قصتي مع عملية التحوير والبلاوي الي سويتها لهم

السلام عليكم ورحمه الله وبركاته

اولا شلونكم وشخباركم عساكم بخير

سامحوني على هل غبه بس الظروف صارت جذي

اولا احب اشكر كل شخص شجعني على اني اخوص هل تجربه الحلوة

سواء من اهلي او صديقاتي

حوالي من سنه سمعت هل عمليه في برنامج نشوى الرويني وكنت متشيقه اني اسويها

وهم ماحصلت تشجيع سالت كذا جراح وماايدني

وقالي ان لها مخاطر والخ

فانا ماسويتها

وقمت شوي اتابع اخصائي تغذيه عشان اضعف

وكان ينزل وزني ويزع دبل عن قبل

وامي الله يحفضها ويخليها لنه

كانت تصر علي يابنتي حرام هذي مرض لازم تخففين وانا كنت اعاند نفسي

لكن ماكنت اقدر احب الاكل وايد شاسوي

المهم فيوم من الايام من حوالي سنه ونص ياتني اختي الكبيرة وقالت لي عن ديانا كرزون وقالت لي ان سبب ضعفها اهي عمليه التحوير وجذي

وسيده ادخل النت وابحث عن هل عمليه


وكملته في التلفون وكنت ناويه اسوي تحزيم خفت لاني من التحوير واهوه شجعني على التحوير

وصليت استخاره في ليلتها ولله الحمد الامور تيسرت ورحت له

وشرح لي كل شئ وخذنه موعد للعملية

ولله الحمد تمت على خير

والحين بقولكم عن او يوم نمت في المستشفى


اليوم الاول


طبعا نومني الدكتور يوم كامل قبل العمليه كان السعه 5 المغرب

ودوني غرفتي عشان اتعود عليها وعلموني على جهاز النفس والتمارين الي لازم اسويها بعد العمليه

وكنت متشجعه وكان فيني رهبه خفيفه

بس الوالدة الله يخليها

كانت تصيح وخرعتني المهم نمت ليلتها لان يوم ثاني الصبح عمليتي الساعه 8


المهم جهزت حق العملية وكان طاقم عود منهم مساكين استحملوني واستحملو دلاعتي


واختي وامي كانو خايفين وكانو ينتظروني مساكين

حتى دكتور البنج حط لي الابره وقالي هذي حق السيلان

وبعدها بثواني حسين اني في عالم ثاني

ماصحيت اله على صراخي

وانا اقول ماااااااااااابي اسويها مااااااااااااااااابي ابي ابوووووووووووووووووي ابي خالي ابي يدتي وماتم اسم في العيله اله وقلت اني ابيه

حتى بعد العملية سال اهلي عن ابوي لان وايد كررت اني ابي ابوي يبيوه

وقالو له هلي ان اهوه متوفي الله يرحمه بس كنت في عالم ثاني مادري بالي اقوله وقلت لهم رجعو كعدتي وابي ابوي وابي مجبوس وابي اكال وخبرطت وايد عليهم ولله الحمد عدت على خير

ودوني غرفتي اله جافو ان نفسي قل فودوني على طول العنايه المركزة وحطولي جهاز الاوكسجين وتميت في العنايه يومين تقريبا او يوم ونص وعقب ودوني الاشعه وعطوني الصبغه من شدة الالم ماحسيت بطعمها وشربتها كلها

ورجعوني العنايه مره ثانية حق بيسون لي اشعه ثانية الي حق السدر

والحمد الله كل شئ تمام

حتى ماحتاجيت ان يحطون لي بيب مال الوصج

وبعدين ياني الدكتور عبد الحميد وقالي يلا يا بنوته شدي حيلج وعمليتج ناجحه وانا كنت اتالم وقالي وين الارادة والعزيمة

بس انا كنت دايخة من الابر لان ماتم ابره ماعطوني اياها عشان يخف الالم لكن مانمت يوم قالي وين الارادة والعزيمة قمت وقلت له هااااا من عزمنه ورديت نمت وحمد الله عدت على خير ونمت ليلتها في العناية وبعدين يوم ثاني ودوني اشعه السدر وكل شئ تمام

ويه الوقت الي يودوني غرفتي


وباجر بكمل لكن تعبت من الكرسي


قولو الحمد الله على السلامة ​

حمدلله ع سلامتج . . .

