القصة واقعية الا حصل انه بنت في ليلة فرحها راحت عند الكوفيرة - زي أي عروسة - تسوي شعرها بس هي طلبت تحط باروكة لأن المسكينة شعرها قصير وخفيف ما يصلح في أي تسريحة, بعد ماخلصت وهي في طريقها لقصر الأفراح حست البنت بوخز في راسها ( لا تقولو قمل خخخخخخ ) ماكان من البنت الا انها تقول لأمها, بس امها ردت عليها بكل برود " يتهيألك يابنتي! " يعني كان على الأقل تشوف تفتش من باب الإحتياط .... على العموم لما جا وقت الزفة كان الوخز والألم يزيد كأنه مسامير بتنضرب في راسها فاتخيلو كيف كان وضع المسكينة ! شوية وتنزع الباروكة هادا إذا ما كانت بتبكي ...... والبنت بتمشي مع عريسها طاحت واتغمى عليها ! لما أخدوها أهلها للمستشفى وكشف عليها الدكتور قال " البقية في حياتكم البنت اتوفت ! لقينا عقارب في الباروكة ! وبعد مابلغ أهلها الشرطة وبعد التحقيقات مع المزينة اللي حطتلها الباروكة اعترفت في النهاية انه جاتها وحدة ماتعرفها واعطتها مبلغ كبير ( يعني رشوة ) عشان تحط العقارب في الباروكة! ( كيف قدرت تسوي كدا ما أدري! ) لما وصلو لهادي الوحدة طلعت وحدة من قرايب البنت - ماأذكر نوع القرابة بالتحديد - تحقد عليها وتكرهها وكانت عارفة انه البنت حتجي هنا وتطلب باروكة ! ما أتذكر ايش سبب العداوة بس أظن انه الحقد سبب كاف خاصة بين القرايب ! وهادي رسالة مني: " الحاقد شخص مريض لا علاج له .... " فبالله عليكم اتركو الحقد على جنب لأنه يبدأ بصاحبه وياكل قلبه أكل لحدة مايطق! ( أحسن يستاهل ) ولا تنسو الباروكة حرام لحديث ابن عمر، "أن رسول الله صلى الله عليه وسلم قال: لعن الله الواصل والمستوصل والواشمة والمستوشمة". منقوله غايب حبيبي
لا حول ولا قوة الا بالله حسبي الله ونعم الوكيل شوفو الحقد لي وين يوصل ماقول الا لله يستر ............
لااله الا الله ولا حول ولاقوة الا بالله حسبي الله ونعم الوكيل لهدرجة يوصل الحقد عسى الله يكفينا من كل حاقد وحاسد ويبعدنا ربي ويحمينا بحمايته لاكن هالحرمه هذي اللي سوت جذية راح تلقاها في بناتها وفي نفسها حمانا الله من كل شر ومكرووووووووووووووه
