السلام عليكم ورحمة الله وبركاته اخواتي حابة اسألكم عن وحده مره على ما اعتقد أن أسمها "الوطريه" واضن انها ساكنه بالعميريه وهذا اللي اعرفه عنها ... سؤالي هو منو تعرف عنها اي معلومات ثانيه مثل رقمها او عنوانها بالضبط ؟؟؟ ومن فيكم راحتلها واستفادت منها ؟؟ والله يجزاها كل خير اللي ترد على موضوعي... وشكراا:75_75:
الله يرزقج ولايحرمج اميييييين ويجلعج تبشرينافيج حامل ان شاء الله عاجل غير اجل صراحه ماسمعت بالوطريه انا خالتي تاخرت بالانجاب وراحت ام مشعل بالمنطقه العاشره الكل يعرفها ما رحتيلها ترا خالتي تمدحها وقعدت ثلاث سنوات من عرسها ولما راحت لها من بعد االله رزقها بأحلا مووولوود الله يخليه لها
الله يعطيج العافيه اختي" فراشه منحاشه" صراحه ردج يبرد على القلب الله يسمع منج يارب ورزقج برزقه.. مشكوووووووره
حبيبتي انا ماسمعت فيها اذا عرفتي عنها شئ بلغينا الله يرزقنا وياج بالحمل وام مشعل رحت لها بس للاسف ما فادني علاجها
والله عورتي قلبي بكلامج الي بتوقيعج وانا اتصفح المنتدى لقيت هالموضوع وقلت انقله لكم انشالله يفيدكم ويرزقكم بالذريه الصالحه بالنسبه للي تبي تحمل .. واللى عندها سدد .. وتبي تنشط المبايض تستخدم العشبه ( القشعه)...وترى بس الحريم يبيعونها يجيبونها من السعوديه...وترى مو عند العطارين ولوتسألينهم يقول عندي ويعطيج شي ثاني ..ديروا بالكم ...من حرمه مضمونه تاخذونها .. المهم طريقتها القشعه فقط للمتزوجه انتبهوا....فقط تاخذين مقدار حليب وتحطين ملعقه كبيره من القشعه معاها وتفوحينها عدل ...وتشربينها أي وقت بس أول يوم وثاني يوم دوره... والله اعرف بنات واجد حملو على القشعه بفضل الله اول منقوووووووووووووووووووووووووول
ما انصحج تروحين لها , هذا تقرا مو تعالج العقم وبعدين هذولي بنات صغار مو مطوعات كانو معي في الثانويه ومو دينات فجاة سمعنا صارو مطوعات
اول مرة اسمع فيها يا عمري لا تخربطين روحي اطباء لا تروحين حريم ترا خرابيط والله اغلبهم كذابات روحي طبيب راح يعرف لج احسن وتحاليل وغيرها والله يرزقج
اختي اوصيج على دكتورة فعلا شاطرة وامينة واسعارها مناسبة وغير عن بره آنا بحكم تجربتي معاها اسمها الدكتورة خيرية السالم بعيادة رويال كلينك نهاية الدائري الرابع مقابل مطافي السالمية رقم العيادة 256511060 روحي لها واخذي معاج كل التحاليل وان شاء الله خير
لانهم كانوا مو دينات ولحد الحين انا اشوفهم في المجمعات التجاريه والعروس نفس ماكانوا من قبل , وبعدين المطوعه ما تسال عن اسم امج لما تقرا عليج وتقولج تعالي بعد 3 ايام
