السلام عليكم ورحمة الله وبركاته امممم بصراحه مابعرف من وين ابتدي واتمنى اشوف ردودكم ودعواتكم لي المهم تعبانه من كل شي ودي القى احد يحبني بجد ودي احس انه عندي ابو يعطف علي يحسسني انو انا بنته ليش مابقى شي وادخل سن الثلاثين وماعمري شفت ابوي جلس معي وضحك وياي يضحك معاي بس اشوف العكس والله وامي ضعيفه ماحسها تتكلم والله بس اشوف المشاكل واسكت وعلى العموم انا موظفه بس الراتب قليل جدا ومايصرف علي طيب وبعدين تعبت وانا مابيدي شي وكل كلمه سلفيني طيب من وين وانا ماعندي بسرعه تروح ومايصدق انه ماعندي ومن ناحية رفيجاتي وقت الشده ماشوف احد بس عندي وحده قريبه بس تغار علي ومضايقتني حدها بس اخاف على زعلها وهي لاتبالي ماحد حاسس فيني ودي برفيجة واهل شنو اسوي دائما احاسب نفسي شنو سويت وشنو اتكلمت زعلت احد بس ذا ونفسيتي دمار حتى الشغل ماعرف اشتغل وتعبانه بالمره وددددددي اتغير حتى ثقتي بنفسي احس ماعندي والحل والله اكتب وانا تعبانه حيل ان شاء الله تفهموني وابي ردود ومساعده ارجوكم لاعدمناكم
الله يكون بعونج ولا تنسين ان جيل آبائنا غير عنا آنا أبوي وايد كان عصبي وعمرنا ما قعدنا معاه وسولفنا وبعد ما أخذ الله أمانته صج فاقدته وفاقده كلمة يبا ودي اقولها مرات اقولها حق زوجي عشان اعوض الكمله هذه واذا على الشغل ليش ما تحاولين ادورين شغل ثاني أو حتى انتي بالبيت تشتغلين واذا على الصديقات صدقيني بتلقين الدنيا للحين بخير وفيها ناس زينه
ياعمري الله يكون بعونج ويعوضج خير انا حييييييييييييييييييييييل حاسه فيج والله ان شالله ربج بيعوضج بعيشه هنيه باذن الله وبالزوج الصالح اصبري ماعندج غير الصبر والدعاااااء يمكن هذا ابتلاء من رب العالمين الف الحمدالله انج بنت مصليه ومسميه وحافظتي على نفسج غيرج تغلط وووووالخ الله يفرج همج ان شالله
لاتزعلين ياختي ادعي لابوج ولامج ولنفسج واقريي القران وتحببي لله فهو خير الصديق وكل شي بهذه الدنيا ولا تخلين الوسواس وشيطان يوسولج وان كان على الرزق فان الله هو الرزاق اختي العزيزة نصيحه ادعي ان الله معاج
هلا أختي . . . مثل ما قالت اختي جيل اباءنا يختلف عن هالجيل . . . يعني اول خطوة انج تحبين نفسج وتتصالحين وياها وتقوين صلة برب العالمين وبعدها راح ترتاحين نفسيا . . . ومسألة اخذ والدج من راتبج حاولي انج تشيلين من راتبج لو شي بسيط شهريا ولا احد يدري فيهم . . . وتواصلي ويا امج ترى الام حنونة وتحتاج من يسلي خاطرها ويونسها . . . والوالد صدقيني مع محاولاتج بالجلوس وياه بيتغير يعني سوي قهوة وضبطي القدوع واجلسي معه وخليه يسولف لج عن ايام شبابه وحبة حبة بتلاقينه بيسترسل بالحجي . . . أما الصديقات فابتعدي عن هالصديقة اللي تغار منج . . . وربج يسهل امورج ويفرجها عليج يارب . . .
ولاراح تلقين ناس انا للحين جاري البحث عنهم الناس الطيبه ماكوووووووووووووو انقرضو الظاهر لاتلوموني لااهل عندي يونسون وينسون الهم هم يبون منا اخ بس لنا الله
لا حبيبتي مهما كان هذا ابوج الاهل مالج غنى عنهم لو مهما يصير اللي يصير بس الصديقات يتعوضون لمن تحسبن نفسج متضايقة اقري قران وصلي حاولي تتقربين من ابوج قعدي معاه العصر شربي شاي او قهوة سوي له الاشياء اللي يحبها ترى مهما كان هذا ابوج الله يرزقج بزوج يحبج ويخاف عليج
اول شي ليش ما تفتحيلج مشروع مثل (( تبيعين اشيآآء فالمنتدياآآت او تسوين سويت و تبيعينه ,, او تحطين ميك اب للبنات)) خدي كل شهر مبلغ معين حق البسنس اللي بتسوينه و تقسمن من معاشج حق اهلج (( عسسب يزيد دخلج )) اما عن سالفت ربيعاتج خلي علاقتج وياهم سطحيه لين ما تعرفينهم عددل و لتثقين بـ اي حد .. و اهم ش اعتمدي على عمرج و لتخلين اي حد يضايجج و اتقربي من ربج (=
الخوات ماقصرو بالنصايح لج صدقيني مافي احسن من الصلاااه والاستغفااار تبعد عنج التعب والنفسيييه التعبااانه ادعي ربج وقوومي الليل وعسى ربج يرزقج برجل الصالح انا وياج طبعاً هع اسال الله العظيم ان يرزقنا برجل الصالح وجميييع بنات المسلميييييييين اللهم امييييين
