السلام عليكم شلونكم حبيباتي عندي مشكله كبيره بنظري بس امي تقول عاااااادي:sad_smile: آنا الحين عمري 18 سنه ومااعرف اسوي اي شي من الواجبات المنزليه من طبخ وغسيل ملابس وتنظيف إلخ إلخ...... بداية المشكله أنا وحيدة الماما والبابا ومدلعيني حده لدرجة إني ما أسوي اي شي بالبيت وما أعرف ولما قلت لأمي علميني قالت ماله داعي إذا تزوجتي إنشالله يجيبلج زوجج خدامه تشتغل عنج بس آنا مومقتنعه بهالفكره أبي آنا أسوي شغلي بيدي بليز ساااااعدوني يعني علموني:teeth_smile: شلون اطبخ الأكلات الرئيسيه عيش ودجاج وسمج ولحم والمرقوق والجريش والمجبوس إلى آخره وبعد غسيل الملابس شلون أغسلهم؟؟؟؟ والتنظيييييف يااااااااااااااااااااااااااااا اااربي أحس إني ثقلت عليكم بس انتو مثل خواتي الله يسامح أهلي دلعوني وتوهقت
وعليكم السلام والرحمه اول شي الله يخليك لأهلك ويحفظهم بالنسبه حق الطبخ سهل مرره شوفي قسم مائدتك وكل شي مشروح والطريقه والمقادير اما غسيل الملابس يبيلك كورس لووول لأن عفسه ابيض بروح والملون بروح واذا عرفتي قولي لي معك والله كان ودي افيدك بالغسيل بس ان شاءالله البنات ماراح يقصرون بس الطبخ القسم مترووس طبخات كل يوم طبقي طبخه
ماشاء الله عليج 18 سنه وهذا تفكيرج لا مبين بتصيرين ست بيت معتبره لا تخافين علي نفسج وعندج المواقع يعلمونج خطوه بخطوه وبعد شرايج اتطقين صحبه ويا خداماتكم تسولفين معاهم وشوي شوي تتعلمين منهم وتساعدينهم ولج الاجر
حبيبتي لي تزوجتي تتعلمين .. شلج بعوار الراس من الحين خلج مدلله فبيت اهلج وايد ابرك.. مردج للتعب وشغل البيت والغسيل والتنظيف وماراح تخلصين .. هههههههههههههههه
شاكره مروركم ونصايحكم حبيباتي إنشالله بسوي نفس ماقالتي أختي " فراشه فوشيه , تكانه" حلومه حبيبتي لازم نتعلم مايصير أنا قصدي إن لما اتزوج اسوي لريلي كل شي وتكون عندي خبره يعني ماأتفشل جدامه
حبيبتي انتي نفسي انا الحين توني انخطبت هم ما اعرف شي بس اكيد راح اتعلم وانتي انشاء بس تنخطبين راح تتعلمين كل شي بوقته حلو لا تفكرين من الحين كلنا بهواء سواء :smile:
انا بصراحه ما لي شغل بعوار الراس والطباخ والنفاخ والتنظيف.......و........و.......و... حتى ما لي خلق اتعلم ساغات اقول ابي اتعلم لأن بصراحه من كثر ما امي تخاف علينا من النار ما اعرف للحين حق الجبريت وقمت انا بعد اخاف منه يعني انا نفسج!! بس الفرق انتي تبين تعلمين وانا لا ما ودي للأسف .............. ما اقدر افيدج
لووووووووووووووول حبوبه ... انتي الحين بنوته مو متزوجه ماعندج شي ... باجر لي تزوجتي بتلوع جبدج من الشغل الللليييييييييي ما يخلص ... لوووول انا كنت نفسج ماعرف شي من تزوجت عرفت شلون اغسل ملابس وووااايد ملابس اختربوا صاروا يلوعون الجبد لوووول بس الحين ... تدلعي وخذي راحتج ... لاحقه حبيبتي على كل هالسوالف لوووول
عفيه عليج والله انج سنعه ومثل ماقالولج البنااات شوووفي الطبخ اللي بالتلفزيون وانشاءالله بتتعلمين والله يوفقج ياقلبي
