مساء الخير..................... عندي الصراحة مشكلة وابي رايكم فيها انا الحين عند اهلي متخانقة انا زوجي والسبب حماتي اللي هي مرة اخو زوجي حنا كلنا في بيت واحد والشغل مقسوم بيناتنا اول وحدة قبل اسبوع لما غسلت ملابس زوجي ونشرتهن على الحبل ورحت اقيل العصر ولما قعت المغرب الا احصل ملابس زوجي مشيولت باسلة وناشرة ملابسة هي انا هنا نقهرت وصرات مشكلة وحلتها خالتي ام زوجي وسكت انا مشيت اليوم عادي وحت ما شلت بالي السالفة ما دريت ان بعض الحريم يحقدون وشيلونها وجاء اليوم اللي فية دوري باطبخ وكان ذاك اليوم خالتي مسافرة وحدة من حموتي اخواتة وكان البيت فاضي ونقعت العشاء اللي وعدت زوجي فية وكانت الشغالة تدري اني اراح اطبخ لما نزلت لقيت ست الحسن طباخة طبختي ولما سالتها قالت ابي اسوية لزوجي وقالت وعناد فيج وتخنقنا خناق كبير ولما جاء زوجي وهم اهل البيت متصالين وانا مادري وكان بخاطري اني ما اقوله لما تناقشنا نص ناقش على طول قال روحي لبيت اهلج انا هنين زعلت وجيت وبنص صالة البيت خانقتهم كلهم وزجي ماتكلم ولاكلمة وطلعت ((للمعلومية انا قبل شرطت علية بيت وافق ولما صارت المشكلة قالت حماتي اخت زوج من عرض كلمها ان مالي بيت وهم متفقين علية من زمان ان مايطلعوني وانا عندي بنت)) وش رايكم؟؟؟؟؟؟؟؟؟؟؟؟؟؟؟
والله ما ادري شو اقولج يالغالية الصرااحة ريلج غلطان ايقولج روحي بيت اهلج ليش ؟؟؟ اهيا اللي تغلط وانتي اللي تطلعين برااااااااااا!!! الله يصبرج ويهدي ريلج واذا كان بينكم قبل شرووط غصباا عنه ينفذهااا...
مفروض ماتكبرين السالفه ولا تقحمين زوجج بالمواضيع هذي يمكن ماتحمل وقالها بعفويه اذا تحبين زوجج ومرتاحه معاه لا يفرقكم شئ البيت بيجي لا تستعجلين
اولا الله يعينك العيشه ببيت اهل الزوج مشاكل الوحده في بيتها لاحلها والمشاكل تجيها لحدها من اهل الزوج ما بالك في نفس البيت حاولي تدخلي طرف ثالت كبير ومتفهم يصلح بينكم ولما يجي يصالحك او ياخدك حاولي تطلبي منو بيت لحالك حتى لو كان غرفه وصاله علشان تتجنبو المشاكل وكلميه بهدو ونعومه والله يكون معاكي
حبوووبة فهمي ريلج ان كلمة روحي بيت اهلج = اتني طالق والمفرووض مايقوولها و2 شي زوجة حماج ياهل و ماعليها شرهه و لاتحطين عقلج بعقلها و دام من الحين المشاكل شرطي عليه لو شقه موبيت لين الله يكتبلج البيت ةانتي مو ملزومة صراحة تطبخين و تغسلين هدومهم و تنظفين لهم انتي تشتغلين لزوجج بس مو لأهله .. وان شالل ما اكون طولت علييج فديييتج لاتشيلين هم محد يستاهل زعلج و لا دموعج ..
