والله المفروض تساعدينه بدال تنحاشين انا والله عن نفسي كنت اكسر زقايره واخذ قلاص الماي اكته عليهم يقول مو مشكله اشتري غيرهم واقوله مو مشكله اكسرهم :teeth_smile: لين صار يشربها تكرمون بالحمام بعدين زهق وصار يشربها اذا طلع والحين صارله تاركها تقريبا سنه او سنه ونص وان شاء الله مايرجع لها بس يشيش من فتره لي فتره والله يفكه من الشيشه بعد ..
جبيتيها ع الجرح اكره شي عندي ادخان اتضايق منه حتي لو اني مستانسه ورايقه بس يدخن عندي ينقلب مزاجي 180 درجه تلقيني اعصب واتنرفز وما اتحمل لو كلمه بسيطه بس هو يدخن عندي بس وحده علشان بس الترويقه وتجنب الهواشات مني بس مو راضي يهدها شسوي
مساء الخير انتي قلتي شي انا مااحبه ويضايقني بس تبين الصج انا ماتحمل ريحة الزقاير اطلع من الغرفة لما يخلص او اقوله اطلع دخن برا والصراحه الرجال مساكين هذا بلاء انشالله يكرهونه ويبعد عنهم الامراض
الف الحمدلله و الشكر انه زوجي مايدخن لان جداكره الدخان بجميع انواعه اولاً لان اهو ما يحب التدخين لان اذا شم ريحة التدخين عيونه تدمع يعني عنده حساسيه من الدخان ثانياُ مره سالته قلت له ليش ما تدخن قال يوم كان عمره 10 سنين مره ولد جارهم قال له تعال نروح نقلد كبار و نشرب زقاير قال اوكي راحو يشربون شافه اخوه الكبير و عطاه طراق محترم من يومها قال توبه قلت بقلبي زين سوه
الحمدالله ريلي مايدخن بس قلبي يعورني على اخواني لمن اشوفهم يدخنون الله يعطيهم الاراده انشالله ويقطعون هالعاده السيئه
اناا زوجي يدخن بس ما انخش عنه بس العكس اتهااوش اناا ويااه صراحه ابي حل نهائي لتدخيه يسلموووووووووووووو
مايقدر يدخن قدامي لاني اهدده اذا ماترك التدخين راح ادخن وادمن معااه اجذب عليه يعصب حييل ويتنرفز ويخاف يدخن قدامي اوحتى اشم ريحه الزقاير فيه مصدق اني راح ادمن خخخخخخ
حبيبتي روحي العيادة وقولي للدكتور يساعدج عشان زوجج يوقف التدخين خليه يكتب لج تقرير انج عندج حساسيه من التدخين وشوي شوي بيأثر عليج عالتنفس " كله جذب" وحطي له التقرير في مكان بيلاحظه وارفقي وياه كرت اكتبي فيه عبارة حب وبعدين اكتبي بمتنع أنا "اسم زوجج" عن التدخين عسب ما أخسر روحي " اكتبي اسمج" أو اكتبي أي شي يخطر ببالج وبعدين اكتبي أوافق - لا أوافق ووقعي تحت وشوفي ردة فعله
اه اللع يعيني علي زوجي يدخن من اخته ووعدني اول يوم زواجنا يتركهم ولا وفا بوعده حجي وكل اعيالي صار معهم حساسيه صدر وكمام منه ولانفع وعانيت منه تخيلو يدخن علي طول لدرجه يجيني ضيق نفس احس معاي حساسيه الظاهر اثر فيني عساه يقطع بس مااعتقد لانه كبر
الحمدلله زوجي مايدخن كان شرطي بالزواج انه اللي يجي يخطبني مايدخن وانه يصلى بالمسجد والحمدلله هذي الصفتين بزوجي والحمدلله الله يحفظه00000000
الحمدلله زوجي مايدخن ولا احب اللي يدخنون . الحل انج تحاولين تخلينه يتركها وانا واحد من اهلنا كان يدخن ويوم تزوج تأخرت مرته ما خلفت يهال ويوم تكشف مافيها شي اخر شي طلع ان التدخين يسبب حق بعض الرياييل عقم مؤقت لو يتركها يرجع طبيعي . وان شاءالله يتركها وانتي لاتقعدين ويهاه اذا دخن وبخري الغرفة على طول اذا دشيتي عشان ماتصيرين مدخنه سلبيه.
راح احاول اخليه يقلل ومايدخن عندي بس انا ابوي يدخن وما اقدر افرض رايي عليه مرات اقوله بأدب يبه اختنقت ومرات استحي اتكلم .. لانه ابوي استحي منه بس ريلي مادري عنه اذا يدخن والا لا اذا رحتله اقولكم
