عبري عن حبج للكويت ادخلي شاركينا

الي يدخل يسجلي كلمتين في حبه للكويت او قصيده مميزه للكويت

يعني اي شي يخص حب الكويت


لأن عندي مشروع وابغي كلمتين او بيت جميل يناسب كويتنا الحبيبه

لونختلف مانختلف في غلاها
أرض"ن" لنا بالخير ربي حماها
عاشت كويت العز واللي بناها
وعلى مراتبها على كل الاقطار
ياكويت ياارض الشرف والكرامة
دار الرجال اهل الوفا والشهامة
لج في مصابيح الحضارة علامة
يادارنا اللي مانبي غيرها دار
يادارنا الي مانبي غيرها دار
يـــــــــــ كـــــــــويــــــــــــت ـــــــــــــــــــــــا





يشرفني اول من يشاركج حبوبه

معقوله 8 يدحلون ومايقولون شي عن الكويت ؟؟؟!!!!!!!!!!!!

ياعلني فداهااااااااااااااااااااااااا

مافي احلى من لكويت
والله يعز ديرتنا​

( وطـــــــــن )


مو وطن .. جنة بلادي مو وطن
وأحلى وطن
منوة الأحرار وال يشتكون من الزمن
من يشابه ديرتي ؟
ديرتي .. شوف الضرير
وضحكة الطفل الغرير


من يشابه ديرتي ؟


عشنا بين أحضانج بخير وأمان
حـارسج ربي من ظـروف الـزمان
كل ما نكبر .. كبر فينا غلاج
والعمر يفداج يا كل الحنان


من يشابه ديرتي ؟


يا وطن ماله بهالدنيا شبيه
يعجز التوصيف .. ويش نقول عنه
يا وطن فيه العدل .. والخير فيه
مو وطن هذي بلاد الخير جنه


من يشابه ديرتي الكويت


===========



وطن النهار


وطني ..وطن النهار أنت النهار يا وطـني
أنت الأمـل لي هل أنت النـهار لي طل


آآآآآآه يا وطن
ياللي انولدت من جديد
أنـت محيـط الأرض
يا موج البحار وطن النهار


***
ويـاك عبرت الزمن الله شكثر يا كويت
قلبي خـفق يا كويت شلتك بيوفي وطن


***
أنت الوطن بس أنت أنت الأصل بس أنت
أنت الحيــــاة بس أنت
غصب على الآلام ترجع وطن من جديد


آآآآآآه يا وطن
ياللي انولدت من جديد
أنـت محيـط الأرض
يا موج البحار وطن النهار

==================


للكويت .. اسمى المعاني

للكويت ... اغلى التهاني

للكويت .. احلى الاغاني

للكويت .. ديرة اهلي وخلاني

====================


من الصعب جدا التعبير عن حبنا لتراب الوطن بالكلمات كما هو المستحيل بعينه أن نوفيه حقه علينا بالأفعال.....
ولو كتبنا ولو دام الفعل لأجله الى أبد الآبدين أيضا لن نصل الى معشار رد الدين له......
فالعشق حتى الثمالة والعشق حتى الجنون.....آه يا وطني....


==================


تقبلي تحياتي وحبي لهذا الوطن ,, ابنة الكويت : نواره

(( أنتي الأمل ))


فديت لك عمري فديــت
روحي ثمن حبك عطـيت
ياغالية في خافقـــــــــي
محفور أســمك يـالكويت

فتَحت عيــني بهالزمان
جيتك حويتينــــي بحنان
مايوم قصرتـــــي معاي
أومنك حســــيت بهوان

مهما حصل مهما جرى
مانرخــــص بحبك ترى
ومهما سمعنا من حكي
مانلتفت معهـــــم ورى

خيرك شـمل كل العرب
من ينكـــــره والله كذَب
غير الشكر مانرتجـــي
منهــــم ولا نحمل عتب

شعب الأصالة طيبــته
صدق المعانــي كلمته
ياكويتنا شعبك أبـــــي
مخلص بحب قيــــادته

أنتي الأمل صبح الأمل
أنتــــــي بدر ليل أكتمل
فيك المعانــــــي تبتدي
وأحلا نهايــــات الجُمل

فديت لك عمري فدــيت
روحي ثمن حبك عطيت
ياغالية في خافقــــــــي
محفور أسمك يـالكويت

أفرحي يكويت بالعيد المجيد
وأهتفي يا دار وغني بالنشيد
وأقرئي حباً كتبته بالقصيد
أكويتنا كنتي أكويتنا أنتي
حب يسري بالوريد
أنتي أفراحي وهمي
أنتي حزني أنتي ضحكي
أنتي أهلي أنتي كلي
ياعسى عمرك مديد
يا ما لحزانك بكينا
يا ما بفراحك هنينا
يا ما بك وعنك حكينا
حبك نوعه شيء فريد
أعمارنا فدوه لحياتك
وروحنا معلقه بذاتك
حلوه ويزداد حلاتك
بكل يوم وكل عيد
أدعي الرحمان يصونك
ونفتدي بروحنا أعيونك
الدنيا ما تسوى بدونك

