السلام عليكم موضوعي يهم كل متزوجه تحب زوجها وتبي راحته بكل الاحوال طبعا من فينا ماتتهاوش مع زوجهااقل شي بالاسبوع مرتين او ثلاث غير الاشياء اللي نتغاضى عنها ونعديها ولتقليل هالمشاكل يعني بنخليها بالشهر مره ولا مرتين << خخخخ وطبعا هذا بعون من الله قبل كل شي بس لا ننسى ان المراه حباها الله بقوة العاطفه والحنان ورحابة صدرها لزوجها واطفالها وانتي طبعا مستحيل تنامي وطفلك صاحي وهو اصلا ماينام الا لما يشوفك ويحس بقربك ولمساتك ولو حصل وبعدتي عنه ليله ما راح يهنى له نوم من كثرفقدته لك لكن ما حاولتي عزيزتي الزوجه انك تنومي زوجك ؟ طبعا بتقولي كيف ؟ اعطيه الرضاعه ولا اللهايه ولا اهدهده وانا بقولك ايوه صح عليك بس .......... رضاعه ولهايه وهدهده من نوع ثاني ........ يعني بالاول جهزي لزوجك ملابس النوم ....خخخخخخخخخخخخ يعني البجامه وساعديه انه يلبسها وروحي جيبي له كاسة حليب يشربها قبل لا ينام او عصير او مويه زي ما يحب بعدين ذكريه فرشت اسنانك حبيبي ؟ والسرير طبعا مرتب ونظيف ما فيها كلام بعد مايحط راسه انتي تكوني متهيأه تمام للنوم من لبس وريحه وغيره ... بعد كذا قولي له سم بالله ياعمري ورددي معاه اذكار النوم .... وخليك قريبه منه بعدين حطي يدك على وجهه وراسه وبلمسات خفيفه اعملي الحركات اللي تساعده على النوم ولا تحكين باي مواضيع في هذي اللحظه -خمس دقايق بعدين عطيه بوسه ونامي صدقيني يصحى لك الصبح اخر روقان والفجر بيكون نشيط للصلاة والله يعينك يوم اللي تقولين بنام عند اهلي يرد ويقول وانا من ينومني عاد حليها << خخخ لو سويتي كذا بمعدل 4 مرات بالاسبوع تتلاشى كل المشاكل وتكون طلباتك كلها اوامر فالرجل طفل كبير يحتاج الى دلال اكثر من الطفل الصغير وخليه يلاقيه عندك احسن من يدوره عند غيرك ابغى ارائكم صح ولا؟؟؟ اتمنى عجبكم الموضوع...
يسلموووووووو حبيبتي على الموضوع انا زوجي اعتبره ولدي الثاني جنه ياهل كل شي اسويه معاه انومه واوكله والبسه و.........................ز الله يخليه لي انشاءالله
يسلموووووووو حبيبتي على الموضوع انا زوجي اعتبره ولدي الثاني جنه ياهل كل شي اسويه معاه انومه واوكله والبسه و.........................ز الله يخليه لي انشاءالله
انا معاج بكل اللي قلتيه وموضوعج واااايد حلو ومفيد لان فعلا الزوج اهو طفلج الكبير اللي انجبتيه واساسا الرجل كالطفل يمشي بالسيايه الحلوه منج يعطيج الف عافيه ع الموضوع بس حلوه افكارج سالفة الحليب انا ما سويتها بجربها
آلله يوفقكمـ ’ ويهنيكمـ آن شآءآلله فديتكمـ مروركمـ آلرآئع وآلمشرف ’, ’, آلله لآ يحرمني منكمـ ومن ردودكمـ آلطيبهـ ,’
جزاج الله خير انومه وانوم عياله جماعي واخلص كرررركرررركرررر ههههههههههه يابنت الحلال ورانا دوامات باجر نبتلش ولااشوف اهلي هههه ماقصرتي ياقلبي بإنتظار ابداعج
آهمـ شي آلجمآعي ,, فوديتجــ هع منوريــــــــــــــنـــ يآلغلآاااااااااا ,, آللهـ لا يحرمنيــ منكمـــ
انا استخدم مع زوجي هالاسلوب بس مع قصه كل يوم تخيلي.. والحين مايقدر ينام حتى العصر بدوني لازم اكون جنبه علشان ينام صج بيبي كااااامل بس زيد كم سنه تسلمي حبيبتي ع الموضوع الحلو
والله تصدقون احس وايد أشياء قاعده اسويها غلط يعني ريلي مايحب ينام الا لماادش الفراش وياه يحب يلمني وانام وانا اكره ماعلي احد يلزق فيني وينام وساعات اكون اشوف فيلم با الصاله وماابي انام وقوله نام بروحك مشكلتي جامده شوي ولما اشوف ها المواضيع اقول صج انا مقصره بعض الامور يعطيج العافيه يا السميه ونبي مثل ها المواضيع الحلوه
