حبيبتي عادي مافيها شي اذا قلتي لزوجج تراجعون الطبيب علشان تطمئنون على نفسكم ونصيحه روحي لدكتور محسن شاطر بالسوالف هذي
حبيبتي الله يرزقج انشالله بالذرية الصالحة .... وبعدين لاتخافين هذا طبيعي اذا ماحملتي 6 شهور او سنة حتى هذا طبيعي طبيعي احتياطا سوي سونار حق مبايضج يمكن يكون عندج تكيس بالمبايض او سوي تنظيفات استخدمي غسوول اسمه( ستيال) وايد زين ينظف هالمنطقه حتى انتي وريلج بعد خل يستخدمه الله يوفقج يارب (ادعيلي الله يسهل على الولاده)
يا عمري حالتج مثل حالتي بعد الجماع الماي كله ينزل بين رجولي حتى لو نايمة نص ساعه وطلع زوجي القذف شكلى ضعيف والحيوانات حيل ضعيفه بس لمارحت سويت تلقيح صناعي الدكتور حط تحتي مخدة ساعه كاملة واقسم بالله اقسم بالله مانزل ولا شي بس قلت بنفسي هذا لان تلقيح صناعي لكن لما رديت البيت قمت اتبع طريقته المخدة لمدة ساعه وتصدقين مازل شي ومرة حطيتها نص ساعهى نزل شوي جربي اشخسرانه
جربت احط المخده تحتي وارفع ريلي واظل بالفراش مده :"(ماكو فايده بس هالشهر اذا ماحملت بروح افحص رحمي اول وبعدين اذا ماكو شي بقول حق ريلي يفحص وامري لله شسوي
لا موشرط مائل انتي روحي وتوكلي على الله عند دكتور شاطر مو واحد خربوطة ادعولي احمل انا مسوية تلقيح صناعي
يالله يارب ترزق كل وحده تبي بيبي ان شاءالله وتفرح قلبها وانشاءالله نشوفج ام بعد 9 اشهر حبيبتي ( دمي انا عسل ) حبوبه انا عندي اختي مثل حالتكم 7 اشهر ماحملت ومافي شي من الحركات الي قلتوها ماسوتها اتبعت كل شي رفيجاتها قالو لها بحكم الخبره بس للاسف ماحملت وقالت بطلع بتوكل على ربي والمستشفى الي بيطلع بدربي اهو الي راح اظل عليه وراحت مستشفى السلام وطلع يوم يمعه ومافي عيادات بس الي بالطواري قالت لها عن الدكتور عمرو عصام ان وايد شاطر واهو اختصاصه اطفال انابيب ivf ويحدد لج كل شي وعارف شغله عدل مايسوي شي الا فاهم وبطلت ملف السبت ودشت عليه استشاره وتقول قالت له كل شي تقول اول شي سوالي ياه سونار داخلي وتقول مشاءالله معاملته وايد محترمه وزين تقول لدرجه السونار الممرضه حطته وغطتها ونادته اهو مسك الجهاز من الواير وتقول جيك على كل شي طلع مافي شي حمدالله لاتكيس لاضعف بسماكة الرحم حمدالله لك يارب وعطاها تحليل معين تسويه وسوته ب 35 وطلع عندها لبرولكتين مرتفع نزله لها وعدل دورتها وماحملت واهني طلب منها تحليل حيوانات منويه للزوج وسوه ولله الحمد ريلها ماعارض لان شايف حالت زوجته تعبانه وايد وطلعت الحركه عنده زينه حمدالله بس ربج ماكتب لها تحمل وعطاها حبوب لكلوميد من ثاني يوم الدوره لمدة 5 ايام ومع ابر موبروحهم واخر شي سوالها سونار داخلي وجيك على البويضات قلهم زينين وعطاها ابرة التفجير وحدد لها وقت الجماع وماحملت ظل على هالكورس 3 اشهر وماحملت قالها انا اجرب العلاج الطبيعي معاج مدة 3 اشهر اذا ماصار على طول تلقيح صناعي وهذا الي صار سوت تلقيح صناعي بعد ماعدد لها البويضات وفجرهم وحدد متى موعد التلقيح تقول الجهاز الي يبطل الرحم بس شوي يعور لانه استيل ولمن يسحب عنق الرحم حست بوخز صغير وتقول حقن السائل المنوي طبعا يابته معاها من البيت بحدود 15 دقيقه بس وسوته ب50 دينار توديه المختبر ويطلعون الشوائب منه وتستلمه بعد ساعه بأبره وتروح عند الدكتور على طووول تدخل وسوالها تقول اقل من عشر دقايق وخلاها على ظهرها نص ساعه ومخده تحتها وماتتحرك وعطاها موعد تحليل هرمون حمل بعد فتره ولله الحمد احملت والله شاهد على كل كلمة قلتها لاحرفت بكلامها ولا زدت شي وان شاءالله اكون كفيت ووفيت وربي يرزقكم بالذريه الصالحه يارب ويفرح قلوبكم وقلوب ريايلكم : )
في حبوب تقوي المبايض اسمها اذا مو غلطانه كلوميد اذا رحتي طبيب وكل شي زين روحي لمره تدهن رحمج يمكن صاد عن تجربه
مس زيزو ام عبدالله ريماس شكرا شكرا على الردود الحلوة اختي مس زيزو فديتج ياعمري انا اشكرج على ردج الحلو واللي برد قلبي انا الحين مسوية لي اسبوع التلقيح الصناعي عند منصور العرف وسوا لي مثل بالضبط اختج كأنج تتكلمين عني بس الكلوميد طلع تبويض بس ماكو حمل وجرب التلقيح الصناعي بعد ماحدد ساعه معينه والله كريم وباقي اسبوع واحلل تكفون ادعولي اكون حامل 21\2 موعد الاتحليل بس انا زوجي حيواناته بس 3مليون والطبيعي 60 مليون فرق صح وربنا يستر يارب والله كريم واحمل يارب يارب يارب تكفون ادعولي ان احلل واكون حامل والله يثبته لي لان مجهضة مرتين من قبل
حبيبتي فديتج ( دمي أنا عسل ) ربي يرزقج بالذريه الصالحه ان شاءالله ويارب تحملين بتؤوم ويفرحون قلبج وقلب زوجج تقول اختي هم معاها وحده بالدوام ريلها فيه ضعف بالحيوانات المنويه ومره عن مره يزيد ضعف حركتهم وسوت تلقيح صناعي ولله الحمد تقول حملت بتؤائم بس نزل واحد منه من الارهاق والتعب لانها تدرس وبنفس الوقت عندها ميداني وحاشها نزيف وعطاها دكتورها مثبت وراحه مدة شهر والحمدالله كل امورها طيبه الفال لج يارب وتقولين لنا النتيجه لسبوع الياي ان حامل وتفرحينا معاج حبيبتي ويالله يارب ترزق كل محرومه بالحمل ولاتعتمدين يختي على كلام اي احد ان سوت تلقيح ومانجح من اول مره الله كاتب هالشي والي ربج كاتبه يصير وان شاءالله ربي كاتب لج الذريه الصالحه بتلقيحج الصناعي وتقبلي مروري : )
