السلام عليكم خواتي انا ابي مساعدتكم في قصتي هاذي بنات والله تعبانه وايد من الي يصيرلي انا متزوجه صارلي ست اسنين وعندي اطفال من زوجي والحين انا زعلانه مع زوجي بسبب خلافات صارت معاه لكن المشكله بسبب بس كلام بيني وبينه فقط واحدت لين اخذت اغراضي و عيالي ورحت بيت اهلي والحين صارلي 6 شهور ماجاء انا عندي منه 4 اطفال والي حاز بخاطري يابنات ومشكلتي ويا امي احس انها ملت مني انا وعيالي والله اني ما ادري شسوي احس نفسي حيل مضغوطه على اي شي سوت سالفه كبيره واله ماادري يليت تدعولي في ظهر الغيب يرد زوجي لي وتنحل مشاكلي وياه بنات تكفوووووووووووووووووووووووووووووووون ادعولي وودورولي حل والله نفسيتي اتعبت حيل واسفه اني طولت عليكم
شوفي حبيبتي انا باقول لج رايي وانتي كيفج اذا بتاخذين فيه والا لأ المره وزوجها بالذات ما بينهم كرامه حطي ببالج هالشي .. يعني الزوج لما المره تنزّل نفسها له تكبر بعينه .. تراه مثل الياهل يتدلع حتى لو اهو شايب استهدي بالله .. وتعوذي من ابليس وحطي عقلج براسج وفكري بمستقبل هاليهال المساكين بيئتهم تربيتهم نشأتهم مهما كانوا اهلج زينين ترى راح تتأثثثثثثثثثثثثثثثثثثثثر بغياب الزوج لا سمح الله من باجر حطي له مسج جنه بالغلط وشوفي ردة فعله انا اتوقع باييج ملهووووووووف ويمكن اهو ناطر منج هالشي وتلاقينه وده ايي بس يفكر نفس تفكيرج ان ماابي انا اروح خل اهي تيي ومو بعيده احد قاعد يزن على راسه ف انتي خلج اذكى واسرع منهم تداركي الموضوع قبل لا يزيد حجمه اكثر واكثر وترى مع احترامي لاهلج بهالايام محد بهالدنيا يتحمل احد اوكي بيتحملونج وعيالج الله يخليهم لكم شهر شهرين 3 4 5 سنه وبعدين؟؟؟ ترى السالفه مو هينه والمره جنتها بيتها انا حتى لما اتناجر مع ريلي وهذا طبيعي بكل بيت خلافات احط حد بسرعه واحاول اتلصق واخليه اهو يراضيني لا ويطلعني ويشتريلي شي ساعات حتى لو ورده بس ديري بالج تسمعين من المريضااااااات اللي يقولون لج انه ما راح ينفعج ترى اللي تقول جذي تكون اهي ذاتها مو مستقرة بحياتها سامحيني على القرقه بس موضوعج مو هين
حبيبتي مشكورةعلى الرد بس امي انتي ماتعرفيناه حيل شديده وبنفس الوقت انا مومرتاحه مالي مكان بالمره عند اهلي احس بالضغط نفسي حيل تعبانه
الله يعينج ويهدي زوجج انشالله عشان عيالج ومبين من كلامج تحبينه انتي حاولي تدزين له رساله تاسفين منه مافيها شي وبعدين دقي عليه عشان مايصير مفاجاه بينكم اول شي مسج تطبين خاطره وبعدين راضيه واذا امج شديده مومشكله لاتعرف هذا شي خاص بينج وبين زوجج موكل شي تقولين لاهلج عشان ماتصير مشاكل اكبر من جذيه بينكم والله يوفقج ولاتنسين تطمنيني عليج وتبشرينا رجعتوا لبعض
كلنا تصير لنا مشاكل وتكبر من صغيره لكبيره وتتعقد اكثر بس كل شي له حل اكييد انتي زعلتيه منج حيل اوقلتيله شي ضايقه وخلاه ما ييلج يراضيج اعتذري منه وقوليله حقك علي ومن هالكلام اكييد بحن قلبه لج ولعياله كبري عقلج وتسامحي منه حتى لو انج مو غلطانه تنازلي مره وحده عشا راحتج انتي وعيالج وبشرينا انشالله
بنات والله ان امي على اي شي واقفه تلي انا ويى اعيالي خصوصن الصبيان والله انا ما اقدر اطرش له مسج لاني اعرفه راح اصغر ابعينه بنات ادعولي ولا تنسوني
