بسم الله الرحمن الرحيم السلام عليكم ورحمة الله وبركاته بنات انا كشفت يوم الاربعاء وقالت الدكتورة البيبي تمام وزي الفل وكانت تنتظرني اسألها عن النوع لان عندي بنتين ولا ناظرت في الاشعه بس لمحتها تهز رأسها وتبتسم وقلت لها خير عرفتي شيئ قالت ان شاء الله ولد ورحت المكتب وقلت كم النسبة قالت 99% ولد طمنوني يبنات وبعدين قالت تعالي بعد اسبوعين ااكد لك النوع وانا كشفت وانا في نص الخامس
الله يرزقج ويرزقني بالولد الصالح لاتحطين ابالج اللي يجي من الله حياه الله انا عندي بنوتين ولله الحمد اهم شي صحة البيبي وعافيته
ان شالله خير حبووبة لاتقولين جذي قولي الحمدلله عالصحة و العافيه هذا أهم شي اذا بتقولين بنت ولا ولد هذا مو زين الله مايرضى وثاني شي اذا ريلج بيزعل اذا ما يبتي ولد قوليله الشي هذا منك انت مو مني لان الحيوان المنوي من الرجل يعني الولد منه أما المرأه عليها بس تحتضن الحيوان المنوي ببويضتها وتغذيه و تكبره والله أعلم حبوووبة ... وربي يرزقنا و يرزقكم الذرية الصالحه و ان شالله ولد عشان يحط باله على خواته واللي يدش من وراي يقول آميييييييييييييييين ***:
يا بنت الحلال البنات رزق وبركه على أهاليهم باذن الله وهذا الكل مجربه وحتى أمهاتنا و جداتنا يقولون هالحجي ’’ وأول وتالي هذا الشي من الله ’’ بس الواحد يبي الصحه والسلامه ’’ الله يقومج بالسلامه ان شاء الله و يرزقج الولد الصالح البار السليم باذن الله ,, سبحان الله بني أدم جذي محد راضي برزقه اللي عندها صبيان تبي بنات احم احم واللي عندها صبيان تبي بنات وننسى ان الصحه والسلامه تاج على رؤوس الاصحاء ,, و عسى الله يرزقج الولد الصالح البار السليم باذن الله الواحد الاحد ,, آآآآآآآآمــــــــــــين
اهم الشي الصحة والعافية وتقومين بالسلامة والطفل يكون سليم ما فيه شي واذا تبين سونار الدكتورة اللي اراجعها وايد شاطرة بالسونار وتضبط والسعر ممتاز وهي شاطرة وامينه اسمها الدكتورة خيرية السالم عيادتها بانتهاء الدائري الرابع مقابل مطافي السالمية رويال كلينك الرقم 25611060
الله يرزقج الولد الصالح يارب حبيبتي نصيحتي انتظري اخر السااادس واتاكدي ولاتقولين لحد وموفقه ان شاء الله
صحيح ان الولد نبيه عشان الزوج يبي الولد بس لو يدري ان البنت ارحم له واللي عنده خوات كثير يبي عيال والعكس والله ماحد مرتاح بس اللي حبيت اقوله اهم شي طفل سليم معفاءلان حولي ناس عندهم عيال فيهم القلب واللي عنده الرئه تعبانه نسال الله العافيه والرحمه
