كستر الصمون (Bread Pudding)

السلام عليكم

قوه بنات شلونكم؟؟

يبتلكم وصفة غربية حلوة و حدها لذيذة الاجانب يحبونها :teeth_smile:


المكونات:
1 كيس صمون (بريوش) تلقونه بالجمعيات
2 كوب سكر
6 بيضات
نصف كوب سكر بني (Brown Sugar)
ربع قالب زبده غير مملحة
ربع ملعقة شاي صغيرة ملح
ملعقة صغيرة بودر دارسين(Cinnamon Powder)
2 موز مقطع دوائر
1 كوب كريمة (Whipped Cream)


مكونات صلصة الفانيليا (Vanilla Sauce)

2 صفار بيض
نصف كوب سكر
ملعقة شاي صغيرة نكهة الفانيليا (Vanilla Extract)
1 كوب حليب سائل
1 كوب كريمة


الطريقة:

اول شي جهزي الفرن على رقم 4 او 350 F


1. ضعي السكر البني في جدر صغير و ضعي قليل من ماي الفلتر بحيث ان الماي يغطي الشكر بس مو وايد عشان ما يصير ماي مايوووه:75_75:
خلي الجدر على نار هادية بس لا تحوسينه...لما تشوفين الشكر قام يبقبق شوي...حطي ربع قالب زبدة بس يكون لين شوي و خليه يسيح مع الشكر هم بدون ما تحوسينه بس حركي الجدر يمين يسار ليما تسيح

2. عقب كل هاذا صبي كوب الكريمة فوق الشكر البني و الزبده و حوسيه عدل و خليه شوي على نار هاديه ليما شوي يصير ثقيل وسكري الجوله و خلي الجدر على جنب...

3. ييبي ماعون عميق(Mixing Bowl) و كسري 6 بيضات و 2 كوب شكر و الملح و الدارسين و خلطيهم عدل:teeth_smile: و بعدين تاخذين خلطة الشكر البني و تصبينها فوق هالخلطة و تحوسينها عدل مدل....

4. تاخذين صمونة البريوش و تقصينها قطع مربعات ...بس قبل لا تصفين الصمون في ماعون البايركس المربع...دهني الماعون بالزبدة علشان الصمون مايلزق..

5. صفي الصمون المقطع بالماعون و حطي قطع الموز عشوائي بين الصمون

6. صبي الخلطة فوق الصمون و ييبي قفشة و خلي الصمون يشرب الخلطة..

7. حطي الماعون بالفرن لمدة 20-30 دقيقة


ملاحظة: ضروري تحطين ماعون البايركس فوق صينية فرن تيفال و ترسي نصها ماي يغلي عشان الصمون ما يحترق من تحت!

طريقة صلصة الفانيليا:
1. زهبي جدر صغير وحطي فيه كوب الحليب و كوب كريمة و الفانيليا و حوسيهم و خليه على نار هاديه ليما يثقل..

2. ماعون عميق حطي في 2 صفار البيض و نص كوب شكر و خلطيهم مع بعض بالقفشة ليما يصير ناعم بعدين تييبين الجدر اللي فيه الحليب والكريمة و تصبينه فوق صفار البيض بس دفعه دفعه و تخلطينه شوي شوي ليما يندمج..

3. تردين الخلطة بالجدر مره ئانية و تخلينه على نار هاديه ليما يصير شوي ثقيل..



عقب ما تطلعين ماعون الصمون من الفرن تقطعين الصمون المتماسك و تقدمينه مثل الكيك و على كل قطعة صبي شوي من صلصة الفانيليا قبل التقديم :smile:


و عليكم بالعافية :wink_smile:

Bon apetit

تسلم الأيادي

تسلمين حبيبتي

يسلمو حبوبه انا هالحلا مجربته لزيييييييييييييييييييييييز

يمي يمي يمي ...من المقادير مبين حلو عيل شلون الطعم
تحيااتي لج

لا ترى حدها عجيبة انا صرت ادمان عليها ... بس بصراحة ما تصلح حق اللي عنده سكر بعيد الشر لانها وايد حالية

يسلموووووووو

تسلم الايادي