بسم الله الرحمن الرحيم السلام عليكم .. ان شاء الله تكونوا بصحة وعافيــــــــة.. عموما ما اطول عليكم واقولكم مشكلتي .. وياليت تعطوني رايكم .. انا فتاة سعودية وعمري 26 سنه ومطلقة..بدون اطفال مشكلتي طليقي.. انا تزوجت عن علاقة حب واستمر زواجنا اربع سنوات مليئة بالمشاكل والحب تناقض بس واقع المهم اتفقنا على الطلاق من الطرفين.. وهو كان متوج قبلي وعنده بنتين منها .. المهم كنت متاكدة انه سبب الطلاق عشان يرجع ام بناته اللي كان منفصل عنها طول فترة زواجنا.. وتطلقنا .. وبعدها باسبوع اتصل يبكي ويتندم مع انه كان في فترة طويلة بع اتفاقنا على الطلاق كان ممكن يفكر فيها لكن كان مصمم .. وانا لقيت انه حل مناسب لانه كان يضربني ضرب مبرح تسبب باجهاضي مرتين .. وما حبيت اكمل حياتي بهذه الطريقة معاه .. المهم بعد شهر من طلاقنا رجع زوجته وكان ينكر رجوعها طبعا علاقتي استمرت فيه بعد الطلاق.. المهم بعد اربع اشهر تقدم لي رجل ووافقت في حين كان طليقي بعيد عني لاني تاكدت انه زوجته رجعت له .. وعقدت قراني بهذا الرجل .. وبعد شهرين من عقد قراني حسيت اني ما راح اتفق مع هذا الانسان وطلبت الطلاق مرة ثانية وبعد معاناة الى ان طلقني .. المهم طبعا طليقي الاول عرف بموضوع طلاقي فرجع يحاول يثبت لي انه تغير وانه ندمان وله رغبة انه يرجعني وخصوصا انه هنا صار ممكن شرعا .. المهم صدقته بس اكتشفت انه هو ما تغير .. ويبغاني له لوحده .. لاني رافضة ارجع وزوجته موجودة .. الحين صار يضغط علي بالقوة ارضى فيه .. وارجع له والله صرت ما ادري وش يتسمى هذا الحال حب ولا ايش بالضبط .. المهم حاولت ابعده عني بكل الطرق يبعد فترة كم يوم ويرجع يزعجني بالاتصالات واذا ما رديت يجي يوقف قدام العمارة الى ان ارد عليه .. واضطر ارد على اتصاله عشان ما يسوي مشكلة مع اخواني .. مو عارفة ايش اتصرف ولا ايش اسوي معاه ارجع له ولا اثبت على رايي ... ســـــــاعدوني وقولوا لي كيف اتصــــرف ؟؟ مع العلم اني احبه ولا ابغاه يتضرر بس تعبت والله ولا اقدر افكر صح .... وكل اللي يرد علي الله يوفقه و يحقق كل اللي يتمناه ... اســــــــــــــفة ع الاطالة..:75_75:
صباحالخير انتي تقوليت طلقج ورجع لزوجته الاولي صح خلاص وبعدين تقولين كان يطقج وطق مبرح وسبب لج اجهاض وهذي مشكله ثانيه وانتي تقولين تحبينه؟؟؟انا من رايي الحب ساعات يغمض عينج عن اشياء كثيره وعيوب كثيره في الشخص الي تحبينه وبعدين مع العشره والحياة بتصير هالعيوب مشكله عندج لانه الحب موكل شي بالحياة الزوجيه موشرط تكونين تحبينه الشخص الي ترتبطين فيه اهم شي التفاهم والود بين الزوجين انا من رايي تقولين لاخوانج عنه وعن اتصالاته وشوفي نصيبج مع غيره ؟؟؟وهذا رايي وانتي شوفي الي يريحج
انا مع اصيله بكل كلمه قالتها .... اول شي طقج واجهضتي بسببه مرتين!! ثانيا رجع حق مرته !! ثالثا مو كل زاج فيه حب بكون ناجح الحب بروحه مايسوي شي اساس الزواج التفاهم والاحترام والتقدير والحب (كلهم مو موجدين باستثناء الحب) ! شوفي استيخري ربج واللي فيه الخير ربج بيكتبه لج انشالله مووفقه
