:teeth_smile: :teeth_smile: صباح الكرز و قرص العقيلي بقيت اسألكم شنو اول موقف محرج صارلج مع زووجج بالملجه او بالعرس ؟ شنو اول طبخه طبختيها لزووجج وشنو رده فعله ؟ عرسج عاجبج ولا لا ؟ اهم شي شنو كان لو جنطتج وتكرمون جوتيج بالملجه :teeth_smile::teeth_smile::teeth_smile:
ههههههههههه يسلمو على الموضوع اول موقف محرج (((( مافى تفاهم))) كان اول ليله العرس كان يبى يطلع الدبابيس والماشات والاكسسوارات اللى بشعرى مثل ماتعرفون تسريحه عرايس جان يقولى الله يهداج حاطه مسامير الحاره بشعرج وانا احاول اقوله خلاص وهو ملزم يكمل المشوار بعدها يتفاجأ بالباروكه ههههههههه قال شنو هذا شعر ثانى ههههه بعدها ماخليته يكمل راح بشوف بلاوى ثانيه بس موقف محرج خصوصا احنا ماشفنا نفسنا بالملكه والطبخه ناسيتها بس اكيد حركات وتفنان هههههههه وعرسى كان جدا جدااااا حلو وعاجبنى لدرجه ان الناس تكلمو عن كل شى من الترتيب وتنسيق الالوان واغنيات خاصه للأطفال من غير دخولتى للعرس فديت نفسى وزوجى الغالى
ههههههههه انا كان الكعب حيل عالى عشان البدلة وبعد مابدلت لبست كعب متوسط تفاجئ وقال وين نصج اول طبخة كانت بيض وطماط ومن الربكة طلع البيض مو مستوى
والله اول مو قف صارلي با الملجه يايني البر عند اهلي كنا مخيمين وقتها وانا من اللقافه ركبت البقي جدامه وطبعن طحت وتفشلت حدي وللحين يعايرني تذكرين يوم طحتي با الملجه ماتسوه علي ها الطيحه والطباخ انا من كنت بنت وانا احب المطبخ واعرف فما عندي مشكله
ههههههههههههه تهبل مواقفكم.......:teeth_smile: انا الموقف اللي ماانساه بالعرس هم كان يشيل معاي ماشاة الشعر والمضحك انه يسحب ويقط ويسحب ويقط علي السرير ومو منتبه للعدد ولما خلصنا كانت كشتي منفوشه من كثر ماهو مستعجل والا الماشات هههههههههههههه تارسين الفراش ترس قالي عفيه راس متحمل هالشئ وطبعا انا دوريني ماتلقيني:75_75: ههههههههههه:wink_smile: اما الطباخ ولله الحمد افنتق له ولا كل يوم اطبخ له طبخه من دوله عربيه :teeth_smile:خخخخخخخخخخخخخ يسلمووووووووووووووووووووو علي الموضوع الروووووووووووووووووووعه
أمبيه فشله حسستوني اني متزوجه قبل 100 سنه ما اذكر لا الموقف المحرج ولا أول طبخه :x بس حفلتي كانــــــــــــــت وايد حلوه والأكل كان وايـــــــــــــــــــد وانا كنت يوعـــــــــــــانه :x :d بس الحضور كانوا شويه مستانسه مسويتها بيوم التحرير والعالم كلها مسافره ورايحه شاليهات :s
هههههههههههههههههههههه بصراحه مواقفكم تهبل انا بيوم عرسي كان كعبي عااالي عااالي حيييل يوم تسند الا ايده على النعله وانتو بكرامه قال شنو هذا افاااا طلعت مغشووش هههههههههههههههههههههههههه والطبخ ما اذكر والله
مواقف روعه الموقف نفس البنات انه ملزم يفتح التسريحه و بالاخير نفش الشعر وانا ما طبخت الا عقب سنه طبعا و سويت له عيش و دياي اكيد عرسي عاجبني و كان لون الشوز ولون الجنطه بيوم الملجه اسود و الجنطه كانت سوده و فيها الوان
يعطيكم الف عافيه بنات صراحه ردود عسل نفس اصحابها عاد ما قلت لكم موقفي بيوم الملكه طلعت معاه نتعشا بره جان يسفط الطيب عن ماكدونالد الي ع البحر وقالي يلا نزلي جان اطالعه وقلت بقلبي هذا من صجه وانا بكل هلكشخه منزلني مكدونالد جان يبط ضحك ويقول اشفيج يعني ما نتغشمر ووداني مطعم سنع مشكورين على الردود بنات
مشكورة على الموضوع حبيبتي انا ثاني يوم العرس يابوا غدا من المطعم وببطل البيسي وتوهقت خفت على اظافري يتكسرون جان يقول زوجي لا لا عطيني قبل ماتكسر اظافرج وبعدين تبجين
انا الموقف اللي اول يوم كان يبي نيني نيني عاد افهموها جان انا ابجي اقوله بعدين يقولي ليش ؟؟؟؟؟؟؟؟؟؟؟؟ قلت له اول شي اقول لخواتي بعدين يصير خير قام يضحك علي من قلب وجاني ثاني يوم اما الطبخه اول مره طبخت طبخه لاباس فيها بس نام وخلاني مااكل منها
الموقف الي صار سخيف ما اقدر اقوله ويفشل اول مره اطبخ مجبوس دجاج العيش كان حب كنت انيقه الجوتي نفس الجنطه ذكرتوني بالذي مضي عمر والله المستعان
