني بالطياره بس كسرت خاطرهه وما قدر يمكل الفيلم بس يوم قال لي صرخت وضحكت وبكيت كنت مثل الخبله......الله يسامحك ذكرتيني بلحظات ما ممكن تنعاد والله واااااااحشني مووووووووووت الله يرده بالسلامه ولا يحرم مره من ريلها يارب
ربي يخليكم لبعض ويديم السعادة عليكم واقول للمعاريس هذي أمور طبيعية وبعدها تتعودون ع سوالف الدوام :shades_smile:
هههههههههههههههههههههه ياحلاتكم الله يخليكم لبعض انا اعفي نفسي من هالسؤال صعب اجاوب عليه :wink_smile:
سوسو انا نفس حالتج .. زوجي بالدوره بالحرس .. ومايطلع الا خميس وجمعه وسبت .. وحدي اشتاقله ... واذا صار يوم الاربعا اقعد اتزهب جني عرووس .. واهو مسكين يجي حده مشتاق لي ولولده .. وانا الحين نفاس .. يعني حتى خميس وجمعه مايستانس فيهم ...:75_75: والمواقف الحلوه واللي موحلوه واجد بس اخر موقف صار قبل اسبوع .. طلعوه قبل الطلعه بيووم وانا نايمه الصبح فبيت اهلي .. دق تليفون على امي وقالها وين فلانه .. قالتله امي نايمه .. قالها خلاص اخذولي درب ولاتعلمونها .. تخيلو دخل علي وانا نايمه >>>>انصدمت ..من الصدمه تغطيت بالكمبل بس سحب الكمبل عني >>>> من الدفاشه الزايده طرت مع الكمبل ههههههههه لا اضحك عسا ايامكم كلا وناسه وظحك ...
) الله يخليكم لرياييلكم يا بناتى ويسعدكم ويزوج اللى للحين مو متزوجه او اللى ماعندها ريل قولوا اميييين
انا عاد سويت مقلب في ريلي كنت قاريتنه في كتاب رومنسيات زوجيه وهو انه كان راقد ويبت قلم لب لاينر وكتبت على جبهته ( صباح الخير ) عاد ماشاء الله عليه ابيض وجبهته وسيعه ههههههه خذت راحتي في الكتابه :74_74: المهم تم راقد طبعا لين الصبح .. وعيته عشان يسير الدوام ودخل الحمام الله يعزكم يغسل وانا قاعده العب مع بنتي الصغيرونه واحاول اشغل عمري لاني فيني ضحكة وماسكه عمري وعلى طول طلع ووقف عند باب الحمام وانتوا بكرامه ويطالعني وهو معصب وانا العب مع بنتي واضحك <--- أونه اضحك عليها وانا اصلا اضحك على ابوها هههههه وأول ماحطيت عيني فعينه وهو معصب طحت عالارض اضحك لوووول ماقدرت اتحمل عاد هو يوم شافني اضحك تم يضحك هههههه بس القلم كان ماركة وتم ساعه يفرك جبهته خخخخخ:tongue_smile:
ادعو لزوجي يرجع بالسلامة هو قائد كتيبة من بدات الحرب لسى مرجع مشتاقة لة موت اللة ينصرهم وربي مدري وش اقول كل ايامنا حلوة بعد الزوج اما قبلة اللة لا يوريكم كلة ابكي لما جى ليلة الدخلة راحت كل الهموم اللهم انصرهم
لوووول موضوعج عجيب انا حبيبي فديته غييير كان يمر بضيقة مالية على قولتهم وكان يوم زواجنا خذا امه وراحو بدون ما ادري وشرالي فيدته ساعه جلد تمساح اصلي مع 50 حبة الماس ويوم عطاني اياها لا شعوريا بجيت لان ادري بظروفه ومع هذا ماقصر صرت جني بيبي واهوا يلمني ويقول تستاهلين اكثر وسامحيني فديته الله يخليه لي
