مراهقات المقررات

السلام عليكم

بساحة المدرسة و الوقت ,,, الفرصة الاولى
ولاء : منيروووووووووو دريتي شصار ؟؟؟!!!

منيره : لاااااااا شصار انتي و قذلتج

ولاء : شوق منحاشة من البيت أمس و ابوها طاقها طق لا تشوفينها مزلقه من كل صوب ,,, و مشمخه ,, حالتها حاله

منيره : شلون الخبله عسى منحاشة مع عبدالله

ولاء : سمعي انتي شنو عندج بعد الفرصة

منيرة : عندي عربي عند أبلة العربي ,,,, سيدة ملعقة ,, وسميوووه

ولاء : ويييع قطع ,, سمعي كشتي من حصتها و تعالي صالة البدنية,,, خل اسولفلج

منيرة : واااي ولاءووو اي قولي و خلصيني ,,, أنا بروحي مزفته بالامتحان تبيني اكشت

ولاء : خو يوعانه بروح آكل ,,, و كلها هالمره زرقي منها

منيرة : تدرين شلون بقولها ان بطني تعورني و علي الدورة و ما اقدر احضر

ولاء : سمعي انتي بعد الفرصة تعالي صالة البدنية و أنا بروح أكلمها اقولها انج تعبانه و قاعدة بصالة البدنية ,,

منيرة : او كي بس شوفي اذا قالتلج خليها تيي ,,, قولي لها انزين و كشتي فيها

ولاء : ماشي انطرج بصالة البدنية ,, بس تعالي وين صفج العربي

منيرة : يم غرفة الاجتماعيات ,,, رقم الصف 7

ولاء : خلاص حبوبة بروح اللحين آآآكل يووعانه ,,,,

منيره : يالله روحي بلعي ,,,,

ولاء : باي

تررررررررررن تررررررررررررررررررن ترررررررررررررررررررررن

طق جرس الفرصة و بدت الحصة الثالثة

بصالة البدنية

منيرة : ولاء و ويعه وينج أنا قلت كشتي فيني

ولاء : جب زين بغيت اروح فيها بسبت ابلتج هالسيده ملعقة

منيرة : ليش شقالت

ولاء : قلت لها منيرة تعبت و بطنها يعورها و اللحين اهية تشرب عصير برتقال بصالة البدنية ,, جان تقوول خلاص اخذي وحده من البنات معاج خل تناديها ,, قلت لها لاااا ليش وحده من البنات انا اروح برووحي ,, قالت لا انتي روحي لصفج ,,, قلت لها انا اصلا علي بدنية ,,, سكتي حوسة هالابلات ,,,

منيرة : الله يغربلج ,, الله يعيني الحصة الياية شبقولها ؟؟؟

ولاء : المهم خل اقولج عن شوق ,,, امها و ابوها تهاوشوا كالعاده ,, طبعا الخبلة لما شافت امها و ابوها يتهاوشون ,, قومي انحاشي من الدريشه ,,, و روحي للفرع و دقي على عبدالله ,,,

منيرة : دقت على عبدالله من الفرع ؟؟؟ ليش وين تليفونها

ولاء : مو ابوها طاح عليها تكلم بالتليفون قوم اخذه منها و تهاوشت ويا مرتك و سووها سالفة بسبت ان أم شوق كله طالعه ولا تدري عن شوق ,, و كل واحد قام يلوم الثاني ,, و شوق قومي و انحاشي

منيرة : ويهه هذي زادت الطين بلة مو يكفي اللي ابوها يسويه في امها

ولاء : عاد عبدالله قالها ,, خلاص خليج عند الفرع و أنا اي أخذج ,,, و طبعا الفرع كله شباب و حضرتها تكلم عبدالله وتقوله السالفة و اهم يسمعون و أخذي من التعليقات ,,, جان يقوم واحد منهم و يسحبها لي السياره و اهي تصارخ , تخيلي يقولها تعالي معانا المخيم و الله تستانسين و اهي تبجي ,,, بس راعي الفرع زف الشباب و قالهم اذا ما هديتوها راح ادق على بوليس !!! هههه

منيره : وليه هذي البنت ما ادري وين بتوصل عمرها

ولاء : المهم انحاشوا الشباب بعد ما لعنوا خير راعي الفرع ,, تقول شواقة انهم حذفوه بقواطي البيبسي ,,, و وصخوا الارض ,,, بس عشر دقايق و وصل عبدالله

منيرة : عاد عبدالله هذا يبط الجبد و احسه مو خوش واحد ,,,

ولاء : اي خو سمعي شنو سوا فيها الحقير ,,, خذاها لي ديوانية ولد عمه و كانوا عيال عمه وربعه اهناك تخيلي قليل الادب ,,, اهي اول مادشت قام تبجي ,,, و اهو يحلف لها و الله ماراح اسوي شي ,,, بس بعد ما سوت لهم مناحة ,,, قاله ولد عمه طلعها مالي خلق يوصل ابوي و يسوي لي سالفه ,,,

منيره : اشوه يعني ما سوى فيها شي

ولاء : لا الحقير و داها لي ورى المحول وقام يتحرش فيها .. بس اهي قام تبجي ,,, المسكينه زين ماصار معاها انهيار عصبي ,,,

منيرة : امبييييييييييه الحقير ,,.

