اولا ايم بليسيد تو ميت يو وياليت تقبلون فيني بهالمنتدى الاكثر من راائع :wink_smile: واني اكون صديقه دائمه لكم ابلش بمشكلتي الي عيزت احلها :sad_smile: اول نقطه : زوجي ..................................... مافي شي من اروع و احسن مايكون معاي وعلاقتي معاه الكل يحسدني عليها يعني يموت فيني تحمل عنادي وغيرتي ومشاكلي وحنتي وانا اموت فيه ولا اقدر استغني عنه بس في شي مو طبيعي بيني وبينه هالايام اتنرفز علا اي موضوع وادور الزله واهو صاير جبريت ما ينتحاجى وكله برا صاير يمل مني بطريقه فضيعه ومايتم عندي ساعه على بعضها صايرة ما انام الا ودموعي على خدي وتدروون شالمشكله اني ما ابين لاهلي او لاهل ريلي ان بينا شي والكل حسبالة ولا روميوو وجولييت الكل حتى رفيجاتي يقولون واللة ياحظج انتي حظج يكسر الصخر ريلج كل شي تبينه يسويه وطريقتج معاه بالحجي كانه رفيجج مو زوجج مع اني انا ودي اغير طريقتي معاه والكل يترقب شنو صاير بينا وين رحنا ومن وين يينا وين بنسافر وشنو يابلي بعيد زواج او بعيد ميلاد او راس السنه او اي مناسبه تمر علا طول يييون ويسؤلون وانا هبلة يابلي ويابلي ورحنا وبنسوي لحد ما الحين صاير مايب يطلع معاي كلش واحس انه كارهني لحد ما امس فجر قبله بويهي قالي انا لما اكون برة ابي ارد البيت ومشتاقلج بس لما ادش البيت اتحسف اني ييت وما ابيج تحاجيني كلش ولا ابي اشوفج ورجاءا لا تنامين يمي ولاتعالي لمن انا انام بس لا تجابليني مع اني ابتسم لما يدخل حتا لو كنا متخانقين احس ان في شي بينا ومادري شنوو اول ماكان يشوف عيوبي لمن اقوله انا فيني هالعيب ايقولي انا ماشوف فيج عيب كلش وهذا ما يعيبج .... ومن هالحجي اما الحيين وااااااااااااااااي كلي عيوووب تعبت نفسيتي حييل ومع كالهذا اضحك وتغشمر والكل حسبالي متهنيه :sad_smile: وهذا منالقهر الي فيني مادري شسوي قولولي شورو علي طرقتي معاه غيرتها صرت اكلمه علا قد سؤالة اتحاشى المشاكل بس تعبت تعبت تعبت واتمنى ماكون ثقلت عليكم او يمكن انا اشوفها مشكله وهي لا بس اعذرووني واللة ما انلام الي يعرفني اول ينصدم مني حاليا ابيكم توضحولي الصوره الي ماوضحت عندي ورااح اتقبل كل شي منكم ...........:emoticon_U:
صباح الخير اول شي الي مبين من اسلوبج متوتره شوي وتعصبين حيل هالايام اكيد عشان الوضع الي انتي فيه والتغير الي صار بحياتج مع زوجج بس ياقلبي قبل كل شي بقولج شي ولاتزعلين انا صريحه بطبعي لكن مابي لج غير الخير من كلامج انج كنتي تكلمين عند صديقاتج او اهلج عن طريقة زوجج وشنو يجيب لج صح وهالشي غلط مهما كان في حريم تحسد ولاتذكر الله صدقيني عن تجربه والعين مذكوره بالقران ونصيحه لاتقولين عن زوجج عند احد سواء خير او شر احسن لج حياتج الخاصه خط احمر محد يتعداه عشان