السلام علـــــــيكم ورحمــــــه الله وبركــــــــــاته ,, كلناا نعرف انه من عاداتناا وتقاليـــدناا لمن الشاب يبي يخطب يتقدم لأهل البنت ويسأل عنــهاا اهــــــــل البنت بــــدورهم يسألون عن الشـــــاب , وهالشـي مآفي اختلآف علـيه .. ولكـن اغلب الفتيآت تقعد تنـبش او بمعنى آخر تبحث وتتحرى عن مآضي الشآب كآن يعرف بنآت او يشرب خـمر او او .. الـبعض من الفتيآت مآيهمها مآضيـه وتقوول رح نبدآ حيآه يديده ,, وخلآص حركآت الصيآعـه ووالمراهقه راح يهدها لانه بيتزوجني ,, والـبعض الاخـر من البنآت تـرفض والسبب مآضيه الملئ بالمفسآد سؤآال لكـل فتآه : هـل يهمـك مآضي آدم ؟ واذا عرفتي انه مآضي كآآن مشش ولآ بد رح تقبلين فيه او اللي يآبـه ايب عشره غـيره ؟ القضيه بــــعد ماخلصت .. الشبآب .. رح تكون ردودهم وبلآ شك مافي انسآن مآيغلط والا نسآن مو معصوم عن الغلط . ,,, الـخ انزين انت يآآدم لو تقدمت لوحده وعـرفت انهآ بنـت مشش ولآ بـد رح تقبل فيهآ كـزوجـه ؟ يعني فلنفرض انه تقدمت لوحده كآنت تكلـم شبآب واحيآنآ تطلع معاهـم وترجع بآنصآص الليآالي بس مـحد مسسـهآ >البنت عفيفه رح تقبل فيهآ او تتركهآ ؟؟ شنو وجهه نظركم بالموضـــــوع ؟ و آالـنقآش مـفتـوح للجميــــــــــــــع
وجهة نظري.. (على حسب الريال اذا تغير ولالا ) بس غالبا ماارضى... وبنفس الوقت ترى اللي ماعندهم ماضي تقدريين تقولين نسبتهم قليلة وكل ماضي عن ماضي يفرررررق وانا شخصيا ما احب انبش بالماضي عشان لا يعورني قلبي :\ بالنهاااااية لو دريت ان هذا لريال ماضيه مش ولابد ارفض وكل شي قسمة ونصيب و كل الناس تغلط والله الهادي
والله عن نفسي اذا ماضيه سربته وخرابيط كل الشباب ماشين جذي الا من رحم ربه .. ومااحب انبش بماضيه لانه قبل يعرفني وكل واحد يطيح بالغلط ومحد معصووم .. بس اذا كان يحب له وحده وكانت قلبه وحياته مستحيــــــــــــــــــــــــــــــــل اوااااااااااااافق لان يقولج بيت شعر >> نقل فؤادك حيث شئت من الهوى ,, مالحب الا للحبيب الاولي .. اما خرابيط اللي قبل الزواج وخبال الشباب هذا كل شبابنا مروو فيه ومن وجهة نظري الشاب اللي يخربط قبل العرس عقب مايتزوج يعقل ويتكن من واقع اللي شفته من ناس اعرفهم .. والعكس صحيح تماما واجد شباب كانو مضبوطين نفس السااعه بس عقب مااكبروو جتهم مراهقه متأخره واخربت بطارياتهم وقامو يخروونها .. وسلامتج وتعيشين وهذي وجهة نظري المتواضعه بالموضووع ..
شوفي سوالف مغازل تمشي لان الاغلبيه يغازل بس اذا السالفه شرب لا والف لا الا لمل تشوفين التوبه مبينه تسلمين علي الموضوع