الحمدالله على السلاامه يا قلبي ..

حمدالله على سلامتج

حمدلله على سلامتك

الحمدالله على سلامتج

حمدلله ع سلآمتج ....​

الحمدلله على سلامتج,,,,انا سويت العمليه ب2006,,وألحين جسمي روعه مع اني عندي 4عيال الله يحفظهم,,طبعا من قبل العملية انا معيله,,بس صدقيني العمليه ناجحه باذن الله بس أمشي على كلام الدكتور,,,,,

{حمدالله على سلامتج ...ودام غامرتي /عاد احرصي على وزنج}

الحمد لله علي سلامتك

الحمدلله على سلامتك وعقبالي والله شجعيني انا خايفة موت( سلامة دايمة ياعسل)

حمدلله على سلامتج اجر وعافيه وان شاء الله يصير هوس السمنه ماضي وفات

الحمدلله ع السلااامه ..

الله يسلمكم وتسلمون ع المرور الرائع


واي استفسار انا موجوده راسلوني ع الخاص


وانا اشجع الجميع ع عملية التحوير


لان ما يرجع الوزن ابد بس لابد من الفيتامينات

السلام عليكم ورحمه الله وبركاته ،،،

المهم اكمل لكم سالفتي ودلاعتي الزايدة الصراحة غربلتهم


يابوني غرفتي وطبعا لين بينقلوني على سريري سويت لهم حفله من الصياح

المهم عدت على خير بفضل رب العالمين

جود الحيين صار لي يومين من العملية وليحين ماشربت شئ ولا اسمحولي اشرب اله المغرب بس ماي (مويه)

لا واشرب ماي في فنيال كل 5 دقايق

جود امي واختي بايتين وياي كانو وعقبها خذت شور سريع وكنت خايفة حدي

وعقبها يو لي اهلي

يدتي وخالي وخالتي وكنت مستانسه انهم يو خبركم المريض يحب لمه هله عليه

وامي طبعا يوم جافتهم صيحت وايد كانت خايفه امي وتصيح مسكينة

والحمد الله قعدو هلي معاي وعقب كلمني الدكتور وقالي روحي تمشي

وقمت انا واختي تمشينه شوي ورجعت وعقب راحو هلي وامي مرضت واضطرت تروح وياهم

وعقب تمت اختي وياي يزاها خير مسكينة تعبتها وايد استحملتني


المهم نمت واليوم الي بعده اسمحولي اشرب شوربات وعصاير وطبعا كل الي ضقته كنت احس ان طعمة غريب وانا كنت اخاف اشرب كلة شوي شوي

وكان جسمي متروس غازات من العملية وانا كنت ماامشي بس اصيح


وملائكة الرحمة غربلتهم وياي وحتى الدكتور ازعجته الصراحة واهوه ماقر كله يسال عني ويشجعني ويقولي وين الارادة والعزيمة

وكان كل يوم يني يتطمن علي مسكين تعبته وحتى الممرضات الجرس ماسكت

المهم قمت اتمشى شوي لكن بصعوبة لانم الغازات متروسه بجسمي

لدرجة ان يدي ماقدر ارفقها

المهم بكمل لكم وقت غير

يلا تعبت فمان الله​

الحمدلله عالسلامة ،، وغدا شرج انشالله تقومين بالسلامة وتصيرين احسن من ديانا كرزون بعد ،، بس ها ما اوصيج اهم شي العزيمة والادارة ،، وانا بصراحة من اللي ودهم يسوون العملية بس ماكو تشجيع حوالي ،، اتمنى اضعف لاني تعبت من الريجيمات ،،راح اكون متواصلة وياج بالموضوع وبانتظار التكملة ،، تصبحين على خير ​

حمدلله على سلامتك

الحمدالله على السلامه
وانشالله تعجبج النتيجه وتحافظين على جسمج