حبوبات انا مسويه عمليه قيصريه من 8شهور واحس انه بطني منتفخ رغم انه الدوره زينه واحس كل شي عادي هاي اول مره اسوي عمليه البجر كانت طبيعي
هههههههههههههه لاقاعدين مو راقدين انا ولامره ولدت قيصريه بس مرت حماي والده قيصريه عالعموم عادي ينتفخ بطنج ويطلعلج كرش لان عمليه مو طبيعي لاتخافين لاتشيلين شي ثقيل
انا والده مرتين قيصريه وشي طبيعي ...........راح يرد بطنج مكانه طبيعي لاتحااتين.......اهم شي تربطين بطنج بعد الدوره
السلام عليكم انا بجري عمليه بس ترى عادي ينتفخ وبعد فتره يرد يعني مو اقل من السنه يرد جسمج كما كان بالضبط [/color]
آنه توني مستجدة يعني لي اسبوعين بس من الي شفتهم حواليني الوضع مايبشر بخير كلهم كرشو ا بالنسبه لي احس ان بطني وايد خف عن اول الايام بس مارجع مثل قبل بس في ناس يقولون انهم يعرفون والدات قيصرية بس ردوا رشيقات ماحبيت ادخل الموضوع وما ارد بس ياريت البنات المجربات يفيدونا
والله يا حياتي انا نفسك بقالي 8 شهور والدة جسمي رجع زي الاول شوية صغيرة وكرشي طالع من الولادة القيصري ومتضايقة جدا من الموضوع دة ... بس اعمل ايه بيقولوا جسمي هيرجع زي الاول بعد ما اخلص رضاعة ... الله كريم
هلا خواتي . . . بالنسبة للعملية القيصرية الرحم ما يرد مكانه الطبيعي إلا بعد 6 شهور . . . لأن وضع القيصرية صعب تسوين ترديد وخلافه . . . فعادي النفخة اهم شي بعد 6شهور حاولي تسوين تمارين معدة لان فتح البطن يصير وياه شد لعضلات البطن وبعدها هالعضلات ترتخي فلازم تحاولين تردينها مشدودة . . .
يا أختي أنا والده 3مرات قيصريه والكرش الحمدلله موزين أنج تهملين من أول عمليه أهتمي بنفسج من أدويه مع الدوره وتمارين بس شوي شوي
انا فبجري سويت عمليه قيصريه لا تحاتين شي بالعكس كلها فتره ويرد كل شي نفس ما كان انا كانت كرشي صغير حيل بس هم اعتنيت بجسمي مو معناته بيرجع جسمج اتخربطين بالاكل وهالسوالف سويلج برنامج رجيم وشوفي جسمج شلون بيصير والف حمدلله على سلامتج
عادي حبيبتي بعد القيصرية يكون انتفاخ أنا حصل معاي نفس الشي لدرجة كنت مبينة كأني حامل بشهرين بس الدكتور طمني و قال ان مسألة مؤقتة و شجعني على الرضاعة الطبيعية وايد لأنها تساعد على التخفيف من انتفاخ البطن وبعد 6 شهور ممكن تسوي رياضة و تربطي بس قبلها لا تخاطرين و لا تشيلين أشياء ثقيلة و إن شاء الله ترجعين زي اول و أحسن
خواتي بالنسبه للعمليه القيصريه متى فترة الحمال بعد يعني جم المده لانه انا 3عمليات قيصريه وبنتي الحين توها بالدش على سنه
صباح الخير اي عادي يرجع نفس ماكان بس انتي سوي تمارين البطن ولبسي لحزام والي تسال لوتقدر تحمل مادري والله بس انا قالي الطبيب مايصير احمل غير ثلاث مرات بس شوفي سالي الطبيب يعرف اكثر