ترتاحين وثاني شي واوله تصلين وتقرين سورة البقرة على نفسج المغرب وتشغلين شريط سورة البقرة بالبيت وكثري من الاستغفار وتدعين يسخر لج زوجج وترجعون نفس قبل واحسن والحين ترسلين لزوجج مسج حتى لوكان يمج بالسرير وتقولين له اسفه ضايقتك الايام الي فاتت واحبك اووووكي وشوفي شغلج دلع وحركات اوكي راضي زوجج وسوي نفس ماقلت لج قبل لاتكبر السالفه ويصير بينكم حاجز ماتقدرين ترجعينه
قلتيها انتي هبله( SooOoOoOoOoOoOoOrry) بس عادي حبيبتي انا كنت مثلج انتي غلطاااااااااااااااانه حدج غلطانه ليش تقولين لهم وتخلينهم يشوفون كل هذا؟؟ خاصة القراب؟؟ ترى العين والسحوره والحسد ما ايي الا من الناس القراب لانج جدام عينهم و يعرفون شعندج ما عندج ويراقبونج بالطالعه والداشه مو بس يراقبونج يقارنون بينج وبينهم .. بين ريلج ورياييلهم فطبعا نفسهم بتصير بالشي سامحيني على صراحتي بس سئلي أي شيخ دين بيقول لج نفس كلامي.. هذي إما نفس أو حسد (عين) أو سحر وترى السحوره مثلج انا كنت اقول لااااا شكو .. ماكو بالكويت بس ترى أبشرج بالكويت السحر صاااار سهالاااااااات وساعات يسوونه بدون ما يدرون يروحون لوحده تقرا فنيان ما ادري شنو ويطلعون اللي بجبودهم وتصير السالفه ترى ما كتبت لج كل هذا الا وانا حايشني الضيم قبلج كنت أدش آنا ويطلع أهو وطوووووول اليوم نجره وهواش على ماكو شي على شغلااات أسخف من سخيفه انا راح اخلي ريلي يقرا سالفتج-بعد اذنج طبعا- واتوقع عباله انا هذي من زمان كاتبه السالفه خخخخ حبيبتي ترى مو قاعده اضحك الا من الضيم لا تزعلين بس تبين الحل الأكيد؟؟ وبعدها راح تدعيييييييييييييييييييييييين لي ليل ونهار سورة البقره اقريها كااااااااااااامله يوميا لمدة اسبوع بعد صلاة المغرب أو الفجر يوميا .. وشوفي شيصير معاج وقوليلي حسبي الله عليهم ما يخلون أحد بحاله
اخت ليلى الانصاري واللة ادري ان ان السحر موجود واسهل من السهل بس منو انا الي بيسونلي جذي وشنو المصلحه وممكن جايز والمقارنه موجودة وجدامي هالحجي واللة شوفو ريل فلانه واللة احسن من ريلي ولا وحدة تقوليلي ماتبدليين وعندي رفيجتي بالدواام كل ماتشوفني تسؤلني شسويتو امس ها ومن هالحجي كل يووم لحد ماصارت الشغله هذي ناااااااااااااااااااادرة من كثر المشاكل بينا واللة ماجذبت عليكم بكلمه هذا حالي
والله كلاام اختي اصيله وليى عييييين العقل .. شنو ماتقدرين تسكتين مايصير والله الناس من تجربه انا كرهت شقتي وكل اللي فيها بس بالاستغفار وسورة البقره والدعااء والتكتم على حياتنا رجعنا مثل اول واحسن والله ثم والله النااس ماتعطي خييير مو شرط قصدهم يحسدونج بس يفزون فيج .. اللي تسألج تحججي بأي شي غيري الموضووع مره مرتين صدقيني راح يتعودوون والله يهدي زوجج لج ويبعد الحسااد عنج ..