أنتي أفراحي وهمي
أنتي حزني أنتي ضحكي
أنتي أهلي أنتي كلي
ياعسى عمرك مديد










كُـوَيْتَنـا يا مُهْجَــةً لِقُـلوبِـنــا ~~~ يا قِبْلَةَ الرُّوحِ ومَهْدَ حَيـاتِنــا

يا نَبْـضَ شَـعْبٍ وَدّ أهْـلَ زَمـانِـه ~~~ بالْحُبِّ وهْوَ النُّـورُ فى خَطَـرَاتِنا

نَحْنُ الأحِبَّـةُ عِشْـقُ قَلْـبِ أمِيرِنـا ~~~ وَهْـوَ الْمُتَيَّـمُ فى الْهَوَى بِكُوَيْتِنـا

******

يا مَـنْ بأرْضِـكِ دام فَرْحُ وجُودِنـا ~~~ نَبَت الْحَنِينُ فـى رِيـاضِ مَرَامِنـا

تَصْفُـو الْمَحَبَّـةُ فى ثَـراكِ ولِلْمَدَى ~~~ مَنْ لَم يَـراكِ لَـن يَعِى بِغَـرامِنـا

اللهُ يا نَبْـضَ الْعُـرُوبَـةِ سَــيْفُنا ~~~ وبِحَـدِّه الرُّعْـبُ لِغَـدْرِ خَصِيمِنـا

******

أنْتِ الْحَبِيبَـةُ بالْمَحْبَّـةِ تَبْحُـرِى ~~~ والْقَلْبُ يَجْـرِى فِيـه بَحْـرُ حَنانِنـا

أنْتِ الْكَرِيمَـةُ بالْفَضَائِـلِ تَمْنَحِـى ~~~ أهْـلاً وضَيْفـاً والْحِمَـى بِعَرِينِنـا

أنتِ الَّتى فى الْعُسْرِ تُهْدِى بَـهْجَـةً ~~~ تَكْسُـو النُّفُـوسَ فَنَحْتَفِى بِأمَانِنـا

******

بَلَدٌ جَبِيـنُ الْبِـرِّ فَـوْق عُيُونِهـا ~~~ تَـرْعَى رِبـاطَ اللهِ بَيْـن شُـعُوبِنـا

فَهْى الْخَلِيلَةُ بالسَّماحَـةِ تَحْتَـوِى ~~~ أهْـلَ السَّـلامِ فـى أمانِ شِـعابِنـا

تاللهِ دِيــنُ اللهِ فِيـكِ كُوَيْتَنــا ~~~ حِصْـنٌ ظَلِيلٌ صَـان رَوحَ شَبابِنـا

******

وأمِيرُنـا الإنْسـانُ فى صَفَحاتِكِ ~~~ رَمْـزُ النِّضـالِ يُفْتَـدَى بِدِمَائِنـا

وَوَلِـىُّ عَهْدِكِ بالأمَانَـةِ رَاعِيـاً ~~~ شَعْبـاً أبِيّاً كَـمْ سَـما بِلِـوائِنـا

يَرْعَاكِ رَبُّ الْكَوْنِ ما حَمَل الْحَيا ~~~ حُب َّ الْكُوَيْتِ , وَهْىَ أُ نْسُ رَجَائِنا

يا قلعتي دمتي لنا فخرا كبير

دمتي ودام القلب فيك متيمِ

ولكي علينا من الفضل الكثير

نور وعلم كل ذاك مقدمِ

قسما لو غبت عنك ولو وقت قصير

ينتابني حزن وضيق مؤلمِ

يا قلعتي إني بكِ دوما اسير

بجمال روعة كل شئ لك ينتمِ

قلعة الكويت يا صرحاًُ مثير

لم تشبه شوائب او محرمِ

بقول الله نمشي بأحكام القدير

بكل ما سنه الرسول لِمسلمِ

اعضائُها دوماً لها خير النصير

والله نعماً بهم ، والكل محترمِ

بالخير دوما يارؤوس العز والكرمِ

اتحفتمونا بأقلام منقطعات النضير

إن الحكيم حكيم العقل والقلمِ

الكويت شنهى الكويت ...اهى الحضن الدافى اهى القلب الحنون اهى الام اللى خايفه على اعيالها اهى الشمعه اللى تنور دروبنا اهى الورده اللى نعيش بعبيرها اهى الجنه اللى فى الدنيا اللى ما لها مثيل شقول و اتكلم عن حبى الكبير حبى لديرتى اللى والله ثم والله ماكو ديره مثلها فى الكون كله عزتنا و رزتنا والكل حاسدنا على ديرتنا .......اطلب من رب العالميين عسى الله يحفظها و يديم عليها نعمة الامن و الامان ويحفظها من شر الحاسدين و الحاقدين عاشت لنا الكويت وعاشوا شيوخنا تاج على راسنا و الله يحفظها