حبيبتي فهميه مايصير انج تشتغلين حق بيت كامل انتي عليج تخدمينه وبس شكوو بحماج ومرته ومايصير ليش يقولج روحي بيت ااهلج ليش تعطينه مجال بهالشي ولا جدامهم بعد وحاولي انج تطلعين من بيت اهله وتشوفيلج شقه .. واتمنى اني فدتج تقبلي مروري ,,
مشكله اللى ماعنده بيت خاص فيه المشكله االازواج يكونون تبعيه امهاتهم في الغرب الزوج ما يسكن مع امه صج الله خلق وفرق تسلمين
حبيبتي سوري عالكلمه انتي مو خدامه اهل الي يابوه مو مجبوره تخدمينهم ملزومه بريلج وبسس حللوه هذي شالعيشه والله اني تنرفزت من صجج شنو يقولج روحي بيت اهلج مو عاجبه بعد !!! عاد صج روحي بيت اهلج وقوليلهم ما اعتقد احد بيرضى على بنته هالعيشه هم تسوين ومايبين بعينهم وخل اهلج يفهمونه ينفذ شروطج اللي قبل الزواج رضا فيهم وبعدين ما طبقهم ... الله يعينج حبيبي ويصبرج والله احتريت عليج
الله يحقق لج مناج ويوفقج بحياتج ويسعدج مع زوجج انتــــــــــي المفروض ماتردين على هالمريضه ولا تتعبين عمرج معاها..لو مكانج مت ضحـــك..وخليتها تموت بحرتها..وطلعت انا وزوجي اتعشى برى...تفاهمي مع زوجج ولا يتدخل اي احد بقراراتكم حتى أهو اكيد مو مرتاح لهذا الوضع..ومصير الامور بتتحسن ان شالله..
السلام عليكم احن قلب يااااا احن قلب من اختيارج لاسمك يعني لازم تكوني احن قلب حبيبتي ممكن تفتحين لي قلبج وتسمعيني بكل حنيه واهم شي بكل حياديه اول شي كل المشاكل اللي ذكرتيها سخيفه ولا زم تكوني اكبر من هالتفهات وصانا الحبيب صلى الله عليه وسلم(ادفع باللتي هي احسن فأذا الذي بينك وبينه عداوة كأنه ولي حميم) يالغاليه الدنيا ماتسوى وبنيتج تستاهل منج الصبر على الاذى وعندى الله مايضيع شي اقتبست من كلامج جيت الصالة وهاوشتيهم كلهم أفاااااااااااا بس مايصير عزيزتي حتى لو كلهم غلطوا افوض امري لله مع اني مافهمت ايش المشكله بالضبط بالضبط لكن مافهمته يكفي ترى المرة الرداحه والسليطة اللسان غير محبوبه لامن اللله ولا خلقه ربنا امرنا التواضع والللين هذا ابو بنيتج ما احطه بمواقف حرجه عشان اللي يسوى واللي مايسوى اعز نفسي وارفعها واحترم زوجي ولا احطه بمواقف قيل وقال وحماتج اعتبريها اختج وتجاوزي لا تدققين (مصارين البطن تخانق) ماهي ماخذا مكانج ولا انتي ماخذه مكانها والايام تغير ولا يبقى غير الذكريات والله الله بالعلم الطيب والذكريات الطيبه يابنتي في حبال للغسيل شحلاتها تصفط يا خلصتي منها وتنحط باي زاويه بالحمام تكرمين ببلكون او حتى بنفس المكان اللي تنشرون فيه يعرفون انه لج محد يقربه وانشري غسيلج براحتج وابعدي عن المشاكل والله مو ضعف بالعكس طيب وتكبرين بعين زوجج واهله والله الدنيا ماتسوى ولاحقه على البيت وهمه واللي انتي فيه مو هم شوفي بلاوي الناس تهون مشاكلك وتشوفينها ماتسوى وردي لبيتج وتعوذي من ابليس يقولج ابليس ما يفرحه شي كثر خراب البيوت ترضيييييييييين عدو الله يستانس ترضين؟ دقي الحين على ابو بنيتج وقولي له انك غلاطنه(حتى لو تقولين لا مو غلطانه) لجل عين تكرم مدينه رضى الله اولى من كبريائج ورضى نفسج وحنان الاب لبنتج فوق كل شي والله الله بالدعااااااااااااااااء والاستغفار والله يسهل امورج ويصلحها ويحنن قلب زوجك واهله ويكفيكي شر كل ذي شر آآآآآآآآآآآآآآمين للعلم ردي كان وان اتخيل انك بنتي ولا ابي خراب بيت بنيتي حبيبتي التوقيع ام سارة
وع وع وع وع وع وع السكن مع اهل الزوج مشاكل وقلق وعوار راس وغثه اف جاني اكتئاب تذكرت ايام كنت معه الله لا يعيدها وعوعوعوعووعوعوع
السلام عليكم ماحبيت ادش وماارد لانه بصراحه ام ساره كفت ووفت ماشاءالله عليها طيعيها ابركلج تقبلي مروري
اختي هذة نصيحتي لكي اتمني تعجبك اذا زوجك يحبك ويحترمك لا تكبرين المسائل واذا علي الكلمه الي قالهاجلي من لا يخطا لا تخلين انسانه غريبه تفرق بينك وبين زوجك وبنتك وانشا الله مع الدعاء يفر جللك الله وما تدرين الا وزوجك يقولك سويتللك بيت اذا شاف مو اقفك وارتفعتي في عينه بس اهم شئ لازم يكون زوجك في الصورة بكل شئوتعلمينه بكل شئ وتا خذينه رايه بكل شئ وتسوين مثل ما يقول علشان ما تسرين غلطنه في نضرة بس بطريقه لبقه مو طريقه بث مشكله وتخا ترين الوقت المناسب عشان تقوليله كل اخبار البيت واذا علي شغل البيت سوي واجباتك كامله ومتقنه وهذا كله عشان مصلحتك وارتفعاك في عينه لانه هو المهم واذا سوللك بيت يسويه وهو فرحان وسيجعل الله بعد عسر يسر ولا تنسين اذاكالرك والدعاء وصلاة اليل هي اقوي شئ
مشكورات على الرودود بس الحين صارلي شهر ونص ولاجاني بس كلمني ويقول ارجعي قلت بتلفون يقول زين كلمتك ارجعي لبيتك واسكتي وزعلت وسكرت التلفون وهذي راضاتي لي.......الله يسخرة لي قولن امين.لاني صراحة مرة تعبت...
حبيبة قلبي الله يرفع عنج ويسخرلج ريلج ويوفقج حبيبتي الحين اهو قالج ارجعي وانتي معانده وتعبانه لازم تتنازلين اشوي علشان ابنيتج وعلشانج الوحده اذا اطلعت من بيت ابوها عروس وترجع كانها غريبه ولو عاملوها اهلها زين ومثل ماكانت عندهم من قبل بس كبري عقلج ورجعي وسالفتج هذي ماتسوى انج تزعلين وانتي اصلا احرجتي زوجج جدام اهله يوم كلمتيه جدامهم المفروض تكلمينه بغرفتج وانتي الحين خليتي مرت حماج اتشفى فيج بلعكس رجعي وراح يخليها لج ريلج جميله انج رجعتيله ذيك الساعه مرت حماج راح تحتر وهالمواضيع بين الحريم المفروض المره العاقل ماتقول حق ريلها شيصير بينهم لانه كلام حريم ،،،،أسفه ياقلبي موقصدي اهينج كلج سنع بس هالامور المفروض الريايل مايدرون عنها والله يرفقج ان شاء الله ونسمع عنج كل خير لاتاخرين بالرجوع حق بيتج حبيبتي
أصبرى جم يووم وصدقينى راح يدق او يجيج البيت وإذا جاج قوليله أردلك بس شرط أبى بيت برووحى وهاذه شرطنا من البدايه ولو إنك ماكنت راضى جان ماوفقت عليه من الأول
