احس اني كارهه زوجي لا اكشخ له ولا ارتب شكلي ومهتمله بالبيت لاخر درجه حتى يقول ودي اشوفج كاشخه وحاطه مكياج ووقميص صارت امنيته مسكين انا زوجي ردي حيل حيل بس مضطره اعيش عنده وكارهته ومحتقرته لاخر درجه بس ماقدر اتطلق بالنسبه لبيت ابوي يعتبر احسن شسوي وشلون اتاقلم وشلون اجاممله واقدر امشي الحياه معاه ولا لازم احبه انا داخلي اعترف اني احبه زمان وكنت احبهه حيل بس تراكمت ومشاكل ومواقفه السلبيه معاى ووقوفه مع اهله ضدي بكثير من المواقف وخيانته لي ساهمت بكرهي له ساعدوني احس راح افقد عقلي محتاجته وبنفس الوقت كاارهته وعايفته وحتى فراش ماعطيه لان اصلا نومته ماتريحني وقبل كنت اتحمل امكانياته الظئيله بالفراش عشان احبه اللحين استخسر فيه سبوح الجنابه حتى تخيلو قرفااااااااااااااااااانه حياتي
هلا وغلا فيج بين خواتج واللي الكل فيهم ودها تقدم الحل .. اولا انتي ماتبين تتطلقين وتبين العيشه ويااه فلاازم تسوين عده اشيااء .. اولاا .. لازم لازم لازم تغيرين من نفسج واهمالج بنفسج وبيتج مو عشانه لأ والف لأ عشاان راحتج النفسيه عشان انتي تتغيرين وبالتالي مليوون بالميه هو راح يتغير الوحده مننا لازم تحاول تكسب زوجها وعندج اكثر من طريقه اول شي تغيري عشان نفسج راح تشوفينه يتغير من ناحيتج عيشي لنفسج واستانسي ولايهمج .. وحقه الشرعي انتي معاقبه عليه عند رب العالمين ونفسيا هم لاتقولين انتي مستخسره السبوح فيه صدقيني الرجال اهم شي عندهم هالنقطه لازم يحس بالرااحه ويااج لازم تشوفين شنو اللي فيج غلط وتحاولين تغيرينه لاتقولين انا كامله مافي احد كامل غير الله سبحااانه ومو شرط الجمال والجسم اهم شي لأ مو شي مهم هذيلا هذيلا مكمل وياما مزايين واجسامهم مليكان انخانو وتزوجو عليهم السبب شنو ؟؟؟؟؟؟؟؟ السبب موريحينهم من نواحي ثانيه .. شوفي بنات ابليس لو تلاحظين موحلوات ولا اجسامهم حلووه بس يعرفوون شلون سحبون الرجاال بدلهم وطرقهم العجيبه .. وغير هذا تقولين يوقف ويا اهله ضدج انتي لاتاخذينها زعله وادري هي تزعل وتضايق بس اخذها من ناحية اللي مافيه خير بأهله مافيه خير فيني .. نصيحتي لج يااختي انج تهتمين بنفسج ومن فتره لي فتره تسوين سهره بيتج البخور والعطورات ماتخلا منه يقولون طريق الرجل لقلبه معدته انا اقول لأ عينه وخشمه اذا شاف منج مايسره وشم الريحه الحلووه فالبيت وفيج صدقيني راح يتغيره اما تهملين بنفسج وتكرهينه وانتي ماتبين الطلاق جذي مستحيل يتغير وراااح يزيـــــــــــد باللي يسوويه اكثر واكثر .. غيري بنفسج بالتدريج شوي شوي وبالرااحه لاتفكرين عشاانه فكري عشان انتي ترتاحين نفسيا صدقيني والله راح يتغير معاج اذا شاف منج الاهتمام .. اما اذا شااف الاهمال ماراح يتغير ابد .. ولاتقولين مايهمني هذا زوجج لازم يهمج ولازم تغارين عليه وتبينين له الغيره بس مو بالفتره هذي بعد ماتغير من نفسج وتهتمين بنفسج وببيتج وترتاحين نفسياا وبعدها اهتمي فيه وابدي بغيرتج وحاولي تكسبينه ترااه زوجج لو شنو كانت عيووبه وجنتج ونارج لو شنو كان ..ط والله يهديه لج ويسخره لج ويهدي باالج ويريحج واتمنى اني فدتج وان شاء الله البنات مايقصروون ..
