مساء الخير كيفكم بنات ؟؟ انا حامل بنهاية الثامن وموعد ولادتي قربت ولا تقضيت ولا شئ وانا بجي للكويت عشان اتقضى ولكن ماعرف ولا شئ بالكويت طبعا انا من السعوديه.. فاياريت تفيدوني وين الاقي المفرش ولبس النفاس والشغل حق النفاس كله وابي اعرف وين محل مذر كير لاني ناويه اشتري اغراض البيبي منه ,,, بس اللي ابي اعرفه اغراضي انا وين الاقيها باسوقه فحيحيل وتوقعون 300دينار تكفيني انا والبيبي بليييييييييييييز ردوا على لاني الخميس هذا بجي الكويت ولا اعرف احد بالكويت ساعدوني الله يخليكم ....:frown:
هلا وغلا بنات السعوديه وحياج الله بالكويت ؟؟ حبيبتي ماا ادري انااا اقولج روحي الافنيوز فيه وايد محلات ماركات "" بروي "" مذركير"" وغيرهااا بنسبة لفلوووسج ماا ادري شنوو انتي حاطه عليهم يعني اذا علي لبس البيبي قولي 100 كافي ولبسج 100 وووالكماليات 100 شي حلووو ان شاء الله كافي وعندج بعد مذركير بالجهراا عند سوق الامارات اقرب لج وموفقه
هلا وغلا فيج بالكويت ونورتي .. انا اقولج لاتروحين لمذر كير لانه عندكم نفسه .. المحلات اللي عندكم نفسها لاتروحين لهاا .. في عندج بالفحيحل انار اللي مقابل اجيال حق شغلاات الجهال صج غالي بس شغلاته راقيه من من لفات وبدلات استقبال للبيبي وحلوو .. وفي بعد>> بيبي لووف <<هذا رخيص مو غالي حيل وعنده اطقم لج وللبيبي .. تلقينه عند شارمل بالعماره البنفسجيه اللي مقابله سلمان الدبووس .. وحقج تلقين بسلمان الدبوس تحت فيه ملابس لج حلووين وراقين واسعارهم ماتتعدى25دينار .. والمفارش اذا تقصدين الديباجات اللي على السرير .. عندج سويت هووم اللي عند الجوهر حلووو وعندج بالجوهره بعد في ديباجات حلووه .. وبالكوت عندج بعد فوق محلات للطفال حلووين .. الله يهوون عليج ياارب وتفرحين بشوفة البيبي بصحه وسلاامه وياج .. واتمنى اني فدتج ..
ماشاء الله الاخت وفت وكفت انا شريت اغراض البيبي من سنتر بوينت صح شغلات عمليه وعاديه بس هذا اللي اعرفه وانا للحين ماخلصت بس استفدت من الاخت وبالتوفيق والله يسهل ع الكل
ياحليل مراقبتنا من سكان المنطقه العاشره فديت المنطقه العاشره كلها ودوار الفحاحيل اللي عند القبقب صراحه فله ماعمري عديته الا وسيارتي بايسه كل السيارات هههههههههه كفيتي ووفيتي يااااااااامراقبتنا العامه ^_^
هلا اختي . . . ماشاء الله الاخوات ما قصروا حاولي تكثرين للبيبي الاندر وير لانهم يحتاجون تغير باستمرار واخذيه من مذكر كير تلاقين 6حبات ويا بعض . . . وتولدين بالسلامة
اخذي اغراض البيبي كلها من سنتر بوينت رخيص وكلشي فيه والحين مسوين sale البدل الكشخة للبيبي عندج (( دبنهامز_ نكست_باباز اند ماماز_بروي _ اتش اند ام)) كلهم بالافنيوز بدل كشخة ثانيه واغلى تلقينهم بمجمع الراية بمنطقة شرق روحي مجمع المهلب لقمصان الولادة حقج (( الطاهر _انور _قاسم _ الصباغ)) الديباج عندج تروفاليو بمنطقة الري وصفاة الغانم بنفس المنطقة
