السلام عليكم ورحمة الله وبركاته حبيباتي المتأخرات عن الحمل ألف مبروك لان الله سبحانه وتعالى اذا حب انسان يبتليه ليختبر صبره وثقته بالله تعالى وكن على قناعه ان ماأصابكن لم يكن ليخطيكن وتأخركن عن الحمل قدر كتب من الله تعالى عليكن فهو الممسك وهو المعطي سبحانه حبيت من خلال هالتجمع تتبادلون فيه المعلومات واماكن العلاج المفيدة والمجربة مع الاخرين سواء كانت العلاجات عند أطباء او عند نساء متخصصة بالاعشاب وعندها خبرة بهذي المواضيع مع خالص حبي واي وحدة عندها معلومة او اسم دكتور شاطر بالكويت او غيره او وحده عالجت وحملت تكتب لنا عن تجربتها عشان الكل يستفيد لا تطنشون حطي تجربتج وفوزي بدعوة بظهر الغيب ممن حرمت من الاطفال جزيتم خيرا بحفظ الرحمن ملاحظة / ما احلل اي وحدة تنقل موضوعي بدون ماتذكر المصدر تولي من منتدى سيدات الكويت
غريبة ... 21 وحدة دخلت وما شاركت حتى بمعلومة او دعوة ... انا الحمد لله عندي عيال ... بس عندي معرفة كبيرة بدكاترة وعيادات ومستشفيات في البحرين و الحمد لله كثير اعرفهم وناس ما اعرفهم بعد حملوا بعد تأخر سنين في هالمستشفيات ... و عيادات الاردن المتخصصة بالحمل واااااااااااجد يمدحون فيهم وناس كثير رجعوا من هناك بحملهم ما شاء الله تبارك الرحمن .... اذا اي وحدة من الخوات محتاجة مساعدة يسلم راسها راح اساعدها فووووووق ما اقدر والله فرحتي اسمع بوحدة متأخرة بالحمل وربي عطاها ... الله يعطي كل محروم يارب ...
اختي ماحبيت ادش واطلع انا وحده جربت التلقيح الصناعي واطفال الانابيب عند الكتوره ماجده اليتامى بس ما الله كتب والحمد لله على كل حال وعسى الله يرزقنا ويرزقكم بالذريه الصالحه.......... ربي لاتذرني فردا وانت خير الوارثين
ياعيوني انا قريبتي كملت سنه وهي تتعالج وسبحان الله زياره واحده ل الدكتور ايمن عفيفي في مستشفى المواساه في المدينه المنوره وكتبلها الله وخلفت واللههههههههه كريم والحمد لله على كل شي وشكرا على احلى وارقى مقدمههههههههههههههه
حبيبتي اني عندي ولد بس اعاني من تكيس وابي احمل صار لي ست شهور او ازيد مو صاير حمل اتمنى تخبريني بأسم االمستشفيات بالبحرين واسم الدكتوره اللي في العياده ابي دكتوره شاطره ومجربينها انتظر ردش برساله خاصه وفيها اسم العياده والرقم والمكان
السلام عليكم انا اعالج صارلي 4سنوات سويت تلقيح حملت طاح ( قدر الله وماشاء فعل ) وسويت طفل انبوب ماصار بس سمعت عن دكتور في مستشفى لندن وانشالله بروح اعالج عنده اسمه دكتور (باترك ) عسى الله يرزقنا وياكم الذريه الصالحه اللهم آمين
السلام عليكم ورحمه الله وبركاته انا متزوجه صارلي سنه وتسع اشهر ورحت عند وحده بالجهراء هي دكتوره بمستشفى العرف اسمها الدكتوره نجاه بس سوتلي تحاليل هرمون الحليب والغدد وطلع عندي هرمون الحليب مرتفع 610 بس تقول ابيه يصير 495 لان مو مرتفع وايد الحمد لله وعطتني حبوب دوستس نكس واستعملتهم ما جاب نتيجه ورحه عند دكتوره معصومه مخصيد الحين انا اعالج عندها صج غاليه بس اهتمام حلو وايد بصراحه تستاهل انا صج للحين ما حملت بس انا اراجع عندها وسويت اشعه الصبغه والحمد لله ميه ميه ما فيها شي بس ابسال الي استعملت حبوب دوستس نكس جابت نتيجه معاها وابي اعرف لان دكتوره معصومه ريحتني تقول ما ياثر على الحمل تقدرين تحملين تقول لان الهرمون مو مرتفع وايد وبصراحه تسويلج كل شي بشهر واحد تعرف شنو فيج والي ما فيج مو مثل الدكتوره نجاه رحت عندها والله العلاج تعطينياه السكرتيره وكل ما اكلم السكرتيره تقول ايه اوراق عندي وعطتني اسم العلاج كل شي عند السكرتيره ما ادري اهي ليش دكتوره بصراحه انصح بدكتوره معصومه وايد زينه تحياتي
