السلام عليكم ورحمة الله وبركاته الله يعطيكم العافيه حبيباتي أن عندي ولد وتوه كمل 3 أشهر ومحتاره أبدى أعطيه الاكل من الآن ولإ أستنى الين يكمل 4 أشهر ؟
لايقلبو لا تعطيه اكل الااذا كمل اربع شهور بس انصحك تسور رضعت تمر مره حلوه ومفيده انا ولدي عمره شهر واسويها له تذوبين 3تمرات بمويه دافيه لرقم 3 وتصفينها وتحطينها بالرضاعه
اللة يخلية لك انشاء اللة الحين بس ذوقية الاكل بس واذا تم اربع شهور ابدي شربيه عصير الاطفال اللي يكونون بعلب زجاج بعدين شوي شوي ابدي بالاكل عشان المعدة تعود على الاكل واتمنى انك تستفيدين من كلامي
أختي الحين ابدي ذوقيه الأكل جزر مفيوح ملعقه أول يوم وملعقتين ثاني يوم وثالثه ثالث يوم وراقبيه ينفر جسمه وإلا لأ وبعدين البطاط نفس الطريقه والكوسا والقرع وعلى ماتخلصين تذويق يكون مر عليه شهر تخلطينهم مع بعض وتخلينه ياكله وتزيدين عليه عيش مصري وبالعافيه على قلبه بس لازم تتأكيد من الحساسية
لا الحمد الله والشكر توه صغير اذا خلص الاربعة أشهر ودخل الخمسة عطيه سيريلاك اما الحين اذا بتحطين بسكوته بالحليب عادي بسكويت فارتز مدري فلزر قريب عند الاسم هذى ماأذكر أسمه عدل
هلا اختي . . . طبيا والافضل لجهازه الهضمي نطري لي اخر الخامس وفي من يقول لي السادس يعني لا تستعجلين عليه وابدئي بالخضروات المفيوحة وابتعدي عن الجاهز والعصائر اللي فيها سكر لانه بتسبب له غازات من السكر اللي فيها
انا قبل الدكتور قالي ببداية الشهر السادس اوكله لانه لازم يكتفي من الحليب مادري شنو المهم قمت اذوقه الاكل ولمن كمل الشهر الخامس بديت اوكله