يسلمووووووووووووووووووو العرس كان يهبل وعاجبني لما قعد نشرب العصير بالعرس انا وريلي لزق العود على شفايفي ههههههههههههه وفوق هذا كله يبني ارقص بالعرس استحيييييييييييييت الصراحه مارقصت ولما رحنا الفندق طبعا الماااشات خخخخخخخ ثاني يوم نزلنا تحت بالفندق طلبت جيز كيك وقهوه المهم يابولي حليب وقهوه انا اسوي تفشلت وانا ماحب الحليب ومسويه نفسي كوول وذربه واعرف جان اقول لريلي تبدل هههههههه قال ايه؟؟؟ولما خذيت الشوكه عشان اقص من الجيز كيك تخيلو شصار قصيت منهاااا وطاااااااااااااارت عند رياااااااااااااااال قاع يمنااااااااااااا تقريبااااااااااا خخخخخخخخخخخخ ريلي قال جنج ماسويتي شي عادي عادي والله وناسه واحرااااااااااااج
انا ماسويت عرس بس حفله ملجه اشوه اني سويت بعد لانه يدته توفت وماسوينا (عاد اهني اللي صج بتضحكين انا ملجت اليمعه والسبت كانتالحفله واهو من بره العايله بس انا وااايد جريئه وعوبه لما دش عشان يلبسني الدبله قام بس يخز صدري وانا اتعمد ابرزه حقه ويت امي قالت الكيكه تبين تقصينها جدام الحريم ولا داخل انتي وياه جان اقولها لا لا داخل ولما رحت داخل اخذت راحتي طبعا كنت متفقه مع المصوره على حركات وقلت لها راح اسوي نفسي مستحيه واهي كل ماتقولي سوي جذي اقول لها لا مابي عاد اهي تغصبني ههههههه وريلي اول كلمه قالها (الله صف لولو قلت له شنو ولايقول اسنانج تينن ضحكت ولايقول والله صج وايد حلوين ) اما الموقف ثاني يوم الملجه يا البيت كان لزقه رحت عنده قعدت لما كان يبي يطلع انا رحت امشي بالسلم ولا اطيح جدامه ههههههه عاد الطباخ انا وايد شاطره كانت باستا واول مطعم لما طلعت معاه اول طلعه رحت فندق موفمبك بالمنطقه الحره الركن الايطالي ربي يحفظ لنا رياييلنا اميييييين
انا موااقف مواقف مو موقف أول شي عرسي كان عجيب و اسطوري و الكل تكلم عنه لان ماشالله جهّزت حقه من شهر 5 لي آخر 11 يعني دشيت جووووو و انا أجهز مع امي و نفنووفي كان مو طبيعي فخم ورزة و وايد اللي حضورا تكلموا عن عرسي طبعا الموقف اللي يضحك ان انا سويت عرسي بفندق بلازا و صعدنا فوق ابوي كان حاجز لنا صعدنا انا معاه طبعا نفنووفي طويل اهوة و اخوي العود يشيلون نفنوفي و لا اخوي يمسك نفنوفي من تحت حيل و لا يطلع الطوق مال الجيبونة و لا اخوي كااااااااككككككككككككككككك شنو هذا كاااااااااكككككككككك ولا ابجي بالاصنصير و امسكه اقرص ايده و ريلي مستحي عشتوا منزل راسه يمه منه المهم دشينا الغرفه و انا كنت مضبطتها لان انا وبنت عمتي نايمين فيها قبلها بليله خخخخخخخ عاد اخوي يه يه يه استحيت من اخوي المهم قاعد يتعبث أخوي بالشموع و المصورة غثتني و اهيا تصور جان أقولها يلا انتي و عبدالله شرفتونا و لا اطردهم ريلي ليش ليش خوش صور المهم بس طلعوا اخوي و المصورة ولا ريلي يقوم يفصخ دشداشته و يبطل جنطتة و يلبس برمودا و بدي انا >>>> @@ شفيي هذا المهم بس بدّل و لا ابوي يطق الباب ريلي استحى خخخخخخ و لا ابوي يقوولي آسفين عالازعاج طال عمرك بس بياخذون الاغراض من الغرفه مواعين الحلو و نفنوفي لان انا متحلفه فييهم و لا فشله ابوي و ريلي يفصخوني نفنوووفي و نفنوفي ثقيل يعدون واحد 2 3 و انا لاا لاا زين لابسه شوورت قصير و كورسيه و لا ابوي يضحك و لا امي تلبسني الروب و لا ياخذون النفنوف و يطلعون مسكين ريلي سااكت سايلنت عاد بس طلعووا و لا يقوولي شفيييج تخزيني انا لا ماكو شي يبي يتهاوش p; ولا اروح الحمام البس نفنوف قصير و اقوله لو سمحت ممكن تبطل اللي براسي و يبطل و يشيل الماشات و الله صارت 2 الا و اهوة اووولاااا اووولااااا صالون متنقل و انا يلا عن الملاقه خلص راسي صاار ثقيل و طاح لي ورى يعني ثقل و لا يشيل الحشوة و لا صايرة مثل كرة كبيرة و لا ينقز يصرخ شنوو هذاااا شنوو هذاااا انا مت ضحك و لا اعصب عليييه طبعا ابوي حاجز حقه و حق امي غرفه بالفندق و حق عمتي وبناتها و لا ادق على بنت عمتي تيي تشيلهم و لا تزفه زف مسكين ما بقى الا عمره علما ان اهوة يصير ولد خال بنت عمي و بس و احسن وحده تنااااااااااااااااااااااااااااام خخخخخخخخخ و أول طبخه سويتها حقه ممم خل اتذكر امممممممممم ممممممممممم اي سويت له شورما مالت امريكانا و حشيتها بصمون صغار و سويت له بطاط مسلوق و حفرته و حطيت داخله جبن و حميسه دياي فوقة جبن شيدر استانس وبس قرقه أدري بس قاعده اكتب و اضحك ..