اختي انا واصله مرحله من الياس ماحف شيره وجسمي مشعر تخيلي ولا اسوي بديكير ومنيكير مع اني قبل انهبل لي شفت شعره وحده بجسمي بس اللحين صايره وصخه انا موطبعي جذي صج ان زوجي حقير وسوى فيني مواقف مانساها بس انا احس اني موطبيعيه وكارهته بشكل موطبيعي اووفر تخيلي طالعه من النفاس ماغيرت بشكلي ولا شي مادري شنو هذا خواتي يقولون لي انتي فيج اكتئاب نفاس روحي طبيب نفسي انا اقرا قران واسمع قران ويوميا اقرا الاذكار بس اللي يصير لي شي موطبيعي والله ابجي يوميا تخيلي انام واقعد بنفس البجامه لو 3 ايام مايهمني صار عادي عندي انا قبل 24 ساعه بخور وعطور ومكياج ولبس تخيلي حماي يقول ادري انها جايه شقتها من ريحة بخورها انا احس اني محسوده شلون اتعالج وين اروح احس بستجن بنهبل وبفقد عقلي من التفكير وكل يوم بس ابي اتهاوش معاه وبس اقعد جدامه واذكره تذكر يوم تسوي لي جذي وتذكر موقفك الردي يوم الفلاني احس اني سخيفه واطرد الماضي شنو وضعي باللضبط
السلام اختي انا اعرف وحدة تشبه وضعك بالضبط وعايشة اصلا صارت تكشخ زيادة واهتمت بجسمها تقول علشان لو يفكر يتزوج الناس مايقولون منها وصار يقول انا مااستاهلج انتي احسن مني واجمل مني وصدقيني انتي يمكن عين ويمكن صدمة نفسية لان اصعب ماعلى الحرمة ان زوجها يخونها بس اذا فكرتي بالماضي ماراح تعيشين انتي لازم تغيرين شكلك ومعاملتك لة وانصحك ب 1 الالتزام بالاذكار يوميا قول ""لااله الا الله وحدة لاشريك له له الملك وله الحمد وهو على كل شئ قدير "" 100 مرة تكون لكي حرز من الشيطان 2قراءة سورة البقرة لان الرسول قال اخذها بركة وتركها حسرة وواجد ناس تغيرت حياتهم بسسب الالتزام بسورة البقرة 3 قراءة ايات الحسد يوميا وَدّ كَثِيرٌ مّنْ أَهْلِ الْكِتَابِ لَوْ يَرُدّونَكُم مِنْ بَعْدِ إِيمَانِكُمْ كُفّاراً حَسَداً مّنْ عِنْدِ أَنْفُسِهِمْ مّن بَعْدِ مَا تَبَيّنَ لَهُمُ الْحَقّ فَاعْفُواْ وَاصْفَحُواْ حَتّىَ يَأْتِيَ اللّهُ بِأَمْرِهِ إِنّ اللّهَ عَلَىَ كُلّ شَيْءٍ قَدِيرٌ [البقرة :109] أَمْ يَحْسُدُونَ النّاسَ عَلَىَ مَآ آتَاهُمُ اللّهُ مِن فَضْلِهِ فَقَدْ آتَيْنَآ آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مّلْكاً عَظِيماً[النساء:54] "وَقَالَ يَا بَنِيَّ لاَ تَدْخُلُواْ مِن بَابٍ وَاحِدٍ وَادْخُلُواْ مِنْ أَبْوَابٍ مُّتَفَرِّقَةٍ وَمَا أُغْنِي عَنكُم مِّنَ اللّهِ مِن شَيْءٍ إِنِ الْحُكْمُ إِلاَّ لِلّهِ عَلَيْهِ تَوَكَّلْتُ وَعَلَيْهِ فَلْيَتَوَكَّلِ الْمُتَوَكِّلُونَ " [يوسف:67] وَلَوْلآ إِذْ دَخَلْتَ جَنّتَكَ قُلْتَ مَا شَآءَ اللّهُ لاَ قُوّةَ إِلاّ بِاللّهِ إِن تَرَنِ أَنَاْ أَقَلّ مِنكَ مَالاً وَوَلَداً " [الكهف:39] بسم الله الرحمن الرحيم تَبَارَكَ الّذِي بِيَدِهِ الْمُلْكُ وَهُوَ عَلَىَ كُلّ شَيْءٍ قَدِيرٌ * الّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيّكُمْ أَحْسَنُ عَمَلاً وَهُوَ الْعَزِيزُ الْغَفُورُ * الّذِي خَلَقَ سَبْعَ سَمَاوَاتٍ طِبَاقاً مّا تَرَىَ فِي خَلْقِ الرّحْمَنِ مِن تَفَاوُتِ فَارْجِعِ الْبَصَرَ هَلْ تَرَىَ مِن فُطُورٍ * ثُمّ ارجِعِ البَصَرَ كَرّتَيْنِ يَنْقَلِبْ إِلَيْكَ البَصَرُ خَاسِئاً وَهُوَ حَسِيرٌ " " وَإِن يَكَادُ الّذِينَ كَفَرُواْ لَيُزْلِقُونَكَ بِأَبْصَارِهِمْ لَمّا سَمِعُواْ الذّكْرَ وَيَقُولُونَ إِنّهُ لَمَجْنُونٌ " [القلم:51] " قَاتِلُوهُمْ يُعَذّبْهُمُ اللّهُ بِأَيْدِيكُمْ وَيُخْزِهِمْ وَيَنْصُرْكُمْ عَلَيْهِمْ وَيَشْفِ صُدُورَ قَوْمٍ مّؤْمِنِينَ * وَيُذْهِبْ غَيْظَ قُلُوبِهِمْ وَيَتُوبُ اللّهُ عَلَىَ مَن يَشَآءُ وَاللّهُ عَلِيمٌ حَكِيمٌ "[التوبة:14-15] " يَأَيّهَا النّاسُ قَدْ جَآءَتْكُمْ مّوْعِظَةٌ مّن رّبّكُمْ وَشِفَآءٌ لّمَا فِي الصّدُورِ وَهُدًى وَرَحْمَةٌ لّلْمُؤْمِنِينَ " [يونس:57] " وَأَوْحَىَ رَبّكَ إِلَىَ النّحْلِ أَنِ اتّخِذِي مِنَ الْجِبَالِ بُيُوتاً وَمِنَ الشّجَرِ وَمِمّا يَعْرِشُونَ * ثُمّ كُلِي مِن كُلّ الثّمَرَاتِ فَاسْلُكِي سُبُلَ رَبّكِ ذُلُلاً يَخْرُجُ مِن بُطُونِهَا شَرَابٌ مّخْتَلِفٌ أَلْوَانُهُ فِيهِ شِفَآءٌ لِلنّاسِ إِنّ فِي ذَلِكَ لاَيَةً لّقَوْمٍ يَتَفَكّرُونَ " [النحل: 68-69] " وَنُنَزّلُ مِنَ الْقُرْآنِ مَا هُوَ شِفَآءٌ وَرَحْمَةٌ لّلْمُؤْمِنِينَ وَلاَ يَزِيدُ الظّالِمِينَ إَلاّ خَسَار " [الإسراء: 82] " وَإِذَا مَرِضْتُ فَهُوَ يَشْفِينِ " [الشعراء:80] " وَلَوْ جَعَلْنَاهُ قُرْآناً أعْجَمِيّاً لّقَالُواْ لَوْلاَ فُصّلَتْ آيَاتُهُ ءَاعْجَمِيّ وَعَرَبِيّ قُلْ هُوَ لِلّذِينَ آمَنُواْ هُدًى وَشِفَآءٌ وَالّذِينَ لاَ يُؤْمِنُونَ فِيَ آذَانِهِمْ وَقْرٌ وَهُوَ عَلَيْهِمْ عَمًى أُوْلَئِكَ يُنَادَوْنَ مِن مّكَانٍ بَعِيدٍ " [فصلت :44] " قُلْ هُوَ اللّهُ أَحَدٌ * اللّهُ الصّمَدُ * لَمْ يَلِدْ وَلَمْ يُولَدْ * وَلَمْ يَكُنْ لّهُ كُفُواً أَحَدٌ " " قُلْ أَعُوذُ بِرَبّ الْفَلَقِ * مِن شَرّ مَا خَلَقَ * وَمِن شَرّ غَاسِقٍ إِذَا وَقَبَ * وَمِن شَرّ النّفّاثَاتِ فِي الْعُقَدِ * وَمِن شَرّ حَاسِدٍ إِذَا حَسَدَ " " قُلْ أَعُوذُ بِرَبّ النّاسِ * مَلِكِ النّاسِ * إِلَهِ النّاسِ * مِن شَرّ الْوَسْوَاسِ الْخَنّاسِ * الّذِى يُوَسْوِسُ فِي صُدُورِ النّاسِ* مِنَ الْجِنّةِ وَالنّاسِ " اللهم إني عبدك، وابن عبدك، وابن أمتك، ناصيتي في يدك، ماض في حكمك، عدل في قضاؤك، أسالك بكل اسم هو لك سميت به نفسك، أو أنزلته في كتابك، أو علمته أحدا من خلقك ، أو استأثرت به في علم الغيب عندك، أن تجعل القرآن العظيم ربيع قلبي ، ونور بصري، وذهاب همي، وجلاء حزني. اللهم ذا السلطان العظيم والمن القديم ذا الوجه الكريم ولي الكلمات التامات