ولاء : آخر شي لما أيس منها حذفها عند الجمعية وراح ,,,

منيرة : اشوه يعني ماسوى فيها شي

ولاء : لا الحمد الله الله ستر عليها

منيرة : اي عاد جان زين تتوب هالبنت

ولاء : وييييييييه سكتي لي اللحين تموت عليه ما ادري شلاقية فيه

منيره : انزين شصار بعدين

ولاء : مو المخفر يم الجمعية ,,, قامت حضرتها دشت المخفر و خلتهم يدقون على ابوها ,,

منيره : ويه ويه يا فشله ابوها مو يشتغل ضابط بالمخفر ,,

ولاء : اييييييي و لما شافها بالمخفر افتشل ,,, وراح فيها و سحبها من شعرها ,, تخيلي طاقها طق حاك شعرها بالموس ,,, و امها بعد كملت عليها و شمختها و بالنعال كفختها ,,,

منيرة : انزين اهي وينها اللحين ؟؟؟

ولاء : عندها فنية ,,, انا شفتها بالحصة الاولى كانت معاي بالعلوم و الابله كانت غايبة و قالت لي كل شي

منيره : هالبنت يبيله نقعد نتفاهم معاها ,,,

ولاء : وااااااي ذبحتني ما تفهم كلش اكلمها تقولي احبه ,,, و انا بحرق قلب ابوي لأن ما يدري عنه و بفشله على طول وراح اخلي سمعته على كل لسان ,,,

منيرة : اي بس اهي جذي قام تظر نفسها ,,, حرام عليها ,,, عاد امها و عليه مسكينه على نياتها و الابو الله بالخير من فلبينية لي فلبينية ,,, صايع حده و بس طايح طق فيهم

ولاء : سمعي بعد شوي بحصة الاجتماعيات اهي معانا ,,, خلينا نكلمها ,,, وبالهده تعالي صوب العمود الازرق بنوقف هناك ,,,

منيره : ليش عسى ماشر اكيد طارق هناك

ولاء : وي فديته لا اليوم اهو محجوز مايطلع إلا الخميس ,,, حدي مشتاقتله

منيره : اي عاد اللحين انتي ما تكلمينه ...يعني فاضية

ولاء : سكتي ربعه مزرقين تليفون داخل المعسكر ,,, بس ما يكلمي إلا ربع ساعه باليوم ,,, وااااي لما شفته اسبوع اللي طاف صاير اسمر و ضعييييييييف

منيره : هههههه عاد ابروحه اجلح صاير اسمر الله يلوع جبدج ,,,

ولاء : سكتي زين ,,, مو احسن من البطه البلدية اللي عندج ,,,

منيره : هههههه على الاقل محامي مو ضابط صف ,,,,

ولاء : اي تكفين ,,,, محامي و يدق رنه

منيرة : ههههههههه تخيلي امس اقوله بشوفك يقولي ماشي بس تعزمني ,,,

ولاء : واااااااااااي جعص هالريال

منيره : لا حرام يبي يكمل دراسته

ولاء : عشتوا ,,, اقول سكتي طق الجرس خل اروح عندي امتحان قصير ,,, ترى أنا من كثر كشتاتي كل ماده يبيلها غياب و اصير حرمان

منيره : يالله روحي خل اروح أنا بعد عندي موسيقى ,,,


ولاء : جااااااااااااااو
,

,,,,,,,,,,,,,,,,,,,,,,,,,,,,,,,,,,,,


الحصة السادسة ,,, حصة الاجتماعيات ,,,


أسماء : يالله بناااااات كل وحده مكانها ,,, ابلتكم بالطريج ....


