خواتي ابي اشوركم والله يخليكم لا تردوني :sad_smile: أبي أعرف وقت الملجة اشلون اقدر اكسب ريلي ، يعني اكيد كلكم تدرون ان المستحه يكون ماله والي ولازم كل شي يكون محسوب وبحدود لان هذي فترة خطبة تعتبر وما صارت رسمي ... وودي اكسب ريلي واخليه يهتم فيني ويشتاقلي ويوله على وجودي معاه بشكل غير مباشر وبدون ما اطلبها منه ... عفية قولولي انتوا شنو كنتوا تسوووووووووووووووون ؟؟؟؟؟
:red_smile:على البركه حبيتي بالنسبه لي انا قعدت مالجه سنه ومن زود الحيا ماكلمته ولا مره : (أدري بتقولين مو معقوله والله مارديت عليه ) يمكن لأني كنت صغيره ومو مستوعبه ويوم العرس عفستهم عفس بجي وخبال ماتقولين صارلي سنه مرته::cry_smile: المهم هاذي النقطه من عيوب الي ماتكلمه ولا تطلع معه أختي عكسي كانت دايم تكلمه وتقول أحلى ايام عمري ويم العرس اناهني احتريت طلعوا صورها حلوين وسافرت للديره الي خاطرها تروحلها بس لا تصيرين كتاب مفتوح له أتمنى انج تستفيدين من أختي مو مني
حبيبتي يعني لا تكرين الاولي والتالي خلي لج شوي اسرار خاصه فيج الرجال ماتنسى لا يعرف نقاط ضعفج بعد العشره تعرفين يستاهل انج تفضفضين له ولا لا بينيله ان لج رايج وفكرج ومالأحد تأثير عليج وكل هذا بأسلوب حلو مع شوي دلع وحيا لاتقطين الميانه مره وحده يموتون على الخجوله الدلوعه شوي مو واجد والله يوفقج انشاالله
الفففففففف مبروووووووووك الله يتمم على خير من واقع تجربه نصيحححححححححححححححححححه وحطيها حلقه في اذنك الرجال ما يحب اللي تهذر كثير وتقوله الاولي والتالي والله انا ندمانه كنت اقول كل حاجه وفيه اشياء مالها داعي بس خلاص راحت علي انا انصحك لله كوني خفيفه وثقيله في نفس الوقت خفيفه النفس ماتسالين كثير وتتدخلين في اموره وثقيله في كلامك وسوالفك لانه يشوفك لبعدين وكمان اههههههههههههههههههههله لا تطرينهم بالزينه او الشينه نصيييييييييييحه
حبيبتي انا ملجت لمده شهرين تقريبا بس والله سويت واااايد اشياء بحيث يتعلق فيني و بعدين هذا الشيئ يعتمد على الريال اذا كان متلهف على الزواج او لا وانا من رايي طولي بالملجة احسن عشان تعرفينه عدل و دايما لمن تطلعين معاه بايام الملجة كله ضحكي و ابتسمي و كل شي يونس قوليه عشان وقت اللي تتضايقين من شي يعرف اهو و يراضييج وعوديه على كلمة حلوة قبل لا ينام وعوديه بعد ان لازم يكلمج على طووول قبل النوووم او قبل لا يروح اهو مكان او انتي بروحج يعني
ان شاء الله راح احاول بس تدرين شنو المشكلة ، ان لو علي ابي طووول الوقت اتطمن عليه واحاول امسك نفسي عشان لا يحس ان احكر حريته ، وقليييييييل من اسويها وادق واهو في الدوام اسال عنه بس مع هذا يقولي وطبعا وهو شوي متضايق ( لا تحاتين انا ريال واعرف ادبر اموري) !!! فصرت من ادق اشوفلي حجة واتطمن عليه بشكل غير مباشر ، والله احترت معاه، بس هم ما انكر ان من نكون يميع ما يحب اي شي ياخذه مني، يعني يخصصلي وقت لي بروحي فيومه . ادري كل شي يبيله وقت لين نتعود.
