حبيبتي انا مو مؤيده لهالفكره والله يعين اللي تنحط بهالموقف ..... والله يعوضهاااااااااااااااااااا خير.........
الله يرزق اختج انشا الله با الريال الصالح ومسأله نصيب وسبحان الله وايد تصير ترا البنت مافيها شي بس مايحس با الراحه تجاهها وللحين مايه نصيبها وممن تكون خيره لها
صراحة العيب بالولد مو بختج لان في شباب ما يبون البنت احلا منهم مثلا او يبون فيها مواصفات معينة او يبونها جريئة يعني مثل هذي الاشياء
"وعسى ان تكرهو شيءا وهو خير لكم" حبيبتي هذا مونصيبها.. وصدقيني هذي خيره حق اختج بالنسبه عن الحركه>> عاااااااااااادي ولو انا بمكانها :اكون واثقه بنفسي ولا بفكر ليش رفضني.. لان اهو الخسران مو انا.. هذي خيره لها والله يعوضها بلي احسن منه انشاااااااالله
حبيبتي يمكن اهوا حاط اباله مواصفات معينة مو شرط انه اختج اهي اللي فيها العيب ...و وايد ناس تصير فيهم هالسالفة اختج لا اتضايق وان شالله يجيها نصيبها لأنه هذا مو نصيبها
انا حصل لي هكدا بس المشكل في ابي وامي ما اتصرفوا جيدا هو اخبرني انوا العيب مو فيني وفهمت قصده لانني صراحة ما احتملت تصرف والدي الله يسامحهم صليت استخارة قبل وبعد والان مرتاحة وانا كمان لله الحمد فيا مواصفات بس الزواج قسمة ونصيب وأرزاااااااااق
حبيبتي عادي بالعكس يمكن خيره لها يهدها قبل لايملج أحسن مايخليها عقب الزواج أو الملجه إن شاءالله خيره لها مافيه نصيب الله يوفقها ويرزقها بأحسن منه ...
حبيبتي لا تضايقين ولا شي عادي عادي عادي انا مريت بالموقف ثلاث مرات تصوري ثلاث مرات يعني تاكدت جيدا اني لا اصلح للزواج والثقه عندي انعدمت تماما وقعدت تقريبا سنه في حاله ركود نفسي لدرجة اني لا اعتبر نفسي من عداد النساء خاصة وان الذين سبق وخطبوني ما فيهم واحد حلو او مقبول سبحان الله الى ان جاء النصيب قسما بالله رجل ما كنت احلم باوصافه ولا بشخصيته وتم الزواج وانا بيني وبينج دخلت هالتجربه وانا بايعتها قلت مطلقني مطلقني بس خلني احب نفسي واعزها واللي يصير يصير اقسملك بالله انه حب عيوبي قبل مزاياي وانا صارلي اكثر من عشر سنوات متزوجه وكل يوم يسمعني هالكلمه [ انتي احلى انثى شافتها عيني ] يا بنت الحلال خليها على الله والله الناس اذواق وكل رجل يخيل على نوع معين من النساء وهذا التخيل ليس له علاقه بالجمال او الجكر هو فقط انسجام كيميائي بين رجل وامراه ان لم يحدث قال ماكو نصيب وهو ما ينلام ترى في النهايه كل رجل يبحث عن هذا الانسجام اذا ما لقاه رح يشقى معاك يعني القصه مو قصة شكل
الحمد لله انا دايما اللي كنت ارفض بعد الشوفه لين وافقت على ريلي فديته بس اختي صار لها هالموقف لان الوالد الله يسامحه اجبرها عالشوفه وبالاخير المعرس اختفى بدون حتى اعتذار اختي تحطمت واحنا كلنا انقهرنا لانه اقل منها باشياء كثيرة وحتى ماقال مافي نصيب بس احنا قلنا لها انه مايستاهلها اساسا وسبحان الله عرفنا عقب انه رفضها لانها ضعيفه جنها باربي وهو يبي وحده ضخمه وفعلا تزوج وحده نعرفها ضخمه وياب منها بنت وعقب طلقها فعرفت اختي انه صج الله يحبها وانها خيرة.
صحيح كلامك اختي vip ترى الرجال اذواقهم تختلف عن اذواق النساء وهالشي اكتشفته لما بدينا اندور حق اخواني حريم كنت اقوله شرايك بفلانه وفلانه هذي الله يعلم بجمالها الكل حاسدها عليه يقولي فلانه عاد لا يحوشك انصدمت ارد اقوله انزين فلانه وفلانه هذي انا متاكده انها ما راح ترضى فيه لانها حلوه حيل وحاسه بجمالها يرد يقولي انت من صجج ولا تغشمرين يا معوده خلاص خلاص انت لا تخطبين لي* ومره كنت رايحه معاه مجمع الافنيوز جان يقولي شوفي شوفي هالبنت انا ابي نفسها بالضبط ولما التفت عليها جان اشوف وحده اللهم لا شماته تشبه المطربه شيرين عبدالوهاب بس كويتيه!!! يا حبيباتي خلوا عندكم ثقه بانفسكم واللي تمر بهالموقف وتطلع تشوف الخطيب تخلي في بالها انها اهي اللي طالعه تختاره مو اهو اللي جاي يختارها . وقولي حق اختك يا حبيبتي شوفي اللي متزوجات كلهم ثلاث ابارعهم جياكر واللي مو متزوجات اغلبهم حلوين المسئله مو مسئلة شكل باكر يجيها نصيبها وذيك الساعه تحس انها احلى وحده بالكون وتكتشف انها ماخذه فكره غلط عن نفسها لان البنات في هالمرحله وفي هالمواقف بالذات يكونون حساسين جدا ويدققون على كل كبيره وصغيره في اجسادهن واشكالهن
بصراحه انا بصراحه مااحب ان الوحده يشوفها الي بحطبها مع ان هذا من حقه شرعا بس ماادري احس ان راح تنجرح وتتعب نفسيا اذا ماصار نصيب فنصيحه الوحده ترفض ان الخاطب يشوفها وصدقيني اذا في نصيب راح تاخذه ووقت مايحطبونها تصلي استخاره اكثر من مره واذا ملجت تصلي يوميا لي ليلة العرس ركعتين تدعي فيها الله يسخر زوجها لها
موووحلوه هالحركه لو انا مكانها مافكر اطلع اصلا صااارت معااي يبوون يجون اهل المعرس بيشوفوني استحيت وقلت اسفه ماااااااكو يبون يشوفوني يدووروني بعرس ولا حفله غير جذي ماعندي لأني ماحب احط نفسي بموقف مثل جذي >>هذا نصيب وربي يرزقها الزووج الصالح اللي يسعدها >>وانا بعد