حبيبتي دشي موقع ناعمة الهاشمي وانا اوافق الاخت بنت القطان بوايد اشياء جربي انج تطرشيله مسج ولو بشكل رسمي ان ابي اكلمك بخصوص البنات او اي شي عزمي بمطعم و تكلمي بشكل جدي وطيحيه او مثل ماقالت ناعمة حطي ورقة تضييق بالغلط عالطاولة وخليه يسألج عنها وقوليله افكر بمستقبلي اذا تركتني عشان يغار مادري انت اعلم بزوجج ربي يسخرلج اياه طمنيني عن اخبارج وايد افكر فيج
شوفي حبيبتي حرام جذي الي صار انتم ورااكم عيال حرام يعيشوون بعيدين عن ابوهم ولا امهم ورااهم مستقبل وياليت نعررف شنو السبب الي تهااوشتووا فيه انتم مو بينكم يوم ولا يومين ولا شهر ولا شهرين بينكم عشرره يمكن واكيد فوق 10 سنوات دام عندكم 6 عياال انتي دقي عليه وقوليه العيال اشتااقوولك وانا اكثر وخلنا نفتح صفحه جديده وماله داعي لي صار جذي واحنا ورانا عيالنا ومستقبلنا وعيلنا وهذا احسن حل لج وله ولعياالج وماله داعي تاخذوون الامور اكبر من حجمها وصدقيني سوي جذي وان شاءالله ما تحسرين والله كريم
امج اللي تسويه فيج والله من خوفها عليج تبي تبين لج ان مافي احد يستحملج الا بيتج وترى قلبها من الداخل يتقطع عليج وتبيج تردين لبيتج عشاانج لانها مو دايمه لج ومافي نفس قلب الام والله حتى لو كانت شديده فقلبها عند عيالها يصير ضعيف عليها والله يعينا على برهم ياااارب .. وعندج حلوول البنات والله ماقصروو سلوى القطان واصيله والبنات بعد لاهانووو .. صدقيني دزي له مسج ولي فات الفووت ماينفع الصووت اذا انتي رحتي لبيت اهلج من نفسج وهو ماقالج روحي ترى طبع عند الرجال كلهم مثل ماطلعتي بنفسج ترجعين بنفسج .. ليش تكبرينها لا تفكرين بنفسج فكري بعيااالج من غير اب والله مايسوون شي انتي استهدي بالله وطرشي له مسج وصدقيني رااح يرد وماراح تصغرين بعينه الا راح تكسرين خاطره والله الرجال مالهم قلب مو نفسنا اذا زعلنا خلااص اهم يبون اي اشاااره بس .. وان شاء الله تسمعين النصيحه قبل لايفووت الفووت وبعدين تتحسفين قد شعر راسج انج ماسمعتي النصيحه .. وسلامتج وتعيشين .. والله يصفي القلووب بينكم ..
انا بس ابي اعرف هو يبيج او عايفج؟؟؟؟ ادا متاكده انه يبيج بس مايبي ينزل راسه لانج فضحتيه عند اهلج هدا بمفهومه طبعا!!! انا لو مكانج اسويها مفاجاه له وارد لبيتي واكون في قمتك جمالي وشوقي له واحطه قدام الامر الواقع والله اسويها ... واخليها لما يدخل يشوفني ويشوف اعياله قدامه اكيد اكيد بيستانس حيل على الاقل بيفرح بعياله.. بعدين فيني وبطير من الوناسه لانج قصرتي عليه الطريق..انا متاكده ان بدايتها كانت عنادمنكم انتي اصريتي وهو كبر راسه وعاند اكثر والضحيه منو؟الاولاد نصيحه نصيحه من كل قلبي دوسي على كرامتج مقابل اعيلج مو هو وشيلي اغراضج من باجر وردي لبيتج ولاكان صار شي وتعوديها مره ثانيه ادا عندج عيال.. اكيد انتي معودته كل يوم تزعلين وتشيلين قشج بيت اهلج صح كلامي او انا غلطانه؟؟؟؟ ادري ثقلت عليج بس الله يخلي من بجاني ولاضحك علي الناس+توكلي على الله وردي بكل هدوء الله يوفقج انشاالله وامانه طمنيني عنج بانتظارج......