ولاء : قطيعه فراشة الابلة تكلمت

مريم : اقول قعدي لاتسمعج و تسوي لج سالفه ,, ترى من انجحت بمجلس الطالبات و اهي شايفه نفسها

ولاء : اقول عطيني الواجب خل انقله منج

مريم : كالعاده انتي مو حاله الواجب

ولاء : أنا فاضية أحك راسي ,, الفيزياء طلع عيوني و يا ابلتنا الاحفوره ,,كل يوم واجب و قثيثه وماتفهم و كل ماسألناها سؤال قالت (( اذا عندك سؤال تعالي ليه بالفرصة اما بالحصة أنا مأدرش المنهج كبير ولازم نخلصوووووو ))

مريم : ههههه اهو في ابلة سنعه ,, إلا وين منيره

ولاء : خو منيرو ما تعرفينها لازم تفتر وتسلم على ستين بنت على ماتوصل الصف ,,

مريم : الله الله الله هذي شوق وصلت ,,, شواااااااقااااااااا شفي ويهج متهاوشه مع عتوي

شوق : افففف ترى صج مالي خلق ,, عطوني الواجب خل انقل قبل لا تيي الدعله ترى مالي خلق انزف

ولاء : مسكي مسكي يا قلبي حلي الواجب ,,, خو انا وياج متى حلينا الواجبات

مريم : المشكله ان وحده بتصير محامية و الثانية دكتوره ,,,,

شوق : طل بويهي اصير محامية ,,, قولي دورات خاصة وتخب علي

ولاء : وااااي الله يستر انشالله اييب على الاقل ثلاث نقاط ,,, ياربي ابي انجح ,,, عاد طارق قالي اذا تخرجت بياخذني معاه مصر انكمل دراستنا

مريم : اي هذا ويهي اذا تزوجج ياحبيبتي الصبيان يلعبون على البنات ,,,

ولاء : واااااااي حبيبتي هذا طارق مو واحد من الخمه اللي تكلمينهم

مريم : لا اسم الله علي انا مو مال هالسوالف حب و خرابيط ,,

شوق : اقول سكتوا الابله وصلت ,,,

ولاء : منيروووووو كالعاده متأخره اللحين الابله بتشخط فيها

شوق : كاهي منيره وصلت

الابلة : ليش متأخره ؟؟؟

منيره : ابلة كان علي بدنية و كنت اغير ملابسي

الابلة : وليش ابلتكم ما اطلعكم مبكر

منيره : شدراني ,,, كل ما نقولها تقول دقيقه و اخليكم تغيرون إلا الجرس طاق

معالي : اي ابلة ترى ابلات البدنية لازم تكلمونهم ,, ما يطلعونا الا لما يطق الجرس ,, و بعدين نتأخر و ننزف

الابلة : ماشي ,,, كل وحده تبطل واجبها خل افتر اشوفه ,,,

منيرة : وخري بقعد ..

سارة : حذفي جنطتي على الارض و قعدي

الابلة : بس هدوء

ولاء : منيرة يا مزعجه ييتي و يبتي الازعاج

منيره : اي حبيبتي انا اسوي حركة بالصف

الابلة : بس هدووووووء

ولاء : ابلة ,,, متى الامتحان ؟؟

الابلة : بطلي دفترج ,,, خل اشوف الواجب

مريم : لازم يدقرونج يعني

ولاء : اقول سكتي سكتي بس

الابلة : وين وصلنا ,,,

أسماء : ابلة وصلنا عند معاهدة بلفور

معالي : يا كرهي حق هالدرس ..

مريم : ابلة هذا الدرس داش معانا بالامتحان؟؟

الابلة : الامتحان بعد اسبوعين ,,, اسبوع الياي احد وياكم لي وين الامتحان

منيره : ابلة في شي محذوف ؟؟

الابلة : هذا اللي هامكم

ولاء : اي ابلة والله تعبنا حيل ,,,, الفيزياء بروحة يبيلة شهر دراسة

الابلة : أسماء قومي علقي الخريطة على السبوره


​

​

,,,,,,,,,,,,,,,,,,,,,,,,,,,,,,,

رررررررررررررن ترررررررررررررررررن

بالهده

ولاء : منيره يالله قومي بسرعه خل نطلع ,,, منو بمرج اليوم ياخذج

منيره : كالعاده محمد أخوي

ولاء : وااااي فديته ,,, زوجيني اياه منيره عفية

منيرة : لا حبيبتي مابي مرت اخو تعرف ماضيي

ولاء : يا الخايسه كلنا بالهوى سوى

منيرة : و يعه بتلعبين على اخوي

ولاء : لا مو اللعب بس اخلي طارق سبير

منيره : عمى ,, اقول امشي خل نشوف شوق و البنات

ولاء : كاهي شوق واقفه عند العامود مع زهراء

منيرة : هاااااااااااااي بنات

شوق : هلا هلا هلا بالطش و الرش

منيرة : انتي سكتي بذبحج على سالفة امس

زهراء : ههههههه عيل لو تدرين انها مواعده عبدالله اليوم

ولاء : ويعه وين ؟؟؟!!!

