سؤال 1 هل تحبين زووجج بدايه الزواج اكثر او بالوقت الحالي اكثر ؟ سؤال 2 تحبين زووجج اكثر ولا عيالج اكثر قول الصراحه ؟
وااااااااااااااااي ام عبودان دايما مواضيعج حلوه ، المهم بصراحه احب زوجي الحين اكثر من اول زواجنا وكل يوم اخبه اكثر من الي قبله (على فكره الحين دزيتله مسج وقلتله عن سؤالج وعن جوابي) وبالنسبه حق السؤال الثاني بصبراحه بصراااحه بصرااااااااااااحه لحظه بفكر امممممممممم امبيه مادري بس احب زوجي و ولدي نفس الشيء
مشكووووره على الموضوع الحلوو ,, عن حبي له كل يوم عن يوم احبه اكثر وعسى ربي يخليه لعيوني وعسى يومي قبل يومه, وعن احب عيالي والا هو اكثر اتوقع هو بس الكل يقول جذابه لان يقولون عريزة الامومه اقوى بس انا اقول العكس ومااقول الا عسى الله لايبين غلاهم لان ان صار فيه والا بعيالي شي مااتوقع الحيا بيصير لها طعم. وشكرااا اختكم عسووله جديده عليكم واتمنى اصير نفس اختكم
حلووووو الموضوووع هل تحبين زووجج بدايه الزواج اكثر او بالوقت الحالي اكثر ؟ بالنسبه للسؤااال هذا انا احبه الحين اكثر من اول تحبين زووجج اكثر ولا عيالج اكثر قول الصراحه ؟ بصرااااااحه وبدوون تفكير اعيااالي اكثر الله يخليهم لي ويخلي زوجي لي وعلى فكررره انا احب اعيااالي حتى اكثر من نفسي وناااطرين جوااابج انتي بعد ياصاحبة الموووضوع
مشكوره يالغاليه على الموضوع.. بالنسبه للسؤال الاول اكيد احب زوجي الحين اكثر من اول. والعيال للحين ماعندي صارلي سنتين وحملت مرتين وسقطت اتمنى من كل وحده تدخل الموضوع وتشارك تدعيلي بالذريه الصالحه.. شاكره لكم..
الله يكرمك بالذريه الصالحه وتاكدي كل شي بارادة الله بالنسبة لحق السؤال الاول احب زوجي اكثر من اول والسؤال الثاني احب اولادي وزوجي ما اقدر افرق بينهم بالحب عسى الله يخليهم لي
تسلمين عى الطرح المتميز -------------------------------------------------------------------------------- سؤال 1 هل تحبين زووجج بدايه الزواج اكثر او بالوقت الحالي اكثر ؟ أحبه في كل الأوقات وأحبه أكثربالوقت الحالي سؤال 2 تحبين زووجج اكثر ولا عيالج اكثر قول الصراحه ؟ أحبهم كلهم نفس الشي عسى ربي يحفظهم ويخليهم لي تسلمين يالغلا على الموضوع الحلو
يعطيكم العافيه على هلردود الطيبه والله يوفقكم ويتمم عليكم ان شاء الله ويرزقج بالذريه الصالحه يا ( دانه الغواص ) وبالنسبه لجوابي انا احب زوجي الحين اكثرررررررررررررر والله لا يغير علينا واحبه اكثر من ولدي بدرجه وحده بس والله يخليهم لي
احب زوجي واموت فيه هالحين اكثر واول اكثر وقبل الزواج اكثر واكثر لانه كان مايزعلني واحب بناتي موت وهو موت بس هو يزعلني احيانا وانا ازعله احيانا بس بناتي فديتهم مايزعلون ولا يهاوشون ولا ولا ولا
امممممممم بصراحه اعزة كثيييييييييييييييييييييييييييييير وحتى هو يدري بهالشي والعيال للحين مالله رزقني 9سنوات زواج وبإذن الله بيفرجها ربي قريب قريت موضوعك وتحمست على الرد وسجلت وهذا اول رد
انا احب زوجي واايد ... واللحين اكثر من بدايه الملجه ( عروس يديده ) ... و ما عندي عيال ...فما ادري شلوووون الامومه ؟
أحبه اليوم و دوم وكل يوم أكثر وأحب اعيالي كثير بعد.....كلهم زي بعض الله يخليهم لي ويخلي زوجي تاج فوق رأسي و عيالي شموع تضؤي بيتي