والدعوات المستجابات عافني وعاف المسلمين من أنفس الجن وأعين الإنس يارب العالمين . اللهم اصرف عني حر العين ، وبرد العين ، ووصب العين . أعوذ بكلمات الله التامة من كل شيطان وهامة ومن كل عين لامه. اللهم رب الناس أذهب البأس ، واشف أنت الشافي ، لا شفاء إلا شفاؤك شفاء لا يغادر سقما . بسم الله أرقي نفسي ، من كل شيء يؤذيني ، من شر كل نفس أو عين حاسد الله يشفيني ، بسم الله أرقي نفسي . تقرأ آيات الرقية العامة أولا مباشرة على المصاب ثم : تقرأ الرقية على المصاب مباشرة ،. وينبغي على المصاب بالحسد أن يداوم على قراءة هذه الرقية حتى يزول البلاء بإذن الله تعالى . وتوكلي على الله انتي عندج عيال ادعي ان الله يصلحهم ويعوضك فيهم خير وموفقة خير
والله يااختي العين حق بس انا اقول الظروف الشنيعه اللي مريتي فيها موسهله وموسهله وايد والاصح ان المشاكل وايد اثرت علي حياتج الزوجيه الخيانه بحد ذاتها مصيبه الله ياجرج مالج الا ربج هو كفيلج ان يفرجها عليج
أختي من جد وصلتي لمرحلة صعبة لدرجة فقدتي الثقة بنفسك ليش كذا،يعني كل هذا بسبب زوجك او بسبب اشياء متراكمة على قولتك شوفي ياقلبي لا تحطي اللوم على زوجك او على اهله او على اي احد حطيه على نفسك انتي اللي وصلتي نفسك للمرحلة هاذي انتي اللي رضيتي بهالحالة وماحاولتي تغيرين هالوضع،وتطلعين نفسك من هالكآبة اللي عايشة فيها حتى لو ايش ما سوا زوجك هذا مو معانته تهملي نفسك،وتدفني روحك بالحياة هذا مو معناته تفقدي احساسك بالدنيا ،وتعيشي بلا غاية انا ماراح اتكلم عن مشكلتك مع زوجك واهله لا انا راح اتكلم عنك لأن الحل اللي بيقدر يغير المشكلة بشكل جذري هو انتي واذا انتي فعلاً تبغين الحل فكري بكلامي زين وتاكدي حتى لو اهملتي نفسك وانغلقتي فهذا ماراح يظر ولا رآح يأثر على أحد غيرك واحنا ماراح نقدر نساعدك بشي مهما تكلمنا ومهماً قلنا إلا اذا كان عندك رغبة بالتغيير فلو كانت عند رغبة صادقة واصرار على التغيير هنا اقدر اقولك اننا بنساعدك ونوقف بجنبك لين ما نطلعك من الحالة هاذي
اختي لاحظت من كلامج ان اللي صار لج الحين اصلا تراكمات من الماضي مع ريلج حبيبتي .. حاولي تعيشين يومج معاه ابدي شوي شوي الاعتراف بالغلط حلو .. ومجرد اعترافج الحين انج مقصره و فيج شي غلط هذا معناته بداية الحل حبيبتي روحي الصالون و حفي و سوي بدكير منكير .. مو حق ريلج .. لا ابدي بالتغيير لكن لنفسج انتي اولا ... وشوي شوي راح تشوفين نفسيتج تغيرت تعدلي حق روحج .. خلي ريلج الحين .. فكري بصورتج انها تكون حلوه و انج تكونين راضيه عن شكلج هذا اولا وداومي عالصلاه و القرآن .. و شوي شوي صدقيني بتتغيرين