تجمع بالدعء وعرض مشاكل تأخر الانجاب خواتي عندي اقتراح اللي متأخره عن الحمل وتبي تحمل تتفضل ويانا ونتابع مع بعض وكل وحده تعرض مشكلتها وراح ندعي لبعضنا البعض كل يوم بشكل مستمر واللي تحمل نطردها من الصفحه وننقلها لقسم الحوامل وش رايكم اني ببدأ اول وحده وانتظركم 0 مشكلتي عندي ولد عمره 6 سنوات واعاني من تكيسات واانا اتعالج عنهم من 6 شهور تقريبا وتاركه نفسي للحمال وللحين ماصار حمل اخر دوره نزلت عليه تاريخ 17 من شهر 9 وشهر 10 مانزلت للحين انتظرها ادعو لي اكون حامل ياله دعواتكم وننتظر مشكلة كل وحده وموعد دورتها خلنا نكون متماسكين مع بعض بنيه خالصه بالدعاء
انشالله تكونين حاامل بس اخاف تروحين قسم الحوامل وانا اقعد بروحي هههههههههههههههههه انشالله ربي يرزقج الذرية الصالحة انا متزوجة من 2003 وماحملت الابعد سنتين مافي اي سبب انا وزوجي سوينا تحاليل والحمد الله مافينا شي المهم جبت بنوتة حلوة وبعد سنة و3شهور حملت واجهضت بسرعةوبعدها بكم شهر حملت واجهضت والاسباب مومعروفة بس في شي انا دايم احلم بقطاوة سود ويقولون هذا الشي يسببب اجهااض للحامل ويسمونها (تابعة) وبس سلامتج هذي قصتي مع الحمال
خيوه اذا معاش تابعه روحي لشيخ يقرأ عليش وفي طريقه يسوونها اهل لول عندنا بالبحرين تروحين لكل وحده اسمها فاطمه او زهراء وتجمعين منهم اي مبلغ يقدرون يدفعونه وتالي تاخذين هالفلوس وتشترين حجول للرجول وتلبسينهم يبيعونهم ناس معينين ومالهم سعر معين علىا حسب المبلغ اللي جمعتيه ويثبت الحمل بأذن الله ولازم تكون نيتش خالصه لاهل البيت سلام الله عليهم اتمنى تجربين هالطريقه وتحملين ونطردش من هالصفحه يارب واني وياش بعد وننتظر الباقي وينكم محد يبي يعرض مشكلته ؟؟
السلام عليكم انا متزوجة من 4 سنوات تقريبا أول ماتزوجت حملت من اول شهر وجبت بنت عسل الله يخليها لي ويحفظها وبعدين لما صار عمرها 4 شهور تقريبا اخذت حبوب منع الحمل لمدة سنة و3 شهور بدون وصفة طبيب ولا شي وهذا الشي ندمت عليييييييييييييييييه حييييييييل لاني من تركت الحبوب صارلي تقريبا سنة ونص وللحين ماحملت طبعا لماتركت الحبوب كانت الدورة مو منتظمة يعني تتأخر شوي ماتجي بموعدها ولما رحت للدكتور قالي فيج قرحة وتكيسات صغيرة وشوي التبويض عندج ضعيف والهرمونات تخربطت من الحبوب بس مادام انتي حملتي من قبل انشالله مشكلتج بسيطة وبديت العلاج اول شي عالجت القرحة بالكوي وبعدين عطاني حبوب تنظم الدورة وقالي لازم تنقصين وزنج وبعدين حبوب كلوميد وابر تفجير بس لحد الحين ماصار شي...والله العظيم كل ماجتني الدورة اتضايق حيييييييييييييييييل واقعد ابجي مع ان زوجي انسان جدا قنوع وقال هذا رزق من رب العالمين احنا مالنا يد فيه وانا ما همني العيال كثر ماانتي وبنتي تهموني واذا الله ما عطانا عيال والله انا راضي برزق الله لنا....انا هذا اللي مصبرني شوي بس ما اقول الا الحمدلله على كل حال الحمدلله اتمنى منكم الدعاء لي يا بنات مشكورين
تسلمين خيوه وصبري وواصلي علاج وانشاء تحملين حمدي ربش عندش بنت حلوه والحمد لله ربي يخليها وانشاء الله بتجيبي لها اخ او اخت ونطردش من صفحتنا لقسم الحوامل يارب
آآآآآآآآآآآآآآآآآآآآآآآآآآخ عالحمل!!!!!!!!!!!!! لكن الف الحمدالله والشكر قدر الله وما شاء فعل نصيحة لوجه الله أفضل دكتور بالكويت منصور العرف وبس اما فوزية القطان انحاشوا عنها بس تلهط بالفلوس وتصرفكم على الدكاترة اللي معاها وزحمة موت
السلام عليكم انا صراحة عندي 4 ومن 5 سنين مالله كتبلي احمل وعالجت عند دكتور عادل مرسي بالمواساة الكويت ولا صار شي من سنة والحمداللله اللي فيني ضعف بالمبايض وابي شي ينشطهم ويكبرهم واللكريم
ربي يرزقكم الذرية الصالحة المعافاة يااارب شوفي يا بنات خلكم على الصوبين علاج أطباء واستغفروا رب العالمين ترى الاستغفار سبحان الله يسر الأمور ويحقق مقاصدكم . . . قبل ما تنامين استغفري وادعي رب العالمين وبإذن الله ربي بيوفقكم . . . خل أقولكم تجربة رفيجتي يمكن تفيدكم في شي : رفيجتي حملها صعب جدا راجعت عند الأطباء لين تعبت وآخر شي معالجة بالأعشاب قالت لها عندج ميلان بالرحم اللي عجر الأطباء عن اكتشافه سبحان الله امرأة عندها خبرة بالطب الشعبي تعرفت عليه . . .ورفيجتي حملت وربي رزقها بسيف . . . والفال لكم - بإذن الله - .