زهراء : كاهو قطيعه صارله ساعه واقف جدامنا ياي مع رفيجه

شوق : سكتوا بنات انا بروحله شوي و اذا شفتوا سيارة امي من بعيد اشرولي

منيرة : شوق يا الخبلة عقلي ,,, بسج امس منطقه

شوق : يا معوده جسمي صار معاه مناعه

ولاء : واااااااي هالبنت ماكو فايده فيها

شوق : يالله يالله خل اروح

زهراء : واي واي واي يملقييي شوفي الجيتي اللي هناك ,,

ولاء : ويييييييييع قطيعه ولا اللي فيها ارف

كوثر : ها كالعاده عند الباب تعلقون على الشباب

ولاء : يمه انتي من وين طلعتي

كوثر : من وين بعد ,,,××××

منيرة : ويعه !!!

كوثر : تكفون بنات منو شاف خالد رفيج رقيه

زهراء : وينه هذا بعد ,, خو رقية كل يوم مواعده واحد

كوثر : تخيلوا بنات ياي و يايبلها ورد

منيره : وينه عفية خل نروح نطمش

كوثر : راح بس وقف دقيقة عطاها ورد و مشى ,, سكتوا شافته ابلة دلال

ولاء : وييييييييي شقالة

كوثر : ههههههههههههه زفته زفه ,,, و رقيووو لاتشوفونها قبت نحاشت

منيرة : ههههههههههههههههههههههه

ولاء : منيرة خل امرج اليوم نروح ستاربكس ,,

منيرة : واااي هالبنت هايته ,, اشوف امي تدرين لازم محاضره قبل لاتوافق

ولاء : و انتوا تيون ولا لأ ,,,

كوثر : لا حبيبتي أنا جاسم يذبحني اطلع معاكم ,,, مايرضى اطلع من غير امي,,,

ولاء : وييييييييه من صجج معطيته ويهه

زهراء : الله يكملكم بعقلقكم شلكم بهالخرابيط

منيرة : مالت عليج الحب حلو

ولاء : وااااي تبيني اهد طارق عشان اموت

كوثر : اقول بااااي انا ابوي وصل

منيرة , ولاء , زهراء : بااااااااااااي

زهراء : بنات هذي مو سيارة ام شوق

منيرة : اي اي اي امبيه بسرعه اشري حق شوق الاخت غارقه بالعسل

ولاء : شوق شوق ,,,, امبيه ماتشوف ,,, بروح لها بسرعه

ولاء : شوق بسرعه امج وصلت

شوق : اوكي اوكي ,,, عبودي يالله باي حبيبي

عبدالله : دقي

شوق : من وين ادق صادروا التليفون ,,, اشوف باجر اذا وحده من البنات يابت تليفونها المدرسة كلمتك

ولاء : اقول خلصي ترى مو ناقصين ,,, امج وصلت

شوق : باي بيبي

عبدالله : بااايات

الابلة : بنااااااااااااات يالله كل وحده تدش داخل ,, واللي اهلها يوصلون تلطلع

منيرة : قطيعه كأنه بروضه مو ثانوية

ولاء : افففففففففف اقول دشي لاتسوي لنا سالفه

الابلة : انتي وياها ياللي متسندين على السياره ما تسمعون

البنات : انشالله بناخذ جناطنا

الابلة : انتي يالله دخلي

البنت : ابوي وصل ,,,


انتظر ردودكم<<<<<<<<<<<<<< عشان انزلت البارت الثاني​

يالله حياتي ناطرتج بلهفه

يسلموووووووووووو قلبي



كمليهااا

تهبل واسلوووبج رووووووووووووووووعه

مندمجه يلا كمليها بليز

وييييييييييييييييييييييييييييييييينج

التكمله قريب انشاله​

بليييز التكمله والله مندمجه :s

تسلم الايادي حبيبتي

يسلمو

يسلمو خيتو ذكرتينى بشطانه الثانويه

وينج حبيبتي كمليها القصه مووو صج روعه

,,,,,,, هل نوعية بنات مريت فيهم


الله يهديهم ^^

@@ بصمت

امبي ايام الثانويه
صج ذكرى
ذكرتينا فيما مضى
والشطانه
امبي استغفر الله سوينا بلاوي عسى الله يغفر لنا


اقول كملي كملي بس
باجر بقول حق ريلي القصه:teeth_smile:​

شكرا و كملي

يلا مت وانه قاعده انطر

مشكووره بس ابي التكمله بلييز حبي

يا الله كمليها حدي اندمجت

..............

كمليها اندمجت حدي اشتقت اعرف شنو نهاية القصة