هدية عيد ميلاد؟!!

مرحبا بنات شلونكم شخباركم؟​

بليز ابي مساعده:wink_smile:
عيد ميلاد زوجي قريب وابي هدية بس موقريب وايد ومليت من الساعات والعطور منو عندها افكار يديده وحلوه لوماعليكم امر
وشكرا.:shades_smile:​

عزيزتي الزوجه المهتمه بزوجك مللتِ من إحضار الهدايا التقليديه لزوجك بأي مناسبه عطر , محفظه , موبايل , ربطة , ساعه كلها أفكار قديمه و المشكله بأن متطلباتهم قليله

أوكـــــي

انا عندي لكِ فكره رووووووووووووعه تجننه و لا عمره في حياته تخيل ممكن يحصل عليه :




شوفي معاي
اشتري من محلات الهدايا اوارق تغليف بألوان حلوه ملفته .

واشتري قميص نوم لكِ ( طبعا و لا أوصيكِ ) و يكون بنفس لون اوراق التغليف

البسي القميص وحطي مكياج غريب يعني ارسمي نجوم على وجهك وحطي كلين لامع
و غيري تسريحة شعرك لفيه فلو او مكر او سشوري وظفري نص ونص مفرود يعني باختصار حركه غريبة


لفي جسمك بورق التغليف و كأنك الهدية وحزمي على وسطك شرايط التزيين وعلقي كرت مكتوب عليه
(( مالقيت اجمل من اني اكون انا هديتك ))

وقبل قدومه بثواني علقي على الباب ورقه صغيره حمراء و عليها قلوب مكتوب عليها ((( جهزت لك هدية في غرفة النوم اتمنى تعجبك))

أستلقي على السرير بطريقه ناعمة وطبعا لا اوصيك بالشموع والعطور و الموسيقى الهادئه والحركات الرومانسيه .
وشوفي عاد يوم يفك الاوراق عنك عشان يستلم الهديه ويقول :


قبلتك يا احلى و أغلى هدية بحياتي

مشكوره عالفكرة وعالمرور

العفوووووووووووووووو.................

ماالي انتي وايد رومنسيه بس مو كل ريال يعجبه هيك ههههههههه
يا اختي في ريااايل عينهم ما تنملي يبييي هديه الريااال
امممممم..والله بيني و بينج صج املق شي لما تبين تشترين له هديه لان الحريم الف فكره و فكره بس الريال اشياءه تقليدية
تقدين تشترينله ملابس ماركه مثلا اذا كان ذوقج نفس ذوقه
او ممكن تاخذينله كوبونات من الشاايع في ايون على 10 دناانير او 20 دينار او 5 دنيانير اخذيله كذا كوبون و عطيه..و الكوبون فيه كل محلات الشايع
او اخذيله موبايل..او جهاز اي بود
وانشالله يستاانس يا رب

مشكوره حبيبتي عالافكار ويعطيج العافية

هلا الغالية..

انا وياج ان فكرة تكرار العطور وهالسوالف صارت مملة حتى بالنسبة لي شخصيا.. فقمت وشريت كرتون
على شكل قلب مزخرف وقسمته نصين.. نص حطيت فيه جوري احمر والنص الثاني حطيت فيه
كاكاو من المحل الي ريلي يحبه.. وحطيته عالكومادينو فحجرة النوم وضفت عليه شموع مدورة ومزخرفة..

وكنت مزينة الكوميدينات بالستان الاحمر وحطيت فوقه شيفون احمر على زاوية كل كومدينو بحيث ما يغطي
عالستان الي تحته بالكامل.. فعطى القلب شكل احلى..

وفي النهاية لبسج واللوك الي بتكونين فيه بيعطي المناسبة لمسة اضافية على جو حجرة النوم
والقلب الي فيه الورد والسويت الي يحبه.. والله يوفقج الغالية..

مشكورة حبيبتي ايماراتيه على الفكره

البرد ياي بالطريج اشتري له اقمشه دشاديش وشماغ ؛)

حنا انا متوهقه يوم ميلاد زوجي بعد اسبوع محتاره شسوي مفكره احجز ليله بفندق لنا وودي اعيالي عند اختي الله لايحرمني منها لان احس فشله اوديهم عند امي بس متردده بفكرة الفندق وابي مع الفندق هديه حلووه لاني مليت من العطور والساعات والنظاره والتلفون كلهم جبتهم له ابي شي جديد ااذا لقيتي قوليلي ههههههههههه