عذروب لكويت خيرها الفتان يازين لكويت ومحلى عذروبها
يرعاها ربي هو عظيم الشان من كل مكروه دنا صوبها

ماشالله ماشالله ما قصروا بنات المنتدى
بصراحه انا اعجز اني اعبر مثلهم بس اللي متأكده منه اني اموت بتراب الكويت
ويعطيكم العافيه كلكم

انا كلي لج وفا كلي لج حنان
انتي عطيتيني كل اللي تقدرين عليه وما بخلتي علينا بشي وبديت الكل على عيال ديرتج
عطيتينا الامان والحريه اللي الكل قام يشارك بالسياسه وينادى باعلى صوته من غير خوف
لان الامان سايد عندنا
كفلتي لنا كل الحقوق وحتى ادق التفاصيل بدستور الكويت
ووقت الغزو
شفتي شكثر عيالج يحبونج شكثر دافعو وماتو شهداء

اااااااااخ ........ ياكويت والله احبج
اكتب لج وانا دموعي تتساقط من عيني مثل الشلال
وبنفس الوقت انا فرحانه
لان ماكو مثلج بهدنيا
الله يعوف كل مواطن كويتي ما يحب وطنه
والحب مو بس كلمه تنقال
لا والله
بل قول وفعل
والله اعلم اني كل يوم احمد ربي على هديره وهنعمه اللي احنا فيها
والله يحفظج
وما ننسى احياء ذكرى الحب والغلا الكويت (بهلا فبراير) يوم تحريرج​

العيد فيج يالغاليه فرحان ومتزين
ماهو يزينج انت تزينينه ما يعيدج انت تعيدينه
احبج واحب ترابج فديتج وفديت اهلج ....
حضرها وبدوها ... اللي يحبونها عسى ربي يحبهم
واللي يكرهونها عسى ربي ما يهنيهم بدقيقه مايخليهم من الحزن والنكد ...
فديتج ياديرتي
نحبج لانج الكويت واللي يزيدج غلا وتميز الصباح حكامج ربي ما يخلينا منهم ولا منج

انا سعوديه بس حبيت اشارك في هذا الموضوع لاني احب الكويت واهلها


تاهت حُروفي و ضاعت سطوري و المعاني في وصفج اتبعثرتْ ..
جيـت أبكتب عن حياتي عن عيوني لكنْ طيوفج على عقلي
استحوذت ,,لقيتْ القلمـ عاجز ينثر تعابيره و القلبْ محتار
كيف يبوح بأساريرهـ ’،



دامها " تاج الجميع " , الكويت تملك الرائع و البديع .. !
انشِدوني عن حالي دونها ؟
مرُّ و أسى , و الشوق عذب عيوني و اسهرت ,,
! كنت بالغُربة أعاني .، البعاد و الفراق و فوق هذا كلّه الإشتياق ..


آآه يا يمّا الكويت .. آآه يا نبض القلوبــْ
كنهم نزعوا منّي كياني , كنهم خذوا منّي هواي ..



ترابج أعشقه و آموتِ فيه , و بحرجْ لي معه قصّة غرام ,, !
الأرض تشهد , و السما و الشمس و ذاك الغيم : جنّة يا بلادي جنّة
و بحور الشعر في وصفْ حبّج اعجزت ..



رجعتْ لحضنج و قلبي يرفرف فوق فووق من السعادة ,
رجعت و كلّي وله للوطن و البيت ,,
لا تستغربوا لي بكتْ عيني من الفرحْ .. هاذي أمي , هذي روحي ,
هذي ديرتي الكويت .. !


ur comments here

الله يحفظها من كل مكروه

عسى الله يعزها ويحميها من كل مكروه يارب


احببببببببببببببببببببببببببج يا كووووووووووووووووويت

هذي الكويت صل على النبي

اللهم احفظها من كل مكروه آمين

((الكويت هي غايتي ودنيتي))

الكويت ديرتي وزماني الكويت عشت فيها احلى ايامي
انا احب دولتي الكويت لا تعبت فيها ولا شقيت
اهيا روحي وحياتي اهيا الحب الي في داخلي
والله احبج يا الكويت واح افتخر حتى لو في البيت
وحبج صار فيني في كل صوب يمين يسار تحت وفوق
وسلامتكم ؛؛؛