شوفي حبيبتي اللى صار لج صارلي من خيانات زوج ومواقف مع الاهل بس الي بقوله لج انج تقاومين هذي الظروف يعني البسي رتبي البيت اهتمي بزوجج عيشي حياتج طبيعي ولاتخلين وساوس الشيطان براسج اذا الزوج يبيج ليش تطلبين الطلاق والزواج ياله بعد 5او 6 سنوات تعرفون بعض وتفهمون بعض وكثري من الاستغفار وافيمي الليل واقري الاذكار راح تتعبين وتعذبين فنصيحتي لج هذا زووجج محد نافعج اذاتطلقتي من غير شر والله تحسفين اذا زوجج خانج عادي طوفي يكبر ويثقل بس اهم شي انه مايسكر ماياكل مخدرات الحمدلله نعمه من الله والله في حريم يجون زوجاتهم واهم سكرى يعني مصيبه مع هذا تسكت عشان العيال وشكرا اتمنى اني اكون ساعدتج
اولا الله يعينج يا قلبي ويريح بالج يارب اللي تمرين فيه مو شويه بس يا قلبي محد فينا خالي من البلاوي والمشاكل اذا ع الخيانه انا مريت فيها وحاسه فيج يا قلبي بس تدرين شنو سويت صرت للأحسن كنت ما اكشخ الحين تعالي شوفيني ما ينقصني شي مو عشان كلام الناس يقولون ولا ما يقولون بس عشان اذا شفت خيانه للمره الثانيه يكون عندي سلاح اني مو مقصره معاه بشي وترى الانسان يا قلبي مو معصوم من الخطأ بس الغلط انه يرجع يكرر نفس الغلط يمكن انتي حايشتج عين ويمكن لا مجرد وسواس اتعوذي من بليس وتوضي وصلي صلاة الفجر وانتي اتكلمين ربج وادعي من الله ان ربي يهديه ويسخر قلبه لج ويحنن قلبج عليه واقري كل يوم سورة البقره لو في اي شي صدقيني يروح عنج اقريها اذا ما تقدرين مره وحده اقريها بأجزاء الصبح جزء والعصر جزء وبالليل جزء وانشالله ربي يهدي سركم وترى اذا اهتميتي بشكلج مو بس له اهوه حقج انتي بعد تتغير نفسيتج ودايما رقي نفسج والله يهديه لج ويهديج له يارب
(((الإستغفار يرد البلاء )))من بعد كلام خواتي ما أقدر أضيف إلا شي واحد اللي اهو كل شي بيد الله سبحانه وتعالي ثم بيدك إختي لازم تجزمين ع التغيير ترا الحياة الله ما خلقها عبث وإذا فهمتيها عدل وربي ما تستاهل ثانيه نزعل او نتكدر عيشي حياتك كأنثى وكأم وكزوجة
سامحي واحتسبي الاجر عند الله طاعتك و ارضائك لزوجك عباده تقربك الى الله هذه المعامله و هذا الشعور نحو زوجك اثم
لاتستعجلي ولا تفكررري بشي اسمه طلااق نهائيااا اكثرررررري من الاستغفااار والذكرررر وحاولي تبتدي من جديد مو فـكل شي بس حاولي وان شااالله ربي يفرج همك ويبدل احوالكم من احسن الى احسن
يا اختي ام سعود انتي محتاجه الحنان اللي فاقدته من كل اللي حواليج... انا حاسه فيج محتاجه لاحد يضمج ويمسح عليج انتي تعبانه نفسيا واعتقد سبب تعبك رجعتك لبيتك من بعد النفاس وانك مستخسره فيه كل شي لانك كارهته وما تحبينه من قسوته عليك""""" ادري في رياييل جدي طبعهم الحقد والقشر والتسلط والامبالات وتحسين مافي قلبهم رحمه // هدا اللي انتي مو قادره توصلين له بالكلام// نصيحه لك من كل قلبي انتي محتاجه لصداقات جديده وفيها ثقه عشان تنسيك همك !!!!! العلاج غيري مافي داخلك تقدرين تغيرينه هو بعد واكيد راح يلاحظ الفرق بين الماضي والحين وراح يفكر صح وماابي اطول اكثر من جدي انتي فاهمتني والله يهديه لج انشاء الله
