السلام عليكم ورحمة الله وبركاته بصراحه عندي سؤال محرج وما أقدر اسأل احد من اهلي لاني استحى ولان ريلي محذرني ان ولا شي من اللي يصير بينا يطلع بره حتى لو سالفه او متضايقه او استشارة من جذي حبيت أسألكم لاني ادري انكم خدومين وهذا اللي لاحظته بعضوات المنتدى .. ما ابي اطول عليكم : انا توني مالجه وعرسي ليلحين ماحددو تاريخه بس يمكن على شهر فبراير .. ريلي يبي يدخل علي قبل العرس وانا وااايد استحى قتله ووضحتله ان عقب العرس احلى واحسن،، سوا روحه مقتنع بس كل مايزورنا ونقعد بروحنا يبدي يبوس ويلم ويقول ان لولا ان ظروفه الحين ماتسمح جان جدم العرس .. وانا محتارة لان ادري ان من حقه يدخل علي مدام اهو زوجي بس انا مستحيه ومادري شسوي !!! يليت اللي تقدر تنصحني وتفيدني ماتبخل علي لان الموضوع حــــــــــــيـــــــــــل حساس وماقدر اقوله لاحد ,,,,,,
ههههههه والله يا اخيتي اهوا اوكي من حقه بس لازم بموافقتج طبعا و الافضل الاكيد انه بعد العرس على قولتج احلى تحسين روحج عرووسه جدموا العرس بقاله 4 اشهر واايد ههههههه او قنعيه قوليله بالعكس احنا بفتره ملجه خلينا على الطلعات الحلوه و مره عندي و مره عندك الوقت يطوف و بعدين احلى..قوليله من صبر نال هههههههه والله يعينج..عاد الريال لا تنح تنح
تبين نصيحتي لا يدش عليج الا بعد العرس اهو من حقه انتي بس بعد العرس افضل ... وايد ريايل وطبعا اصابعي مو سوى بسرعه يملون فأنتي شوقيه لج سمعي نصيحتي حاولي تسهرون بره على البحر تتمشون والله يوقفج ويتمم عليج يارب
الصراحه ذكرتيني بزوجي قبل العرس جذي كان بس انا كنت ارفض صدقيني راح تندمين لويدخل عليج قبل العرس ولاتخلينه من اول شي يسوي اللي يبيه بدون مايعرف رايج فييه بعدين يتعود على انه مالج راي بأي شي وخاصه اذا شافج ضعيفه جدامه وحتى كل البنات ينصحونج بعد العرس يدخل عليج ولا شنو فايدة العرس والنفنوف الابيض حلاته يزفونج وانتى بنت موشايف كل شي فيج وعارفج عدل خليه يتولع ويشب نار عليج ولاتنسين ان لو بيدخل عليج قبل العرس جدامكم اربع اشهر ماراح تكفيه مره وحده وخلاص راح ينطر لي العرس لاحبيبتي اذا جرب راح يصير يشتاقلج اكثر ويبيج اكثر وممكن تحملين وشنو شعورج وانتى بالنفنوف الابيضن وبطنج جدامج اكيد ماراح يكون حلو ولاشهر عسل بالنساة ولوعة جبد الحمال لاحبيبتي خليه يصبر عليج وخلي لج شخصيه مومالج اي شخصيه جدامه واعتبريها نصيحة اخت لختها وانشالله تكونين استفدتي من كلامي
الصراحة كلام ام عبود دهن العود 100% صح و انا الصراحة مجربة هالطريقة هذا طريق الحب يا حبيبتي بس ها لا تحملين بسرعة عاد استانسو , مسكين لا تخلينة تلقينة منقمت , بعدين انتي راح تحسين بالإثارة و الشوق وايد , الله ذكريتني بالأيام الحلوة ,
انا بصراحة اشوف كلام خواتى صح لاتخلينة يدخل عليج ارحين خلى ليوم الدخلة ترا وايد احلى عشان يكون شى جديد سالينى ترا انا تونى متزوجة وبعدين تخيلى نفسج بيوم عرسج كرشج شكبرا ههههههههههههههههههههه
العفو هذا الواجب , بعدين من ناحية الكرش مو شرط , هذا هوا يعني من اول ما يدخل عليج لبسي بنطلون او شورت تحت الملابس علشان لا يدخل فيج هوا , ترا هذا الهوا يأثر حتىعهلى الحمال يعني ما تحملين بسرعة, اسال المجرب و لا تسأل طبيب , الصراحة وايد بنات اعرفهم صار فيهم , و هذه نصيحة من اخت الى اختها. و شكرا
مبروك وعسى الله يتمم عليج اهو من حقه انه يدخل عليج بس يفضل انه بعد العرس اهو صبر وخل يصبر بعد شوي وموفقه..........
السلام عليكم ورحمة الله وبركاتة اختي اقولج عن تجربتي انا يوم ملكت سوى فيني مثلج بس بدون العميق طبعا ويوم تزوجنا :sad_smile: صار كاني جالسة مهة سنين ماطفر فيني ولا شي اختي :smile: خلي كل شي بعد العرس احسن تشوقينة والله يسعدك ويوفقج :angel_smile:
العفو حبيبتي وواجبنا مساعده بنات المنتدى ولو في اي مساعده انا جاهزه ولاتستحين احنا خواتج ولوكنتي مستحيه البنات مايقصرون عالخاص وكلنا لج ولاتخافين من شي انتى قنعيه واهو راح يقدر
انتي طلبتي المساعده ومن واجبنا نساعدك والبنات ماشاءالله عليهم ماقصروا وكلامهم صحيح وانا اقولك الله يوفقك ويتمم لك على خير وصدقيني ليلة الدخله لها طعمها الخاص والله يساعدك
ونـــــــــــــــــاسه هذىى احلا ايام تغلــــــــــي اخذى غلاج لاتصيرين سهله انا كل ماتذكر لهفة زوجي ايام الملجه ادوخ صراااااحــــــــه كان يتحرش من فوق فوق اتصدقين عقب ليلة العرس قعدت اسبوع يلاااا خلصنا انا علاااا انى احبه وابي بس كنت اخااااااف واتغلااااا اخــــــــذى غلااااااااااج لااا ياخذ هالشى بسهوله حــــــــــــــــــــــلات كل شى بوقته
ما شاء الله ع الأخوات ماقصرن وياج الغالية .. ان شاء الله استفدتي منهن .. بس صح أنا بعد أقولج صح هو ريلج ومن حقه هالشي .. بس الأفضل بعد العرس ولا شوفايدة العرس والنفنوف الأبيض وفرحتج بليلة عمرج .. وان شاء الله زوجج يقتنع .. وربي يتمم أمورج على خير ..