ثانكس حبايبي عالافكار والصراحه انا الفندق ما استغني عنه بكل المناسبات ولوتبين فندق حلو جربي الموفيمبيك اللي عند فيلامودا الصراحه الغرفة اللي فيها مسبح شي موطبيعي صج غالية بس ليلة ماتنسي

بجم ليلتها ماتدرين واذا عندج رقمهم قولي لي اياه ابي الغرفه اللي فيها >>الموفيمبيك اللي عند فيلامودا <<حمام سباحه ضروري فديتج وشاكره لج

حبيبتي ماتذكر بجم بالضبط بس كانت تقريبا 300 دينار لأنها فخمه وكبيره وحيل راقيه وجنج مسافره بعالم ثاني بس رقمهم والله موعندي لأن لما حجزنا رحنالهم

حبيبتي عندي لج فكره لاني قاعده افكر فيها حجزي حق اي ديره وسويله مفاجئه وسافروا

فكرة الفندق وايد حلوة عن تجربة جربي فندق هيلتون في المنقف ينننننننننننن شوي اف جنج موفي الكويت اخ , المهم ريلج يحب يلبس بدل او دشداشة فيها بزمة اشتري لى جنى زرار بس يكون في فصوص يعنب فاهمة قصدي و يجي قلم احلى شي يكون ماركة عاد فاجئ في راح يحبها انا مجربة و عاد يومها كشخي لى وتعشوا او تغدو في الفندق نفسه و فاجئه بالهديةطبعا مع الكيكة , او فكرة ثانية ترسي الغرفة كلها تفافيخ طبعا تفخيهم عند مال الهدايا علشان يطيرون مع الكيكة و الهدية و يكون انتي اكبد لابسة لى , ان شاءالله تعجبج الأفكار.

السلام عليكم بنات بصراحه انا متزوجه صارلي سنه وشي يعني عيد ميلاد زوجي مر علي مره وحده بس شنو سويتله شغله يحبها بلايستيشن 3 مع سكانها من مجمع الرحاب البلاستيشن شريتها 160 والسكان شريته 72 بس روعه سويتله غرفه خاصه للالعاب لانه يحب الالعاب وشريتله اكس بوكس 145 دينار وجبت وصبغه الغرفه حق اللعب وردي سويتله الغرفه الالعاب جو مو طبيعي بس اذا كان زوجج يحب الالعاب والله من شريتله محد صار يشوفه من اهله بس انا ما يطلع من الغرفه واذا طلع وشافته خالتي تيبب عشان طلع من الغرفه صار بس يلعب انا اروح واجي وهو على اللعبه حتى الديوان الي كان 24 ساعه يروحله صار ما يعرف شلون شكل الديوان الله لا يغير علينا قولو امين ان ازواجكم يصيرون جذي ما يطلعون من البيت هههه

احجزي حق شخصييين للعمره بس يكووون بالويك ايند​

اممممم انا عندي فكرة حلوة

أول شي اشتري فراش يديد و بخريه و عطريه
وحطي شموع دار مدار الغرفه
وحطي ابجورة حمرة و سوي جو
وطلبي عشى وحطي طاولة لشخصين بالغرفه
وحطي بالنص ورده حمرة
واشتري ورد و زيني الغرفه
واشتري قميص نوم حلو
واشتريله ملابس حلوة للشتا بلوفرات و جاكيتات
وبس
وخليها ليله رومانسية و لا تعطيينا الهدايا الا و انتوا تتعشون قوليله لحظة شوي و روحي ييبي الهدايا
وبوسيه على راسه و عطيه
وبس و 2 يوم طلعوا سينما او اي مكان لتغيير الجو ,,
وانشالله تعجبج الفكرة حبي​

وااااااااااااو فكره حلوه
بنسويها ان شاء الله

صح .. مثل ماقالت اختي ام فايز .. اذا ريلج يحب البليستيشن
سوي نفس فكرتها .. انا بعد ريلي يحب هالسوالف .. بس اهو مجهز غرفته وانا قررت اغير ديكورها واثاثها .. واشتري سي ديات بليستيشن
واذا مايحب هالسوالف : حجزي تذاكر للعمره وجهزي الجنط وبس يوصل عطي التذكره بظرف حلو
واليوم الثاني السفر
أو حجزي ليله بفندق .. روحي معاه بس قوليله سوري ماعندي ميزانيه بعد علشان اييب هديه
وطلعوا تمشوا بس اتفقي مع وحده بالفندق تضبط الغرفه وتزينها وتحط هديته
واذا رجعتوا بيتفاجأ
موفقه