مرحبا حبيباتي والله ابي مشورتكم في موضوعي لاني مليت من هالعيشه ابو زوجي ناشب لي نشبه بالطالعه والنازله انسان متسلط تخيلو يبيني اربعه وعشرين ساعه مقابله وجه يعني لاتصعدين فوق الا وقت النومه ياربي مليت منه حتي زوجي مل من كثر المخانق ولا يقول ابيج تنزلين بالوقت اللي ابي يعني بمزاجه صراحه زوجي عسل معاي ويموت فيني بس ابوه المشكله وكثر الخناق مع ابوه وقلت لزوجي شف لك صرفه مع ابوك ولا ودني بيت اهلي مايصير وزوجته اللي هي خالتي اربعه وعشرين ساعه برا البيت واطيح براسي مع العلم انه موكبير بالسن بس يحب يفرض رايه بس انا ابي اخذ راحتي اقوم بالوقت اللي ابي وطلع بكيفي بس هو بيتحكم فيني شسوي بالله عليكم وبناته ماخذات راحتهم ببيت ازواجهم طبعا كل وحده ببيت بروحها واتحدي احد يقولهم شي من اهل ازواجهم ؟ وماخفي كان اعظم ؟
حبيبتي نثر السكر مرحبااااا فيك اذا كان ابو زوجك ناشب لكم طيب ليش مااتطلعوون برا بيت لحاالكم لو أجار طيب وزوجته ليه برا بيتهاا اصلن هي المسؤله عنه ليش تخليه يمكن هذا اللي يخليه يحس بالوحده والفراغ والتسلط لاتجيبين طاري الطلااق بالمره حليهاا بطرق ثانيه بعيييييييد ةعن الطلاق اجبري زوجك تعيشوون برا عنهم والله يعينك ويصبر قلبك
حبيبتي اذا ما تقدرون تطلعون بره البيت تحايلي يقولون من ليس لديه حيلة فليحتال كل شوي تفككي منه مره قولي له عندي شغلات لازم اسويها بغرفتي مره قولي بنظف مره قولي بكوي ........الخ واذا نبين تطلعين طلعي قبل لا يتفرق لش ويصير موجود وكثري روحات بيت اهلش وفتكي منه لكن انتبهي لزوجك ارضيه ودلليه وخليه يادهينه لا تنكتين وحافظي عليه. والله يعينك .
انا اقول اصبري علشان زوجج وهذي فرصه لحج علشان زوجج يشوف انت شلون صابره علي الابتلاء ويكبر حبج واذا قال ابو ريلج شي قولي ان شاء الله واستسمحي منه عمي ابي اسوي جذي والله ياحبيبتي بتكبرين بعين ريلج ويسخرلج عمج يارب
انا اوافق ذنوب الحب 44 ع رايها افضل انكم تطلعو بيت بروحكم ولا تجيبي طاري الطلاق ف لسانج وليش ما تكلمي خالتج ؟ كلميها وشو فيها شو بتقول ! الله يعينج ع عمج
