قوه بنات انا ساكنه ابيت اهل زوجي وعلاقتي نعاهم زينه الحمدلله وخالتي وحمواتي يحبوني وانا اموت عليهم . بس في سالفه صارت اليوم وايد تضايقت منها ومادري شسوي . بنات انا حماتي الصغيره رفيجتي واغلب روحاتنا ويياتنا مع بعض .. بس يتلها فتره انقطعت عني والسبب بنت خالي .. المهم السالفه ان حماتي دقت علي امس وقالتلي تعالي باجر معانا انا وفلانه اللي اهي بنت خالي .. بنطلع نتغدى برا .. انا كنت اول متردده لان بنت خالي دايما تطلع من ورا اهلها وما وراها الا المشاكل وانا مابي يكون لي علاقه باي مشاكل لها . بس حماتي اصرت لين وافقت .. قلت امري لله خل اتحمل هالمره . صار ثاني يوم ومرتنا بنت خالي وطلعنا .. بس رحنا مكان وايد بعيد وانا ما احب جذي خصوصا ان اهلها ما يدرون لو لا سمح الله ابوها او اي احد شافنا راح ننحط بموقف كلش مو حلو . حماتي طبعا ما كانت تبي امها بعد تعرف ان احنا رايحين هالمكان .. حسيت نفسي ضايعه بالطوشه ومتوهقه بينهم . طبعا عقب ما تغدينا قلت حق حماتي بسرعه ردوني البيت قالو ليش كملي معانا بنروح نتمشى قلت لا ردوني . يوم ردوني دشيت الصاله قعدت مع خالتي وحمواتي الكبار .. ومع السوالف جان فجأه خالتي تسألني وين رحتو .. انا حدي تدودهت .. ما اعرف اجذب بالهمواقف احس نفسي غبيه .. قمت من التوهق قلت لها رحنا مطعم هندي بالبدع .. عقبها فكرت قلت بسرعه خل ادق على حماتي اقولها اني قلت حق خالتي جذي .. اطالع تلفوني ولا مغلق ماكو شحن والمصيبه ان ما عندي تلفون بشقتي و تلفون البيت يم خالتي .. يعني مستحيل اتكلم جدامها . اضطريت اصعد فوق علشان احط تلفوني بسرعه عالشحن .. نطرت شوي لي فتح ودقيت على حماتي .. ولا المصيييييييييييييييييييييييييييييييبه .. اني لمن صعدت اهي دشت عليهم .. ولمن سألتها خالتي وين رحتو .. قالت لها رحنا ابل بيز !!!!!!!!! :mskket: امبيه امبيه امبيه بنات !! احس الحين طحت من عينها .. قلت حق حماتي انا توهقت وحاولت اكلمج بس ما مداني .. قالتلي ليش تسوين جذي .. قلت لها مو قصدي انا ما اعرف اتصرف بالمواقف ولا اعرف اجذب اصلا حسيت ان خالتي مو مصدقتني .. قلت حق حماتي سامحيني بس انا لازم اقول الصج حق خالتي ولا صج اطيح من عينها .. قالتلي لا لا تقولين جذي ماراح تخليني اطلع مع فلانه وتحط عليها اكس !! انزين وانا !! شنو ذنبي اتوهق بشي جذي .. اففف احس نفسي غبيه .. بس اخر مره اطلع فيها معاهم لاني ما احب طلعات الخشاشي .. بنات قولولي شورو علي شسوي .. وااااااااااايد متضايقه .. انا احب خالتي وما ابي اخسرها .. وهم حماتي رفيجتي واذا قلت حق خالتي اكيد حماتي راح تزعل مني وما تحاجيني ... بلييييييييييييز هيلب
أختي حبل الجذب قصير مافيه أحسن من الصج واجهي خالتج وقوليلها الصج وحماتج كيفها خليها تزعل إهي حطتج بالهموقف
حبيبتي اول شي انت متزوجة وحاولي تخلين حياتج لريلج وبيتج المهم روحي حق خالتج وقعدي ابروحج معاها بهدوء وقوليلها الصج وحلفيها انها ماتبين ان انت ورا الموضوع وحطيلها الاسباب عزيزيتي لاتسترين علي الغلط ولو اهم يعرفون ان مافي غلط جان ماخشو علي اهاليهم-وصدقي بتفيدين الاثنين في هالتصرف-تخيلي بمكان خالتج ترضين بنتج تجذب عليج وفي يوم انشاااالة بتصيرين ام
صدقيني مالج الا الصج .. قعدي معاها بروحكم وقولي الصج وتأسفي وراضيها حتى لو تزعل يوم ويومين بس بترد مثل ماكانت المهم انج تريحين ضميرج وأي طلعه خشاشي لاتروحين والصراحه أنا أول مره أشوف طلعه خشاشي ليش أكيد في شي مو عدل .. نصيحه أبعد عن الشر وغنيله .. تعذري منهم وصدقيني أي شي خشاشي ما وراه خير ..
انا اقول لا تتكلمين بالموضوع مع احد وصيري عادي مع خالتك وبنتها واذا جاء طاري للموضوع وخالتك قالت انو انتي كذبتي عليها او ماقلتي لها عن بنتها قولي الصدق وانك ماتوقعتي انو حماتك تكذب على امها وحماتك تزعل يوم او شهر كيفها هي اللي جابته لنفسها....المهم انتي ولا تحطين نفسك بمواقف مثل هذي مره ثانيه وانتبهي على حماتك ونبهيها ولاتتركينها بعد لأنو زي ماقلتي هي صديقتك وانتي تحبينها
قووووووووووولي الصج والي يملي عليه ضميرج كوني راح تكونين مرتاحه حتي لو غيرج مو مرياح صدقيني ريحي نفسج قولي الصج
بصراحه انا رائي من رائي الليدي جوجو مشي السالفه عادي لو جات سيرت الموضوع بينك انك غلطي والانسان يغلط ولا تحطي نفسك بمشاكل بين اهل زوجك لان في الاخير بتطلعي انتي الغلطانه واي طلعه ثاني مره لا تطلعي الالو كانت في النور او حطي اي شي على زوجك انه موراضي وخلصي نفسك او قوليهم انك مشغوله ونصيحه اهل الزوج مهما كانو طيبين لا زم تكوني حذره في التعامل معاهم والله يسعدك ويوفقك
حبيبتي قولي حق خالتج الصج ترا محد بينفعج وطلعات البنات انا ادرى فيها والله ماتنفع الواحد باجر الحجي كلا ينقلب ضدج وكل وحده تبي مصلحتها وانتي اهم شي داري ريلج وخالتج وماعليج من احد ,,, تقبلي مروري ...
ههههه السالفه ماتترقع الله يعينج بس اناا اقول قعدي مع خالتج وقولي لها بينج وبينها ولاتعصب وتبيين السالفه حق بنتها وخل الامور تمشي طبيعيه