اسمعي يا صديقتي:ما طلبتيه جدا عادي لكنه يحتاج الى الممارسه العمليه.وهو امر سهل ينتهي بقليل من التدريب والمتابعه حتى لو من الخدامه.ولكن لما امك تقول لكي ان هذه الاشياء تخص الخدم وحدهم فالخدم ليس وحدهم من يستطيعون تاكيلنا , واذا ما فكر الخدم مرة في عدم صنع الطعام لنا وفق راي والدتك فسوف يقتلنا الجوع او تجف بطوننا من الامل وسيل اللعاب؟؟؟؟؟؟؟؟؟؟
عادي حبيبتي كلنا كنا مانعرف بشغل البيت والأيام مرت كل يوم نتعلم شي لحد ما صرنا ربات بيوت وعموما ما راح تصيرين اوكي الا بالممارسة
ههههههههههههههههههههههههههههههههههههههههههه فديت قلبج والله اقول ماتبادلين بالادوار ههههههه ياقلبي عسى ربي يعطيج على قد نيتج ويكبر حظج شوي شوي راح تعلمين دشي اقسام الطبخ و واشتري كتاب كيف تحافظين على زوج المستقبل خخخخخخ لا اتغشمر معاج بس شي طيب بنت بعمرك وتفكر هالتفكيرر عسى ربي ينولك اللي في بالك بس النت كل شي متوفر فيه دشي وشوفي وطبقيه بالبيت يعني يوم سوي لاهلك كيكه - سلطه يوم رتبي البيت - تعلمي شلون تغسلين الملابس اهم شي لان انا تعلمت كل شي الا غسيل الملابس ملوع جبدي معقدد بالنسبه لي لانه الوالده لها قواعد في ذلك خخخخ
حبيبتي انا كنت ماعرف يعني الاشياء البسيطه اسويها ولما تزوجت بالتدريج صرت ربة بيت بشهاده ابو العيال لأني حسيت اني امرأه كامله الانوثه وبصراحه مااحب زوجي يطلبني اي شي مااعرف اسويه انتي الحين تعلمي الاشياء البسيطه وان شاء الله كل شي سهل والله يرزقج الزوج الصالح
ههههههههههههههههههههههه الله يخليج حق اهلج ويعطيج الريل اللي ما يحب شغل الخدم تري وايد منهم واذا عطاج ريل يبي يدلعج راح تزيدين ربادة المهم انتي داخلة قوي خلينا نبتدي حبة حبة وحلو ان الوحدة تسوي كل شي بأيدها راح تحسين انج انجزتي وسويتي شي كبير انا من عمري 13 سنة وانا اطبخ واللي علمتني امي لاني الكبيرة وعقبها التنظيف والغسال والحمدلله الحين اللي يشوفني يقول ما تعرفين تطبخين بس لا شافو الطبخات اللي اسويها ينووو والحمدلله علي كل حال انتي امري وشوفي الطبخة اللي تبينها وقولي اما التنظيف ما يبيلة تعلوم بروحج ابتديها من غرفتج لا تخلين الخدامة ترتبها انتي سويها والصالات انتي رتبيهم وغيري الديكورات عشان تحسين انج سويتي شي وغيرتي والله راح تحسين براحة نفسية مو طبيعية والغسيل عاد هذا خلية علي الخدم الحين وعقب اذا بتغسلين ماي بالغسالة وصابون مكيالين وكومفرت وبالغسالة وانتهي الامر عقبها النشافة وتسبعينة بماي وكمفورت والله يوفقج انشالله واللي تبينه قولي وانا انشالله اعطيج طبخات حلوه وسهلة وعقبها الكل راح يقولج تسلم ايدج واعتبريني اختج الكبيرة
ياعمري .. حلو انج تبني تخلصين شغلج بأيدج وحلو الاحساس بالمسوؤليه بالنسبه للتنضيف انتي ابتدي باغراضج الخاصه وحاولي تعاونين الخدامه ترى مو عيب ولا حرام وبالنسبه للطباخ تدرجي شوي شوي بالسلطات والمقبلات والحلويات وبعدها الباستات وشوي شوي بتصيرين احسن واحلى طباخه والله يوفقج ان شاء الله
اي والله ليش مستعجله انا بنت خالتي والله حتي الشاي ما تعرفت انه تسخن خبزه مييييح بس والله لما اتزوجت قرت الكتب وصضارت فنانه