حاولي تمسكين نفسج ولاتعصبين على اي شي ولاتعاتبينه على طول يعني مو كل ما يشوفج تعاتبينه او تشتكين له منه عشان ما يمل من القعده معاج خلج ريلاكس شوي وهاديه والابتسامه طالعه من القلب واهوا هم راح يهدى ويطخ عنج شوي ومثل ما قالت لج اختي ليلى كل يوم اقري سورة البقره وادعي ربج الله يهديه لج ويهديج له وانشالله الوضع يتغير للاحسن
انتي مشكلتج تتلخص في (عدم الكتمان) انا نفسج اسوي نفسي كتومه اصمل يوم يومين اليوم الثالث قلتلهم سوالف اليومين اللي طافواااااا هههههههههههههههههههههههههههههه هذي يبلها تمرين على قولت طارق سويدان المهم حطي في بالج ان بقولهم اسراري الحين وابين لهم وناستي وبعدين!!!!! شستفيد بيدعولج بالزياده وان الله يتمم عليج خير ان شاء الله قولي بقلبج اذا بقولين شي عنج انتي وزوجج فولي بقلبج ..... انا الخسرانه انا الخسرانه انا الخسرانه انا الخسرانه أن تكلمت صدقيني انتي جذي تدربين عمرج على كتمان اسرارج مع الايام والله يوفقح وترجع علاقتكم مثل شهر العسل واحسن............امين
انا اقول الله يعينج عالحسد خرب بيووت وانا وحده منهم من كثر الحسد الكل ينام وانا جاعده ابجي لا وتطورووو سولي سحر بعدين من القهر والله اني ما اجذب والله شاهد لاني احب زوجي وزوجي يحبني اشلوون مايصير لازم انطلقهم والحمدالله بالصلاة والدعاء الله وفقناااااا وعلشان الشي اللي صاير فيج والالم اللي حاسته لازم تمسكين السانج وتتكتمين على كل شي عطيهم كلام اول مره يعور القلب وبعدين سايسيهم اشوي وبعدين بس رؤؤؤؤؤس اقلاااام عن اعيالج اوعنج عن دوامج ريلج لاتييبين طاريه كلش وانا سويت جذي وتعودو على هالشي وخلاص مالهم شغل فيه او شنو يسوويلج ياجبيبتي ما سمعتي المثل اللي يقولج خاويني وخاويج واخذ ريلج وخليج اي لاتستبعدينها صارت واااايد الله يبعد عنج كل مكروه ويخليلج ريلج يارب ويوفقكم
اختي انا بتكلم من وجهة نظر ثانيه بعيد عن العين والسحر انتي ماقلتي لنا من كم سنه متزوجه يعني الزواج في بدايته تمر عليه ايام من الملل والاختلاف لان الصورة الحقيقيه للزوجين تبدأ تطلع وهنا تصير المشاكل الين يبدأ التعود من الطرفين على بعض والتقبل الشي الثاني انتي غلطانه لانج برمجتي زوجك انك كلك عيوب حتى عيوبك اللي ماكان يشوفها انتي بينتيها له لازم تغيرين اسلوبج معاه وتقدرين نفسج وتمدحين نفسج حتى بأشيا مو فيج وهنا بتعكسين له ثقتج بنفسج وخليه يحس انج تقدرين تعيشين سعيده بنفسج ومب هو سبب سعادتج وهو اللي بيركض وراج لان في ازواج يكرهون المرأه الضعيفة المنكسرة اللي ماعندها غير الدموع واتمنى لج السعاده
حبيبتي أنا مريت بنفس حالتج وشوي كنت بطلب الطلاق اقري سورة البقرة لمدة أسبوع وان شاء الله كل شي بيرجع نفس قبل وتعودي ما تطرين ريلج جدام أي وحدة
روح تعالجي عندالشيخ عبدالله الخليفة في منتداه ماشاءالله حالات عديدة عالجهن ادعي ربي يسرامورك و يفرح قلبك يارب
يا قلبي تداركي الوضع .. حرام بالله كل اللي تقولينه مر علي بس كنت اقول الامور بتتصلح لين تفاجأت فيه ينزلني عند اهلي و يتصل علي و يقولي انا حاولت بس ما اقدر و الله يوفقج مع غيري انتي طالق طالق طالق.. و الله نفس سيناريو حياتج فالبدايه الكل حاسدنا على بعض و تصير ازمات بيني و بينه و تحمل عنادي و تحمل حنتي لين بدا يتغير و صار على قولتج جبريت مع انه يسوى عيوني و كنت مقتوله نفسيا لعب بكياني و بمشاعري و صار ما يراني شي .. يا قلبي نصيحة اخت لختها .. تدراكي الوضع بإنج اول شي تصلين صلاة ركعتين تدعين فيها بالسجود من الله انه يسخره لج و ادعي بجوف الليل و خلي عندج قناعه ان الله بيده الخير كله و انه الكريم .. ثاني شي مسكي ريلج و صارحيه بكل شي بخاطرج و قوليله صارحني شنو مضايقك فيني و انا اوعدك راح اتغير لاني احبك و شاريتك مثل ما انت شاريني .. غير طبعج قبل لا يفوت الفوت .. غير طبعج و الله اقولها صاجه العناد ما ينفع ينفر الريال و هو قاله بويهج انا ابيج لما اكون بره لكن لا ييت عندج ليتني ما رجعت .. العين حق و لكن الانسان قادر من بعد الله انه يغير من حاله .. و الله اقولها من واع تجربه لان كل طراق بتعلومه ..