اول شي مشكوووووووووووورة على الدعوة والله فرحتيني فيها . ابي اعرف اشلون اتثيقل عليه ؟؟ يعني اذا دق ما ارد على طول وجذي ولا اشلون؟؟ قوليلي الله يعافيج
السلام عليكم رحمة الله وبركاااته والصلاة والسلام على نبينا محمد وعلى آله وصحبه أجمعين اختي العزيزه نصيحتي لج لا تطبقين كلام العضوات بتقولين ليش بخبرج اولا بتكون تصرفااتج مش من قلبج يعني مصتنعه ثانيا كل وحده تكلمت بالطريقه إلي تناسب شخصية ريلها وطبقت عليه اشياء تناسب عقله ومزاجه ثالثا لا تفكرين بالهطريقه لانج بتتعبين وايد ومابتوصلين لشي إلي اقصده هو انج تحطين كل تفكير بموضوع واحد وهو فقط كسب الريال رابعا اهم نقط خليه هو إلي يحاول يكسبج خامسا صدقيني لو أطبقين شي واحد بيغنيج عن اللف والدوران وطرح اسألتج والبحث عن مساعده بطريقة تحليج بالايمان وإلتزامج والله هالشي بيخليه يحترم ويثق ويعتز ويفرح بأن الله كتب له هالانسانه إلي تخاف من ربها وتحترم دينها واطبقه
اول حاجه حسسيه انك المدلله عند اهلك وان اهلك مااااااااااايقصرون عليك بشي <حتى لو لم يكن الواقع كذلك ولكن تظاهري بذلك> ثاني حاجه تعصبي لآرائك حتى لو كانت نقاشات بينكم عاديه <عشان يحس انك فاهمه لكن تعصبي لشي واثقه انتي من صحته عشان ماتتفشلين اذا ثبت عكس ذلك> ثالث شي واهم شي الثقققققققققققققه ثم الثقه ثم الثقه يعني خلك واثقه من نفسك يعني اذا ما اتصل عليك لاتقولين ليش ما اتصلت ولا ما اشتقت لي هذا غلط وفيه تقليل لقيمتك لكن قولي يوم ما اتصلت قلت اكيد انك انشغلت يعني هذا مثال وفي كل شي خلك واثقه وبينجن هو من ثقتك ويمكن يحاول يحطمك لكن اي شي يقوله اقلبيه عليه بحيث تبينين انك واثقه من حبه لك ومن شعوره تجاهك وحتى لو ماكان كذلك وخلي مع الثقه غروووووووووور ترى الرجال يموت عالمغروره واذا قال لك انتي مغروره قولي عالناس لكن معك لا مو مغروره حد يغتر على قلبه ترى نقطة ضعف الرجل المرأه المغروره وبيجلس يسأل نفسه وش مغتره عليه يمكن يلقى جواب ويمكن مايلقى جواب لكنه في الحالتين راح يتعلق لأنه بيحس ان عندك شي ثمين هو ماعرفه وانا ما أقول هالكلام من عبث من تجاااااااااااااااربي انااااااااااااا لكن لامصخينها كل شي استعمليه في وقته وبذكاء وخلي قلبك طيب لكن مو علطووووووووول وحقك لاتسكتين عنه ترى الرجال يحب المره القويه ويكره المرأه الضعيفه اللي تتنازل عن كل شي من أجله وحياتك قبل الزواج لاتستغنين عنها ولاتجعلين الزواج يغيرك عن اشيائك القديمه بل اضيفي الزوج لأشيائك ولا تتخلي عنها يعني لازم تكون لك استقلاليتك واهتماماتك الأخرى يعني مو كل شي زوجك لاتنسين نفسك ولاصديقاتك ولا اهلك واقاربك لمجرد انك ارتبطتي برجل لاتتخلين عن شيء من أجل شيء آخر وبس حبيبتي وبالتوفيق يمكن تعجبك نصايحي ويمكن لا ويمكن غيرك راح يقرى كلامي ومايعجبه لكن للأسف هذا الواقع ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أول شي ... يعطيج الف الف عافية على نصايحج ومشكووووورة . وعلى فكرة في كم شغلة من اللي قلتيهم موجودة في زوجي يعني يقولي مرات اني عنيدة بس يعشق جدالنا ويحب انا اغلب آرائي اعتمد باتخاذها على نفسي ومن يتاخر ويبي يتعذر واقوله عادي ما صار شي انا متاكدة في شي ضروري اخرك وفي بعد كم شغلة ثانية شبيهه بهذي وقريبة حييييييييييييل من كلامج. والله نصايحج ذهب تسلمين حبيبتي
حبيبتي الف مبروك كلمة واحدة مهمة اقولها لان الاخوات ما قصروا اياك والتضحية من اجله الرجل يفهم التضحية على انها ضعف ثم يجدها مع التكرار واحب عليكي ثم يعتبرها مع الاعتياد حق مكتسب فاياكي والتضحية ولا تصرفي من مالك ابدا على البيت ولا عليه الرجل مكلف بالمصروفات كلها واذا ما صرف ماله عليك بيصرفه على غيرك والله يسعدك يا حبيبتي
الله يبارك فيج ويسلمج ما قصرتي ، بصراحة من شفت مشاركتج فرحت والله والكلام اللي قلتيه عن التضحية شفتها مثل ما وصفتيه بالضبط في واااايد من رفيجاتي واهلي صح لسانج :teeth_smile:
ألف مبروك حبيبتي والريال يحب الزوجه الي تهتم بأمه وخواته وتحسسه أنهم أهلها ويحب البنت الثقيله ومايحب البنت الي تحب القيل والقال شفت فلانه وشفت علانه والبنات كفو وفو والله يهنيج يارب
