هذا أول موضوع لي بالمنتدى ومحتاجة لمساعدتكم زوجي نوعه اذا زعل خلاص يطنقر ويسكت مره جريب الأسبوعين سكت ما يكلمني دايما يحب اني أراضيه بس أنا اذا غلطانه أخليه شوي بعدين أراضيه لكن عند نفسه اهو ما يخطأ ودايما يحط الخطأ علي المشكله اللحين صارلنا خمس أيام ما نتكلم نفس اليوم اللي تزاعلنه فيه اهو كان مزعلني وأنا زعلته بعد فحاولت أصالحه وتميت طول اليوم أحاول بس ماكو فايده معنه اهو العاده يرضى بسرعه لمه بوسه يرضى بس مأدري هامره شفيه معنه الموضوع ما يستاهل وعاد أنا قلت ماني قاطه نفسي عليه أنا سويت اللي علي ما يبي كيفه أنا ماراح أبادر هالمره كيفه اهو اللي لازم يصالحني ومثل ما قلت صارلنا تقريبا خمس أيام فما أدري أكمل على موقفي ولا أحاول مره ثانيه أنا متأكده انه راح يرضى هالمره بس ودي تي منه اهو وايد زين وحنون بس ماأدري هالطبع مو قادره أغيره فيه انتوا شرايكم ناطره ردودكم
اول اختي صادقه الله يهديكم لبعض واذا زوجج حنون وزين فاهذي صفات حلوة وزينه واذا زعل له خمس ايام انتي وياه ولا تتكلمون فهذا وايد وطول المشكله اكثر اختي تصيحه لج الحياة الزوجيه فيها تضحيات واذا الموقف مايستاهل الزعل هذا فانتي بادري بالصلح وبعدين زوجج مايبادر معناه هذا طبع فيه وانتي الحين ابيج تبادرين لان مشكله تجر مشكله بعدين خلافات لها اول مالها اخر وانتي مو كل يوم لج زوج اقول نصيحيتي بادري بالصلح وخليج سمحه ديننا الاسلام دين السماحه والله مع اليسر مو مع العسر واكثري الاستغفار وطمنينا عليج
أول شي حبووبة تعوذي من الشيطان والزوجين مالهم غنى عن بعض يعني مردج بتنامين يمه شوووفي انا الحين حامل و صايرة عصبية و على اي كلمة مسكين أتهاوش معاه و اعصب لدرجة اني اصرخ وايد عليه مسكين فيعصب و يزعل و يطلع برة البيت و عادي يوم كامل يحقرني بس لما بنام بليل مايهون علي بصراحة ايي يمه ألمة أبووسه أتقرب له أو أنام على صدره و بروحه يرضى ترى الريايييل مثل اليهال يحبون الدلع دلعيه دللييه بس بالمعقول يعني لاتخلينه يحس ان ماتقدرين تعيشين بدونه و لا بتموتين اذا ماكلمج وحاولي تلهييين نفسج عنه يعني لا تقعدييله قعده طاف يعني اذا اكثر من مرة راضيتيه و عاند ما يبي والله اهوة اللي يبي المشاكل و بس قعدي شبكي شوووف يتلفزيون روحي بيت امج انا والله لما اراضيه و يحقرني و لا يكسر فيني و الله اخليه يتحسف أحقره انا اخليه يحس ان كسر فيني بس انتي الحين حاولي لما يرد من الدوام تسوينله غدى تقعدين معاه انا اذا زعلان أسأله مثلا وين الرموت مال التلفزيون أو أسأله أسألة مالها داعي عشان عالاقل أطفي النار و الله يهديه ان شالله اذا رضى عليييج فهميمه ان الزواج مو لعب و ترى الحقران مو لصالحه و قوليله عيب احنا كبار مو صغار تسوي جذي شخلينا حق اليهال و عطيييه كلام و بس طيعيني الريايييل مثل اليهال بالكلمة الحلوة وسلامتج
بنكيه مشكوره والله أنا نفسج ما أحب ينام واحنا متزاعلين تدرين ليش لأني أحب أعيش حياتي ما أحب أقضيها بالزعل والنكد بس أنا اللحين ملهيه نفسي مثل ما قلتي والكلام العادي قاعد أتكلمه مثل سالفة وين الريموت بس بنطر وبشوف شيصير اهو ينن كل شي فيه زين بس هالطبع لو يغيره أرتاح
خواتي ماقصروو والزعل مايسوى انا عن نفسي مااحب الزعل يطوول اكثر من سااعه لازم المشكله تنحل بوقتها مااحب اطوووول والله يهديه لج ويهدي ازواجنا للصلااح والخير ..
